Unicode
" ဟယ်လို "
" ... "
" ဟုတ်ကဲ့...ဟုတ်ကဲ့... ကျွန်မပြောလိုက်ပါမယ် "
လက်ထဲရှိဖုန်းကို ခပ်တင်းတင်းကိုင်ထားရင်း ပါး၏နောက်ကျောပြင်ကို ကြည့်မိပြန်တော့ ပြောစရာစကား ပျောက်ရပြန်သည် ။ မပြော၍လည်း မဖြစ်ဆိုတော့ ပြောကိုပြောရမည် ။
" ပါး "
ပါးက ခေါ်သံကြောင့် နောက်ဘက်ကို ခေါင်းလှည့်ကြည့်ကာ မေးဆတ်ပြ၏ ။ ပါးနှင့်အတူတူ စျေးခြင်းကိုဆွဲနေသည့် ပေါင်ပေ့ကလည်း နောက်သို့လှည့်ကြည်လာသည် ။
" မကြီးကို ဒီမနက်ပဲ ဆေးရုံတင်လိုက်ရတယ်တဲ့...ပါး..."
ပါး၏ ကျယ်သော မျက်လုံးအိမ်က ပိုကျယ်လာပြီး နှုတ်ခမ်းကလည်း ခပ်ဟဟပွင့်လာကာ မယုံနိုင်သော မျက်လုံးများဖြင့် ခပ်စိုက်စိုက်ကြည့်လာ၏ ။
" ဟုတ်လို့...ဟုတ်လို့လား...မား ၊ မနေ့ညကတောင် ပါးနဲ့ စကားပြောနေသေးတယ်လေ "
တုန်လှုပ်နေသော စကားနှင့်အတူ ပါး၏လက်ထဲရှိ ဆွဲခြင်းလက်ကိုင်ကလည်း ခပ်လျှောလျှောဖြစ်လာသကဲ့သို့ မျက်နှာကလည်း ပိုပိုပြီး နီမြန်းလာသည် ။
ထို့အတွက်ကြောင့် ခြင်းထဲရှိ ပစ္စည်းများပြုတ်ကျမသွားစေရန် ပါးဘက်ရှိ ဆွဲခြင်းလက်ကိုင်ကိုပါ သက်ကောင်းလူ လှမ်းဆွဲလိုက်ရ၏ ။ မားက ပါး၏အနားကို ခပ်သွက်သွက်လှမ်းလာပြီး ပါး၏ လက်မောင်းကို ညင်သာစွာပွတ်သပ်လိုက်၍ သက်ပြင်းချသည် ။
" ဟုတ်တယ်...ပါး ၊ အရေးပေါ်တင်လိုက်ရတာလို့ ပြောတယ် ၊ အဲဒါ ပါးနဲ့မား လိုက်သွားကြရအောင် "
ပါးက အံကိုတင်းတင်းကြိတ်ပြီးမှ တောက်တစ်ချက်ကို ခပ်ပြင်းပြင်းခေါက်လိုက်၏ ။
" မကြီး တစ်ခုခုဖြစ်ရင် ဟိုကောင်ကြောင့်ပဲ "
သွားကြားထဲမှထွက်လာသည့် ပါး၏ ထိုစကားသံမှာ ကြက်သီးထစရာပင် ။
" စိတ်ထိန်း...စိတ်ထိန်း...ပါး ၊ မကြီးလဲ ဆေးရုံရောက်သွားပြီဆိုတော့ သိပ်ပြီးဆိုးဆိုးဝါးဝါးမဖြစ်လောက်ပါဘူး ...ပါးရယ်...နော် ၊ မား အဝတ်သွားလဲလိုက်မယ် ၊ ပါးလဲ အဝတ်လဲလိုက်အုံး ၊ စျေးကပြန်လာတာဆိုတော့ အနံ့အသက်က မကောင်းဘူးလေ ၊ ပေါင်ပေ့ ခြင်းထဲက ပစ္စည်းတွေကို နေရာတကျသိမ်းထားလိုက်နော် ၊ ခေါက်ဆွဲတွေကိုတော့ ဟိုဘက်အိမ်ကို ပေးလိုက် ၊ အလုပ်သွားရင် လဲ အိမ်တံခါးကို သေချာပိတ်သွား ၊ မားနဲ့ပါးက ဆေးရုံမှာပဲ တစ်နေကုန်မဲ့ပုံ... "
ВЫ ЧИТАЕТЕ
My Green Forest ( Complete)
Любовные романыကန္တာရထဲက လူတစ်ယောက် ကႏၱာရထဲက လူတစ္ေယာက္ (သက်ကောင်းလူ) ဒီနေ့... မနက်ဖြန်... သန်ဘက်ခါ... ကျန်ရှိတဲ့နေ့ရက်တိုင်းမှာ ကျွန်တော့်အချစ်တွေနဲ့ ထင့်ကို မွမ်းမံပါမယ်...။ (အလက်ဇန်းဒါးထင် ) ပျော်ရွှင်သည့်အချိန်... ဝမ်းနည်းသည့်အချိန်... အားငယ်သည့်အချိန်... အထီ...
