“ ဘာစိတ်ရှုပ်စရာမှ မရှိပါဘူး...ဘာလို့လဲ ? ”
“ ဟုတ်လား ? မင်းစိတ်မရှုပ်ဘူးဆိုလို့ တော်သေးတာပေါ့....ဒါပေမဲ့ ငါကတော့ ဒီရက်တွေမှာ အရမ်းစိတ်ရှုပ်နေရတယ် ”
“ ဘာလို့လဲ ? ”
ထယ်ယောင်းက သင်္ချာစာအုပ်ကိုထုတ်ရင်း မေးသည် ။ ဂျောင်ကုကတော့ ထယ်ယောင်း၏ ဘေးတိုက်မျက်နှာလေးကိုကြည့်ကာ ပြုံးလိုက်ရင်း
“ ငါတစ်စုံတစ်ယောက်ကို သဘောကျနေမိသလိုပဲ ”
ထယ်ယောင်း၏လက်တို့က ရပ်တန့်သွားပြီး အနည်းငယ်အံ့ဩသွားဟန်ဖြင့် ဂျောင်ကုကိုကြည့်လာသည် ။
“ အိုး...ဂုဏ်ပြုပါတယ်...မင်းသဘောကျနေတဲ့သူကလည်း မင်းကိုသေချာပေါက် ပြန်ပြီးသဘောကျမှာပါ ”
ထယ်ယောင်းက စိတ်ရင်းဖြင့်ဂုဏ်ပြုစကားပြောဟန်ပြုသော်လည်း သေချာနားထောင်လျှင် ချဉ်စူးစူးအနံ့အသက်လေးရောယှက်နေသည်ကို သိရပေမည် ။ ထယ်ယောင်း၏အပြုအမူတို့ကို အသေးစိတ်လိုက်ကြည့်နေသည့် ဂျောင်ကုက ၎င်းကိုသတိမထားမိဘူးဆိုသည်မှာ မဖြစ်နိုင်ရာ ။
“ အင်း...မင်းပြောသလိုပဲဖြစ်ပါစေလို့ ဆုတောင်းရမှာပဲ...ငါကသူ့ကိုတကယ်သဘောကျတာမလို့ သူ့နှလုံးသားထဲကို ဖြည်းဖြည်းချင်းနေရာယူမှာ ”
လွယ်အိတ်ကိုကိုင်ထားသည့် ထယ်ယောင်း၏လက်တို့ကတင်းကျပ်သွားပြီး မျက်တောင်တို့ကလည်း သဘာဝမကျစွာလှုပ်ခတ်သွားသည် ။ သို့သော်လည်း ထယ်ယောင်းက ဟန်ဆောင်ကောင်းစွာဖြင့် ဂျောင်ကုအား ပြုံးပြလိုက်ပါ၏ ။
“ အင်း...ကောင်းတာပေါ့ ”
ထို့နောက် အတန်းထဲသို့ ဆရာမဂိုဝင်လာတာကြောင့် နှစ်ယောက်သားစကားစပြတ်သွားသည် ။ ထယ်ယောင်းက ထိုအချိန်မှစ၍ ဂျောင်ကုကိုလျစ်လျုရှုလိုက်ကာ မျက်နှာကလည်း ယခင်ကဲ့သို့ မာထန်သည့်သဏ္ဍာန်ပြန်ပေါ်လာသည် ။ ဂျောင်ကုကတော့ ထယ်ယောင်း၏ ဆူပုပ်ပုပ်မျက်နှာလေးကိုကြည့်ကာ သဘောကြီးကျသွားသည် ။
၎င်းက ထယ်ယောင်းသည်လည်း သူ့အပေါ်စိတ်ဝင်စားနေပြီဖြစ်ကြောင်း သက်သေဖြစ်သည်ပဲလေ ။ အစောကပြောလိုက်သည့် စကားတို့ကလည်း ထယ်ယောင်း၏သူ့အပေါ်သဘောထားကိုသိချင်တာကြောင့် စမ်းသပ်လိုက်ခြင်းဖြစ်သည် ။ ကြည့်ရသည်ကတော့ သူကိုယ်တိုင်ကလည်း ထယ်ယောင်း၏နှလုံးသားတစ်နေရာတွင် နေရာယူနှင့်နေပြီ ဖြစ်လောက်မည် ။
ČTEŠ
Compatible Pheromones |TK|✓
Fanfikceမုန်းတီးခြင်းဟုယူဆသော်ငြား... လျစ်လျူရှုမှုတို့ကမစွမ်းသာ... မျှောလွှင့်နေတဲ့ တိမ်လေးတွေလို... ခံစားချက်တွေဟာလည်း ဦးတည်ရာမရှိ... သေချာပါသည် ငါလည်းမင်းကိုချစ်နေပြီ... Start - Dec 14 , 2021 End - Oct 14 , 2022 #pic from pin #crd to owner
Chapter 33
Začít od začátku