[Zawgyi]
"ကို...ကိုသတိရပြီလား"
အသံလာရာအကြည့်ပို့မိတော့ သူနဲ့စေ့စပ်ထားတယ်ဆိုတဲ့ မိန်းကလေး။
ထပ်ပြီး အခန်းကိုဝေ့ဝဲကြည့်တော့ ဆေးရုံခန်းတစ်ခု။
"...!!?..."
"ဒါနဲ့ ...မင်း...."
ရှောင်းကျန့်က စကားကိုရပ်လိုက်ပြီး စိတ်ရှုပ်သွားဟန် မျက် မှောင်တွေကိုကြုံလိုက်တယ်။
"ဘာလို့ ဒီမှာရှိနေရတာလဲ"
"...."
"ရိပေါ်ကရော...?"
ရှောင်းကျန့်က ဆက်ပြောလိုက်တာဖြစ်တယ်။
ရုတ်တရက် ကြားလိုက်ရတဲ့ ရှောင်းကျန့်ဆီက စကားရယ် ခပ်စိမ်းစိမ်းမျက်ဝန်းအကြည့်တွေရယ်ကြောင့် ချင်းအာရဲ့ မျက်နှာပေါ်မှာ ထိတ်လန့်မှုတွေက ထိန်းထားလို့မရနိုင်အောင် ပေါ်လာခဲ့တယ်။
မဟုတ်ဘူးလား...မဖြစ်နိုင်ဘူး...
မဖြစ်နိုင်တာ...လုံးဝပဲ!!!
ဒီလိုဖြစ်ရမှာမဟုတ်ဘူးလေ!
ဆရာဝန်.... ဆရာဝန်တွေပြောတော့....
.....!!!....
ချင်းအာက အထိတ်တလန့်နဲ့နားမလည်နိုင်ဖြစ်နေတုန်းမှာပဲ တီးတိုးရေရွတ်သံကိုထပ်ကြားလိုက်ရတယ်။
"ငါကရော ဘာလို့ဒီမှာရှိနေရတာလဲ"
ရှောင်းကျန့်က တစ်ယောက်တည်းရေရွတ်ရင်း သူရှေ့က လူဆီအကြည့်ပို့လိုက်တယ်။
ဘာလဲ...ဘာလို့အဲ့လောက် ထိတ်လန့်အံ့ဩနေသလိုဖြစ်နေရတာလဲ။
မျက်စိရှေ့က လူကသူ့မေးခွန်းကိုမဖြေဘဲ ကြက်သေသေနေသလိုဖြစ်တာကြောင့် ရှောင်းကျန့်ဟာ ပိုလို့စိတ်ရှုပ်ထွေးလာတယ်။
နာမည်တပ်ပြီး ခေါ်ဖို့လုပ်ပြန်တော့ ပါးစပ်ဖျားတင်မေ့နေတာက ပိုပြီးစိတ်ညစ်ဖို့ကောင်းတယ်။
တစ်ယောက်ယောက် များလာရှင်းပေးကြပါဦး။
"ကျစ်...ရိပေါ်နဲ့ညစာစားဖို့ချိန်းထားတာကို ဘယ်လိုလုပ် ဆေးရုံရောက်နေရတာလဲကွာ"
"ကို...ကိုဘာပြောလိုက်တာလဲ"
ရှောင်းကျန့်ရဲ့ စကားသံကိုရှင်းရှင်းလင်းလင်းကြားလိုက်ရတဲ့ ချင်းအာက ပိုပြီး ထိတ်လန့်သွားတယ်။
