“ တစ်ခုခုလိုလို့လား ? ”
“ ဟင့်အင်း...ငါမင်းကိုပေးစရာရှိလို့ အထဲဝင်ရအောင် ”
“ အိုး...လာလေ ”
ဂျောင်ကုကလမ်းဖယ်ပေးလိုက်သည်နှင့် ထယ်ယောင်းက ဂျောင်ကုအခန်းထဲသို့ လေ၏အလျင်ကဲ့သို့ ဝင်သွားသည် ။
“ ရေချိုးပြီးပြီပေါ့ ”
ထယ်ယောင်းက ပေးစရာရှိသည်ကိုမပေးပဲ စကားပလ္လင်ခံနေသည် ။
“ အခုလေးတင် ချိုးပြီးတာ ”
“ အင်း...ဟိုလေ ငါတို့အခန်းပြောင်းမဲ့ကိစ္စ...”
စာမေးပွဲမဖြေစဉ်ကတည်းက အခန်းပြောင်းရန်ကိစ္စကို သူတို့ပြောဖူးသည် ။ ထယ်ယောင်းက အပန်းဖြေခရီးမှပြန်လာလျှင် ပြောင်းမည်ပြောထားသော်လည်း ဂျောင်ကုကအစမဖော်တာကြောင့် ဂျောင်ကုမေ့နေပြီဟုတောင် ထယ်ယောင်းထင်သည် ။ သို့သော်...
“ ငါအဲ့ကိစ္စကိုစဉ်းစားပြီးသွားပြီ...မင်း ငါ့အခန်းကိုပြောင်းခဲ့ပါလား ? ”
“ ပြဿနာမရှိပါဘူး...အဆောင်မှူးကိုပြောပြီးရင် တစ်ရက်အတွင်းပြောင်းလို့ရတယ်လေ ”
“ အင်း...ခဏထိုင်ပါဦး မတ်တပ်ရပ်မနေနဲ့ ”
ဂျောင်ကုကထိုင်ခိုင်းထားကြောင့် ထယ်ယောင်းလည်း တစ်လုံးထဲရှိသည့်ခုံပေါ်တွင်ထိုင်လိုက်သည် ။ ထယ်ယောင်းထိုင်လိုက်သည်နှင့် ဂျောင်ကုက ခိုးဝှက်ထားသည့် သုံးမိနစ်ရေနွေးအိုးကို ထုတ်ယူလာကာ ရေနွေးတည်လိုက်သည် ။ အသံသိပ်မကျယ်တာကြောင့် ပိုအဆင်ပြေသည်ပြောရမည် ။ မဟုတ်လျှင် အတိုင်ခံရဦးမည်ဖြစ်၏ ။
“ ငါ့မှာ အသင့်ဖျော်ကော်ဖီတစ်ချို့ရှိသေးတယ်...မင်းသောက်ချင်လား ? ”
ပုံမှန်ဆိုလျှင် ကော်ဖီသောကရသည်ကိုမကြိုက်သည့် ထယ်ယောင်းက ဂျောင်ကုကိုမငြင်းချင်တာကြောင့် ခေါင်းညိတ်လိုက်သည် ။
“ အင်း...သောက်မယ် ”
“ မင်းမသောက်ချင်ရင် ကိုယ့်ကိုယ်ကိုယ်အတင်းဖိအားပေးစရာမလိုဘူးနော်...အခုက အသင့်ဖျော်ကော်ဖီပဲရှိလို့...နောက်ကျရင်တော့ hot choco ဝယ်ထားပေးမယ် ”
YOU ARE READING
Compatible Pheromones |TK|✓
Fanfictionမုန်းတီးခြင်းဟုယူဆသော်ငြား... လျစ်လျူရှုမှုတို့ကမစွမ်းသာ... မျှောလွှင့်နေတဲ့ တိမ်လေးတွေလို... ခံစားချက်တွေဟာလည်း ဦးတည်ရာမရှိ... သေချာပါသည် ငါလည်းမင်းကိုချစ်နေပြီ... Start - Dec 14 , 2021 End - Oct 14 , 2022 #pic from pin #crd to owner
Chapter 30
Start from the beginning
