رغيفْ بنكهة عشگّ {مكتملة}

البارت الرابع والستون

أنا شناسي..؟
أحط راسي وأريد أغفىٰ

وألف شغلة تجي براسي
أضّل أتلمس بگلبي

أضل أحسب ..
عددهن كامل جروحي

كلشي أذكر ..
انا ما ناسي بس روحي
...
#رغيف_بنكهة_عشگ
#بقلمي_بصره_الربيعية
#البارت_64..
...

بغداد..

سَلم_ من باوع عليه هيچ صِدوق گلبي لچمني
گال..جايين على ماجد!!

بينت نفسي عادية
صح استغربنه شنو جايين لماجد..مو لازم ماجد يمهم
گال.. ماجد مختفي !!

رجعت للبيت ابلع الغصة والألم گوه واگول
حوبة مُعمر هاي..بس شيقنع گلبي
وانه اتذكر البارحة من اجه..

آخ..كلشي بـ اسمـه ..

الليـل ، والدنيا ، حتى گلبي

...

رجعت اداوم رغم هاي الضروف كلها انه ورونقه ماعفنه الدوام قربت العطلة واجتنه الامتحانات

وصدوق باقي يسعى من كل صوب حتى ايطلع براءة مُعمر حتى ولد عمي على فرد طريق من البصرة لبغداد
ماتركونه الله شاهد
روزال كل متحاول تحاچيني اصدها
اخر مره بعد الحادثة اجتلي على أساس تواسيني گتلها
دموعچ كلها غش حرامات السنين المشيتها وياچ
وتالي غشيتيني صح بررتلي حيل هواي
بس كأنما ماچنت اسمعها!'

اليوم عدنه عمي ومرته وسڤانه
خوب هجره تريدلها حجه علينه من گبل حتى تتشمت گاعده وتبيع زودها براس امي وامي شبيدها
متحملتها..
..سألني عمي عن حالي وزوجي احتاريت ش أرد
بس گتله الحمد لله
رجع يسأل شعجب ماادخل وطلع مُعمر
جاوبه صدوق: هو وينه هو اشو مختفي

گمت انه من يمهم اكره الحديث من يدور ويرجع عليه'

هذاك اليوم چنت توني طالعة من المدرسة
لچحته واگف يم سيارة اول مره ماعبالي هوبس
من صفنت بي سوالي تحيه اصبعين على راسه
چانت هاي المره الثانية الاشوفه بيها
بعد ماساعدنا نشوف بالمركز ندخل نشوف مُعمر..

خفت من تذكرت كلام ماجد عنه!
منين يندل مدرستي وشعنده ببابها
بس گلت يجوز أخته او بنته بنفس المدرسة
ماقلدته ودرت وسرعت وابتعدت عن المكان البي هو
صرت اخاف بعد أيام رونقه تعطل لامتحاناتها
واضل وحدي..

...
اليوم چان هذا اخر يوم تعطل بي رونقه
طلعت للساحة ادور عليها واشوف هوسة ولمه
طالبات فزعة صايرة!!

اتقربت اكثر حتى اشوف شكو
شفت وحده ممطولة بالگاع والدمان تارسها مابين منها شي..
واليمها تحچي بچئچة مبين چانت شاهده على الحادثة
بس لحظة..هاذي مو صديقة رونقه!!!

لاااا ياربي!!!

وخرتهم ورحتلها شلت راسها..گلبي هناا
تخفظ دگاته ويه كل قطرة دم تنگط منها!!
بعد شنو الي اشوفه من صعب الألم..
خصه بعد ما اجالي خبره!!