رغيفْ بنكهة عشگّ {مكتملة}

البارت السابع عشر

وين انتَ ووين انه
الگلب يتبع درب الميانه

المشكله مو جبانة
المشكله بعيونك السمرانه

واذا بالعشگ كالو طايح انه
فالسبب يرجع لذيج الورانه

هي صح مگبرة وبيها موتانه
بس بيها ابتدت عيون بالعشگ ولهانه

#بقلمي_بصره_الربيعية
#رغيف_بنكهة_عشگ
#البارت_17..

البصرة..

كلاف_چنت سارحة بتفكيري...
فزيت على صوت امي دخلتلي للحجرة وكالت وهي مبتسمه من گلبها...
شيلام_بنيتي كلافَ أبيچ يندهلچ ..

كلافَ_استغربت كتلها خوب ماكو شي يما!..

شيلام_لاقابل شني يماا بس لفي شالچ وامشي وياي
يالله بنيتي.

كلافَ_راحت هي وانه شغلت بالي لفيت شعري شلون ماچان ولبست الشال وطلعت ... لاگتني عُبق مبتسمة
وهي تگلي..

عُبق_ ولچ شمسوية هسة تسودنينة ..

كلافَ_عكرت حاجبي على شني شمعناها حچيتها وامي
اجت وهي تگلي ..

شيلام_اخذي صينية الچاي ووديها للديوانية يماا جاية وراچ انه حبيبة

كلافَ_ماادري ولا عرفت شنو وامي تتلوگلي اليوم هواي بس نفذت وخذيت الصينية دكيت الباب گبل لا ادخل لان سمعت حِس غير عن حس ابوي

اريد ادخل وينفتح الباب بوجهي مرت خالي صارت
واتلگتني واتمطك بيه ولا عبالك امس چنه سوه

بس وخرت وكلتلي دخلي عمه دخلي ..

اول ما رفعت عيني على آخر الديوانية صارت عليه
هو ومثمر وكدامه ابوي وبصفه خالي!..

استحيت كلش ، تقدمت سلمت وانطيت الچاي لمثمر وزعة عليهم وعلامات الاستغراب على وجهي
وهو مادري عنه .. وانه دنكت اجت امي ويه مرت خالي
وكعدو بصفي ..

اسمع سوالفهم عادي بس مدري ليش
صوته يتميز بذاني عن كل الأصوات ..لحد..

ماحچه خالي وهو يكول ...
_يباا كلافَ انه من زمن موش بعيد اخذت شور ابيچ
وما ردني بس تانينة تعبر اربعينة اخوي الف رحمة على روحه واجي بذات نفسي اسألج بنيتي .. وانه رايد اطلبچ جدامهم لوليدي الشيخ ضرار .. واحنه عشرة عمر ومهو غريب عنكم وهذا هو جدامج بذات نفسة
هو طلبچ بالاسم والقرار يبقى يمچ بعد بنيتي.

كلافَ_يماا احس الخجل صار نار وصعد لراسي اريد واحد يكومني ويطلعني ويوديني لحجرتي
لااعرف أهل ولا عمام ولاخوال اريد فراشي ... اجيت ابچي وانه مدنگة وهمه يتانوني شحچي!

وانه بس ادور درب الفلته حتى شگلت بوكتها حتى اشرد من عيونهم العليه ... گلت بصوت كوه يطلع ..
..بكيف ابوي خالو... حچيت هيچ وي ما گمت بهالسرعة
عيني بعينه وهو مبتسم.