رغيفْ بنكهة عشگّ {مكتملة}

البارت الثلاثون

بين رچيچ گلبي ودورة أميال الساعة چم ليله مضت انه اغفى على حبك وادعي لله يگعدني على صباح وجهك''

#بقلمي_بصره_الربيعية
#رغيف_بنكهة_عشگ
#البارت_30...

البصرة..
سڤانة_أندگ الباب واحنه گاعدين ابحدنه طفرنه نشوف منو من جوه الباب رجلين زلمة ومره وگفت انه على حيلي
وكلت الكلافَ ذول اخوانچ!

هي أول ما رادت تفتح گالت شمدريچ؟

گتلها چاا غير حفظت رجلين ناس المنطقة من ورى بابنه الرافع هدومه..ضحكت عليه و انه تذكرت امي من گالت يجي عليكم ابن عمتچ تضلون يم بيت عمتچ لمن انرد ..وكتلها هي صاحت منو وصدگ همه الي جايين!

عثاريها امي رايحة لبيت عمتي وموصيتهم علينا واحنه ما ندري

من صوت تماضر درينه ، دشت علينه ترعد
ايي چاا منين سامعة غير منها!

سدة باب الحوش من دخلت واجت گبل للبيت مو دشت كلافَ جوه انه هم من افتح الباب وادخل سمعت صوتها ليگول وحده مسودنه..وگفت يمهن وگالت هيه..

تماضر_شني تدرن انتن وانه ماادري حاچني؟؟؟
او مني هااااي بـــعد.. منهيه الاعبه عليه وانه اااالي سنيييين اااتااني تالي هم وحده ثانية •••••
انه اجزيچن هسة بس والله لو طلعتن تدرن بشي وضامات عليه؟!...

سڦانة_لسانچ تمااضر لا تضلين تهاددين ترى احنه ما ندري ليهسة شني الصار يعني حالنه حالچ.

حاچتها كلافَ بكل برود وصوتها مغضب بحيث سكتتها..

كلافَ_لاصبري انتِ خل انشوفها شتسوي،،،،،ايي وبالله ندري احنه شتسوين تذبين حرگتچ بينه لو شني؟!..

تماضر_ميخالف'' كلشي يبين تاالي بس انه ما أسكت لعلمكم مو مثلكم انه! لو أعرف ارد حگي بيدي ..
وهاا اخوي برى يتانينه.

سڦانة_دارت من ورى خشمها وحچت آخر حچيها..
شلون خوات هي بعيونها الحقد وكلافَ عيونها بارده
ما تعرفهن شيفكرن لو شني من افكار براسهن
انه مسطورة رحت هناك گبل ذبيت روحي خمدت
حتى ما تعشيت.

يوم الثاني ورى الضهر ردت ادش اسبح وناسيه ملابسي الداخلية ما جايبتهن من أجيت ورحت استعانيت بكلافَ گالت ننطيچ من عدنه بس طبعي مو حلو ما اخذ شي مو الي من احد وفشلة اضل بلياهن

مارضيت گتلها اروح للبيت همه اهلي مايطولون ماقبلت گالت انه اجيبلچ وگالت انه هم معتازة غراض مناك عرفتها تريد تجيبلها بعد هدوم حتى تضل وما ترجع سوتها صدگ شوي وراحت وبس طلعت منا اندگ الباب منااا انه بالحوش الچبير والفاصل الشرك
يعني اشوف منو اجه
ويطلع ياهو..
اخــــوي!..

اضن جاي علينه رحت سلمت عليه سأل عن كلافَ وكتله رأسن عكر وجهه وكال ويامن راحت ، ياهو خذاها وانه گمت اتأتأ گوة گتله اخوها وگف وگال..
ردي داخل خل اشوفهم ...