رغيفْ بنكهة عشگّ {مكتملة}

البارت الثاني عشر

العذاب منين يلفيك من ناسك التمثل روحها عود أحضر
عثاريهم يبس وماعدهم بس وجه واحد
لا اكثر
تبينلك هي بيضة ومن تالي تطلعلك الوجه طحين اسمر
تنشدك بالهلا والزين وتالي تنكلب اعليك
عنتر
انه لهيچي ناس شخمن ماعرف ولا كادر
اتذخر
اخليها للوكت ياخذ حيفي ويگضي همومي منهم شما تكبر..

#بقلمي_بصره_الربيعية
#رغيف_بنكهة_عشگ
#البارت_12..

سوگ الشيوخ...

كلاف_قبل لا نسمع الخبر الي دار بينا وهججنا من جديد جنت منسدحة وبعدني على حالي
اسمع عُبق تحاچيني:

عُبق_هسه بربچ اذا ما تاكلين بيش يفيدج الزعل ..
كومي اكلي وردي زعلي على راحتج.

شيلام_عوفيها يماا اشوفنها اذا ماترضى تأكل خليني انه هم ما اكل وخلها تدش بخطيتي..

كلاف_اشوفنهم يردوني اكل وانه والله مو مجافيه الاكل
بس لان ماعندي رغبة بي ما اشتهي اكل

ومن اشوفنه احس روحي شبعانه مدري چه بهالايام
جرعت حچي وگره عليه بالمقصود وانه ادري بروحي
مامسويه اليحچون عنه ودريت بتماضر ربحت الحصلته
چاا عرفت غايتهاا انه من سوت هذا كله وذبت نصهن براسي حتى يخف عقابها وما يصير بس الحچي عليها وماتطلع بس هي بالسمعة المو زينة
اي من هيچ عرفتها من كالو بيت خالي خطبو تماضر

يمكن من هيچ حتى نفسيتي تعبت والكتله من ابوي اذتني مو جسديا لا نفسياا يبقى ابوي وان ما ردت بس احس روحي خذيت من حيله رغم مو انه السبب هيه

هيه اختي ورجعت ولا چنها داوت اجروحها وتاكل وتشرب ولا چنها مسويه شي وطلعتني صدك انه ام السوايه مو هي

وانه هم بهاي حالتي عبالك شلون الاكدت على نفسي..
لا اطلع صرت ولا اطب ولا أكل حدي من الگاع للحجرة للحمام غيرها ماكو ..

وعُبق وامي يتوسلن كل يوم بس اكلي وانه ماكو ابد .

وهاي يومين بعد مابيه من اجت امي تتوسل هم وما خذت مني ايجاب خلت وطلعت مقهورة

انه هم كلت عليمن وكلت ربي كريم ويطلع الحق لابد بس انه ما ااذي روحي خوب عليمن

كمت اتوضيت وصليت صلاة المغرب والعشى وركعتين قربة لله تعالى وردت اطلع سمعت صوت ابوي واتراجعت

ليش عود استحي اخلي عيني بعينه وانه مو مذنبة وربي يشهد ،تماضر التغلط وأنه التحاسب نوب ماتراوي روحها كدامهم بي ما بطلت سوالفها
اووف..
ادثرت بفراشي ونمت بردانه ارجف هدئت رجفتي وغفيت..

فزيت ورى اذان الفجر شبعانه نوم كمت خدرت الچاي على النار ودرت وراي شفت ابوي

رأسن نزلت راسي ماحچيت ..هو حچه بصوت ناصي ..
_عيون صلفة..