رغيفْ بنكهة عشگّ {مكتملة}

البارت السادس و الثلاثين

يگولون:
الرابي بحضن دله..اخلاقه تطلع هيل!

#بقلمي_بصره_الربيعية
#رغيف_بنكهة_عشگ
#البارت_36...

البصرة..

كلاف_سمعنه صوت الرمي وفزعنه كلنه يم شباچ المطبخ وضلينه على فرد وگفه انتاني واحد منهم وانه گلبي يغلي عليه وادري عنده گعده اليوم ... والله هناك ودش..ضمير.
من شفناه طلعنه اتلگيناه كلمن تسأله سؤال شكل شلشناه لمن گال..
عمي راح احچييي بس انطني عطوة
هو انه جاي عليچن!..

عمي  هذا واحد ناهبله وحده من أهل الناصرية وشارد بيها.. وهذا الواحد منا من أهل البصرة زين! وضالين اهلها يدورون سنين عن أهل الولد وجايين وگاعدين هنا بالبصرة مچودرين
ليش ما واصللهم خبر أهل الولد چانو بهاي المنطقه..

هجرة_بمنطقتنه؟؟!

ضمير_لا بمنطقة ابوي چا شحچي يماا
وياهو شيخها بعد!.. فگايلين يردون يسوون گعده هناا ويجيبون شيوخهم وشلونهم همه عااد ناس مشلوشه وماتتفاهم بس الشيخ لصمهم فرد لصمه ورى ما طلعو من طوره گلهم بصوت واثق...

"المايسوگه مرضعه سوگ الشيوخ ما ينفعه"..ايبااه بعد من گالها سّبّع الدواوين يضه صارت بالديوان..

_وتااالي شني!!

ضمير_چاا سمعتن الرمي!.. هذا واحد ياهل (جاهل) ملبسته امه دشداشة
ومتيهين ويايبينه(جايبينه) وياهم انوب مخلين بيده سلاح وگاعد ب باب الديوان يلعب بي
طم طم طح طح
حسباله مددس چذابي.. تهي يا الله ادور علينه الزعاطيط انوب اعترض ..حاچينن علينه انتم ..
ابو لهاية (لهاية اطفال)

أأح...وتاليهاا يايماا ما ادري شلونها بس ذولاك مبينين چنهم من ذول ال غجر وهيچ ناس ايدهم مدممه دومها!
بس الله اليستر.

كلافَ_للضهر رد خالي من الديوان وهو لحگه ..گمت اتلگيته ..
وعلى ما بدل هدومه صابين احنه غده..

ومن گعدو على السماط هم فتحو موضوع والعرفته ذولاك من رامين صارت وحده عليهم يعني هم بحگهم غلطه ورد اعتبار بس ما انتهت هنااا

يوم ثاني گال اروح الناصرية  بلكي اطيح بالعلة..

چم يوم ذني المرن ، جوارينه الدلالة كل يوم العصر تجي لخالتي ما ادري على شني لان احنه حدنه نضيف ونطلع اذا مو هي تگول گعدن..

مر قريب الأسبوع  وهيچ قريب الضهر  وكت الضحى
چنت جاي اشر بالهدوم برى وسمعت الهورن !

كضيت السلة وطفرت بسرعة للبيت ولحجرتي
ومنا هدومي مبلله وهو مايرضى... واريد اطلعلي هدوم ابحوش بكنتوري اريد دشاديشي الكشخه مهن گبال عيني

تالي اشسويت ذبيت الهدوم عني وجريت الروب ولبسته وشديته ويه دخلته
وهاي سوايتي سوت عجب!