رغيفْ بنكهة عشگّ {مكتملة}

البارت الخامس والعشرون

#رغيف_بنكهة_عشگ
#بقلمي_بصره_الربيعية
#البارت_25..

البصرة...

هجره_سمعتيني زين ما اوصيچ بعد؟!.

سڤانة_هاي هيه يماا لاتحاتين...

گلت هیچ وهي وشالت عبايتها وطلعت تلبسها ..طلعت وراها للحوش واجه ضمير شال تنكة التمر المچبوس..

وهو هم يروح وياهم لبيت عمي ، شگد اتمنيت ياخذوني وياهم  بس وين اذا هي امي ورايحه على اعصابها..

للعصر توني گاعدة من النوم هااي ورى ما اجه مضر وصبيتله غده وراح لحجرته..

سمعت دگة باب گمت خذيت شالي وطلعت احتاريت ضليت اباوع لحجرة مضر واكول اكعده لو ما اكعده

.تالي انه طلعت طليت من الباب وسبحان الله عرفتها يهي هااي ..رحت فتحته الها دخلت وهي تمشي كالت شلونچ ..

گتلها زينه.. وانه اكول بگلبي شعجب هالمره ..
مو مثل كل مره من صوب الگاع!.

لمن حچت هي..

تماضر_گالت عمتي راحو لبغداد وانه گلت لمثمر يجيبني يمچ اشوفچ امي تحاتي بيچ..

سفانه_دشينه للبيت وانه سويت روحي صدگت وانه اشوفها تتلفت منا ومنا ..

تماضر_مضر ماكوو ..گلت اچيك ضغطه مادام اجيت..

سفانه_نايم بحجرته..لو جايات البنات وياچ!.

تماضر_منو تجي ..عُبق نايمه وكلافَ ما تطلع... اصلا انه گلت لابوي وگوه قبل اجي مو نوب كلهن!.
.

سفانه_ايي ..واضح ..گلتها بگلبي.

خوب ضلت تلوب تريد تدخل حجرته اخاف كل مره امي هنا وعدها عادي وهالمرة عود مني تخاف افتن عليها ..

وعود خليتها تدخل حجرته ابد ، لمن ما صار المغرب وأذن ورحت اتوضيت وهي راحت للحمام بعد منها وتفگدتها ماكو!..

عثاري رايحة لحجرته انه هم صليت وخلصت ورحت للمطبخ شفتها تشرب مااي ومسويه روحها ما عدها شي
...

توني جاي احچي  ودش مضر .. يماا اخوي حاله حال الغريب المتغرب عن أهله سنين .

وهااي لا عيونها ولا حلگها ثنينهن عليه مشرعات على گولة عمتي فتيتة.

شوي واجه عليها اخوها خذاها  وأهلي كلش بليل اجو

حتى كلت همزين مكترتلهم عشى وتعشو ضرار بالناصريه..

امي گالت يجوز باچر يجي .. بس امي كلش ولا تتحاچة مدلغمة فرد مرة.. على شني ما ادري... حتى لو اريد اسألها عن بيت عمي يمكن تحطني وتطبني..

تالي نامو ورحت لضمير كاعد بالحوش تربعت يمه على الحشيش وسألته عنهم ..صفن اول وچن لچحت ابتسامه من تااالي يالله گال..