رغيفْ بنكهة عشگّ {مكتملة}

البارت الثالث و العشرون

شلگو..
من عدو بگلبي وفتشو غراضه
احبنك لا وحدة ولا ثنين كلهن عراضه
...

#بقلمي_بصره_الربيعية
#رغيف_بنكهة_عشگ
#البارت_23..

البصرة...
كلاف_اريــــد اعرف اانتِ شنو ؟....شنو من صلااافة عندچ !

_ايدي ترى جااي تأذيني...
گلت هیچ وانه فاتحه عيوني بعيونه المسلطهن بخزره

بس كافي بعد فوگ ما اجيت اتعذر منه والله ما متقصده..

كلافَ_حچيت ورى ماا بلعت ريگي من ألم ايدي العاصرها ...

ماء.متقصدة.

ضرار_بربچ!..وهاي الخللگة الابستها...تضحكين عليمن انتِ.

كلافَ_هديت ايدي منه بنتر ، أستغفر وطرح نفس حيل بطول روحه
ورجع جرني للحجرة وسد الباب بعد انه هناا شطت ما تحملت...

..شيخ هواي زودتها وجاي تشمر حچي انه لا يمها ولا عليها!

راد يحچي نزع الغترة بقوته وشمرها ورفع عينه بعيوني واتقدم على كيفه رجعت چم خطوة سريعة

بانت على وجهه ابتسامة مستفزة
مدري ليش صارت عندي خوفه يمكن لان مامتعلمة عليه ولا اعرفنه عدل واذا هنه عيونه على عيوني بس ما نزلتهن وچن اتحديته هيچ...

بعده يمشي باتجاهي وحچه ببحة غريبه وكرر آخر كلامي!..

ضرار_ ..لابيها ولا عليها!... زيـــن.
عوفي الحر والدوام عوفي النااس عوفي كلشي إله انه
مافكرتي بيه!..
ساعتين أتاني والتف منا ومنا بلكي اكول الچحچ
شكد خفت ولچ بذاك اليوم.

لمن لفالي واحد تدرين شيگلي؟!
..عليمن جاي ادور حجي بس لا على هاي البنية ام عيون الخضر الجانت واكفة هناك..

هاا كلافَ يعجبج!
لزمته الچ من خوانيگه واجيت ارتكب جريمة بسبتج شسوي بالله بعمري گليلي ليش عود انتِ هيچ ؟!
اكطع دوامج لو اخفيج عن الدنيا لو اضمچ بروحي واقفل عليچ هناا!؟...................... ولچ مو تعبتيني وانه شيخ طول بعرض ما افكر غير بيچ تلوهتيني ولچ بعشگچ!.

كلافَ_بنص كلامه مسح وجهه وصلَ على محمد
لحد آخر شي من حچه وهو يأشر على گلبه..

شصاار هسة من گلي يعني هو هم يحبني بس يبرر بأفعاله انو يغاار عليه!..هيچ طلعت شاغله باله وگلبه بس يكابر'

عيوني خجلت من نفسها نزلت...بس گوه طلعت من لساني وحچيت ..
كل مره اسوي هيچ على مودك حتى اشوفك واسمع صوتك بس... الحظ ما يوگف وياي.. ويگلبها عليه.

رفعت عيوني بهدوء بعيونه واسترسلت احچي .

اي!... كلشي على مودك لان صرت اشتاگ لصوتك و....هيئتك وووحتى عطرك.

آخر كلمة گلتها  نزلت عيوني منين اجتي هالجرئة حتى ابرر نفسي وانه مبتسمه ومسحت باصبعي السبابة طرف خشمي