رغيفْ بنكهة عشگّ {مكتملة}

البارت الثامن والاربعون

سأسأل ربي اليوم::‏"أودّ أن نلتقي"
وغداً بأذن ربي ::سنلتقي"

...
#رغيف_بنكهة_عشگ
#بقلمي_بصره_الربيعية
#البارت_48..
...

بغداد ..

روزال_اليوم چنت داسبح ورى مطلعت من الحمام بديت انشف شعري حتى امشطه چنت لابسة
تراك جوزي خفيف حتى ارتاح بنومتي ولو اني الراحه بالنوم متقبل تجيني ...هسة رفعت ايدي داامشط وسمعت صوت الباب بديت امشط وما اهتميت اكيد اكو جوه من يفتحه بس صوت دكات الباب لسه ديجيني ..

تركت المشط ونزلت الدرج أول مفتت للصالة مشفت احد واتقربت من غرفة ماما سمعت صوت المي الظاهر دتسبح .. طلعت اني افتحه..

فتحته للنص وصحت منو التفتت الي ورأسن دنگ وبأيده الخبز قربه مني طلعت ايدي اخذته
واني عيني لسه عليه حسيته انخبص أو ضاج لو هو هيچ من الأساس ما اعرف المهم سديت الباب وفتت

شعجب هو الي جابه للخبز لا هو يمكن عباله ماجد موجود وهواصلا ماجد مرجع للبيت من امس

وحتى سماره لسه ببيت خالتي بيوم الجمعه هيچي احنه وحتى ماما تقابل قرآنها واني يا اما ارسم أو اسمع أو تلفزيون أو انام أو اقرأ قابل وين اروح حتى بيت جدو أهل ماما احنه نادرا نروحلهم همه ابد ميواصلون لان هوايه بعيدين.

بيوم الدوام طلعت وگفت قريب السيارة چانت مشتغلة وشوي واجتي سلم تقربت منها وهمستلها
ح ترحين ويايه اكيد هيه ضحكت وبعدين انتبهت وراي وبس ابتسمت وجاوبت براسها يعني تروح وياي

صعدت واني فتت وصعدت وياها وگعدت يمها
انه وياها وحده دتحاچي الثانية التفتت السيارة لسه ممشت وماجد صافن علينه من الجام
من شافني انتبهت گال..
ماجد_مفتهميها غلط اني مو سايق حضراتكم
وحدة تجي تگعدلي هنا!

روزال_يابه احس روحي تفشلت وهسة سلم تأخذ موقف وتحسب نفسها ثكيله علينه ..اوف نزلت بسرعة وكعدت گدام..

بعد أسبوع هماتين صادفت يوم جمعة ..
چنت د اغسل مواعين الريوگ
وسمعت صوت الباب رحت اني افتحه صارت عادي اصلا منو هنا ويفتحه غيري..

صار بوجهي جليل كالعادة ابتسامته الي متنزل من وجهه فات وهو يسلم وفاتت خالتي بعده حضنتني ومشتاقتلچ ومتبينين ومن هالباب وطبعاا البنات وراها وهاي الصغيره كبرانه وصايره ثگيلة.

سَلم_ شتحچين روزال حتى انتِ كبرتي ترى السنين تمشي..

روزال_اي بس انتِ تضلين على وضعچ ماتكبرين
سَلم_ها ها ها ماتضحك أي وبعدين