رغيفْ بنكهة عشگّ {مكتملة}

البارت الرابع عشر

بس انتَ والوطن كفة.... والناس هيچ تميلْ عله الكلفة...

#بقلمي_بصره_الربيعية
#رغيف_بنكهة_عشگ
#البارت_14..

العودةالى البصرة..

كلاف_طلعت من الحجرة الفجر وكبل للحمام غسلت
وخدرت الچاي

عندي چم هدمه بالحمام غسلتهن چاا فشلة بعدين يسبحون وهنه ضالات وهم يتكودن علينه تالي

طلعت من ورى المطبخ حبل الهدوم صاير مناك
شريتهن على السريع ورديت للبيت

لكيت امي كاعده وخالاتنه ثنينهم الكبار اجن من امس يعني مو خوات امي بس من باب الاحترام ومن باب ثاني كلش قريبين النه
ونسوان عمي الجبير هم جايين

وبس لا ولدهم جايين يبووي هي نيشان بنية شعدهم لافين ذولي

فىشنه الرييوگ وخلصو وكامت امي وصاحت عليه
شيلام_بنيتي كلافَ وعي اختچ هم يالله تكوم
تكف غراضها نمشيها لعنود تولفلهاا..

كلافَ_احچي بگلبي انه شعليه هاي الگوم كلها اله انه
بعده ترى الجرح مهو طايب بگلبي
بس هم يهون ميخالف.

رحت وعيتها وكامت بالكوه اليوم معززة روحها فرد مرة
كلتلي سويلي ريوك وكلت لعبق سويلي شمته زغيرة
للغراض...وتمشي وتشرط وما شايلتها الگاع.

للضهر ورى الغدة خلصنه هوستنه وعود نبدل امي
خوب مدسترتها حتى هدوم محضرتلنه جدد

وكلش تونه انبدل وچان.....

****

سفانه_الصريخ بيد حيلي اريد اگوم على رجلي اروح اشوفن
شصاير وكل ضني اخووي

يماا انه تذكرته وانه طفرت لوين الصوت
لبست الحجاب شلون مايصير على راسي

ردت اطلع برى ولزموني، هنااا اباوع بالوجوه وادور اخوي
واشوفهم شي تبجي شي مغندبه

وتدخل عمتي وتصرخ بعلو حسها..
_رااح اخويه رااح الغاااللي...يمااااا خووووويه.....

سفانه_بعد انتهيت اهنا باد حيلي وخريت من طولي...

****

كلافَ_اصعب شي على گلبك تفقد من أهلك عزيز
واليقهر الي فگدناا ماشاشفينه صارلنه فترة سنين

خالي شكد ما اذكر طيبته اكون مقصرة
من صدك احبه واحترمه.... وراح بعد لدار حقه

انا لله وانا اليه راجعون .

كلنه اللتمينه ببيت خالي والمهر بُطل بعد
والولد نصهم مهّمه بس جم واحد من عدهم من اجه وكال

على اساس خوالي يلتقون سويه بالبصرة بعد الوضع شوي احسن وعدهم شغله بالبصرة منها ويجون
للناصرية يحضرون المهر.

خالي بالطريق وبالسيطرة ومتفجره بيهم السيارة
وعلى حسب الحچي ايكولون مكطع وصل وصل

وهسة االي يمنا كالو كلكم ترحون للبصرة وكلشي
لاتاخذون ..