كعدة ضحى واسمع الدواري يدور ابضاع
افكر بحالتي واصفن وعيوني للگاع
واگولن حبك عتيگ ولا عاد مرتاع
ومن الاذية اريد الگلب ينباع
وارجع اتغير واگول بساع
احبك يابو عيون الوساع#رغيف_بنكهة_عشگ
#بقلمي_بصره_الربيعية
#البارت_11..سوگ الشيوخ..
سفانه_من ورى ما دشيت للحمام اسبح وصلت لشعري ويا ما خليتله التايت مغمضة وجاي اغسله واسمع صوت شلون الصريخ !..
برد جسمي ويبس فزعت گبل سديت الطنرمبة وجريت هدومي لبستها ولفيت الخاولي على راسي
وفتحت الباب أركض اريد اشوف شنو كل ضني اخوي بي شي
ركضت لغرفته ماهو وينه ؟
طلعت للهول ماكو لاهو ولا اهلي
وانه اسمع الصريخ وكلش قريب عبالك ببيتنه
چا وين همه شني صاير؟!!يماا خفت بس لا بيت عمتي بيهم شي انوب!!
طلعت برى ركضت گبل لبيت عمتي وصدگ صار صوت الصريخ قريب كلش
دفعت الباب چان بس مردود ، بعد چا وكت ضهر ما يسدوونه
وانه دخلت واشوف الكولبة الصايرة هناا
عيوني انفتحن على حيلهن
شصااير هناا هاي ليش ؟!
ما حچيت من الفزعة شي ..ايدي على حلگي وعيوني مفتحة وانه اشوف رجل عمتي امبيس على كلافَ بالكتل و ابوي ايجر بيها من ايده واسمعه يكله عوفها مو موتتها وضمير من صفحة
ايجر بيوصوت جاي من الداخل...
عليك الزهرة عوفهااااا راح اتموت ابنيتي بيدك ووولكك ياظاااالم عوفهااا .هذاا صوت عمتي بس سمعتها ركضت انه دشيت واشوف مثمر متولي تماضر كتل وكلها يمها تريد تخلصها منه وهي منتهية بايدة مدممه فرد مرة
الدمان يخر منها خريرانه شفتها هيچ صرخت صرخة مووت وخريت من طولي وبعد مدري شصاار....
لمن ما حسيت بنگط ماي على وجهي اطيح... فتحت
عيوني اشوي مابيه افتحهن كلش اخاف ارجع
اشوف الدم عندي خوفة منه كلش اخافعاونت روحي وكمت على حيلي اباوع ماكو احد ولا اكو صوت
باوعت للحجرة هاي حجرتي..چاا انه ببيتنه اشجابني؟؟!شوي واتردد الصوت بس صوت حچي اتمايزته زين هذا صوتنن ماعرفته!
ردت اطلع مرة ثانية وخفت تالي كلت خل اطلع بالي كله يم البنات اخاف ماتت وحدة بيهن من الكتل
ومنضر تماضر رد لذهني شلون مدممه وچان تلعب روحي لزمت حلگي لا اذب على الفراش
تالي راحت لعبة الروح وفتحت انه الباب
وطلعت اتسحب على كيفي .... اسمع حچيهم
هسة عدل .
أنت تقرأ
رغيفْ بنكهة عشگّ {مكتملة}
Romance#العراق #البصرة #بغداد #الناصرية . . تدور القصة عند دائرة تتماسك بالقرابة والجيرة بين حياة الشيخية في الجنوب وحياة بغداد فمنهم الذي يُحب ومنهم العاشق ومنهم إلحاقد منهم من يسعى لرضا الله في الحلال ومنهم من يبغضه بالحلال ومنهم من يتعمد الحلال ومنه...