رغيفْ بنكهة عشگّ {مكتملة}

البارت العاشر

من تمشي ويه التحبهم بالاذيه
مثل مشية الرجلين على جمريه
لا كادر تهدهم ولا تعوفك منهم بليه

#رغيف_بنكهة_عشگ
#بقلمي_بصره_الربيعية
#البارت_10..

عودة في السنين
من سكان البصرة
المكان:سوگ الشيوخ...

كلاف_فزيت من النوم صفنت بالسسگف مدة دقيقة
استرجع بيها انه وين؟
مكاني هذا لو غيره ؟!

درت على الصوت الاجالي يالله صحصحت وعرفت انه روحي وين
انه بفراشي وچنت نايمة وهسة كعدت وصاحت عليه تماضر علمود نروح للبستان.

غسلت ولبست النگاب وشديت العباية
طلعت للفرهة لگیت امي صابه الچای وگاعدة
والولد بصفها وهي اتانينه

صبحنة عليهم وكعدنه اتريگنه وگالو يااالله
اذا تمشون نوصلكم بطريقنا..

امي باوعتلنه وانه صفنت بوجهها
صدگ مابيه بس لازم علیه احلل لگمتي.

تماضر تأفافت وكامت سمعها مثمر صاح بيها..
_لا تناااافخين ولچ!

هي اتكتفت ووكفت انه باوعت لامي
وهي تحاجينه بالحركات بمعنى سكتن وامشن

مشو الولد گدامنه واحنه وراهم
نتمشى للبستان

وكت الضحى نبدي نشتغل شي تحوي شي تزرع شي تعلف شي اتحش ونتعاون بيناتنه

احنه ومرت خالي وبته وچم بنية من أهل الديرة

لوكت ما تعلى الشمس
بعد نهلك من التعب انرد للبيت

من نرجع نتعاون على الغده وهم نخلص بسرعة
قبل لا يردون الولد

مو همه يتأخرون لمن يردون من البستان واحنه مو
وياهم احنه بعزلة عنهم وبعيدين عن لا تختلط
نسوان وزلم سوه

رغم احنه وعبينه ومنگبين بس بعد سوگ الشيوخ
ونحسب حساب لحركاتنه ومنا ولدنه ما يتقارشون ابد

كضينه من الغدة وبس انتانيهم يجون
طفرت تماضر تتوسل امي اطلعلها عذر تريد اتروح
لبيت عمتي وكون تضمضملها كدام ابوي

امي تتونس عليها بالعكس لو راحت
بيت عمتي فد خطوتين عنه من اجينه هنا
اتفقو يكعدون سوه ويزرعون ويحصدون سوه

ويدبرون العيشة لمن تهود الحرب
كلنه تعبنه ديرة غير ديرتنه واتغيرت علينه هواي اشكال بس اهلهم مالت الله طيبة وسنع

اتلكونه ذاك الملكه واتساهلو ويانه على الكاع
والبستان

واشتروا حوليه وكبرت وحبلت صار منها حليبنه وگيمرنه
متت عليها امداريتها ومداريه صغيرها وكمت اصبر روحي على كعدت الصبح علمودها اروح وياي احشلها علف وانه الانضفها

وانه اعرف واتعلم لسوالف الحيوان من باب طلع قبولي
طب بيطري
بس ضيم هاي السنة وموتت جدي السنة الراحت وشردتنه بعد ما اشتهيت اباشر بالدوام
واجلتها للسنة الجاية.