رغيفْ بنكهة عشگّ {مكتملة}

البارت العشرون

أين ما احير بدنياني أرى اولائك الواقفون
وهم ينظرون للحياة بمعنى اخر غير قابعون

#بقلمي_بصره_الربيعية
#رغيف_بنكهة_عشگ
#البارت_20 ..

البصرة..

كلاف_وگفت مفزوعة من دشتها المخروعة وحچيت بخفوت بس حچايه وحده ... شبيهم..

عُبق_احـــترگوو

كلافَ_دكيت على صدري وعيوني فتحتهن على كبرهن.... لا تگولينها ولچ ..شلون؟

عُبق_شلون بعد غير انتِ ناسية التنور عالي عليهن

كلافَ_تحچي بأستهئزاء... استوعبت انه تقصد البيذنجانات

رطبت شفايفي احس يبسن من الهبطة وخنزرت عليها
كون ايدي تكضها وماترحمهاا ... حاچيتها...

هاي سواية اطبين عليه هيچ ودنيا مغرب اخترعت
خطيتي برگبتچ..

عُبق_چاا شعليه انه .. انتِ چنتِ صافنة .

كلافَ_وشسويتيلهن؟..

عُبق_طفيت التنور واتناوشتهن بالمنگش وخليتهن على صفحة كون امي ما تشوفهن..

كلافَ_ادري شلون نسيتهن .. بالله انه ثولة انتِ شمالچ ؟..

عُبق_اثول منچ الا اكلج هيچ!..ههه

كلافَ_بعد تضحك.. السفيهة... تعااي لاتشردين..

عُبق_هاا شتردين...

كلافَ_سوي وياي العشى هسة شوي ويردون العشى وامي تجي شنكللهاا

عُبق_عدنه بس چم بتيتاية وطماطة شنسوي والبيض خلص ... راح ابوي الصبح لجن الدجاج ما لكه
الا نذبح عتابه..

كلافَ_فتحت عيوني عليها بخزرة من هاي مالت الطناطلة وانه اگلها....
حتى اذبحچ وراها.

عُبق_وچ .. شمالچ صدگتي...

كلافَ_گالتها وطلعت البتيتة..وهسة شراح تسوين؟.

عُبق_حميسة بتيتة وعدنه خضرة و روبه..عتابة ما مقصرة ويانه
الف رحمة على الربتها..

كلافَ_هاا!..وتوچ تردين تذبحينها...

عُبق_لا افااا اتشاقه وياچ هههه..

تماضر_شنو شبيكم..؟؟

عُبق_نسولف عن "عتابه"خوش فايدتنه.

تماضر_همم!..اي.

عُبق_شلونهم بيت خالي..

تماضر_زينين يسلمون.

كلافَ_سمعت عُبق هيچ وانه حسبالي نايمه چانت.. رأسن درت وسألتها...
ليش انتِ چنتِ ويه امي؟..

تماضر_اي!.

كلافَ_چاا امي وين؟.
گلت هيچ‌ وامي چفتت علينه وهي تحچي..

شيلام_هاا بنياتي شتسون... يااع بعدچن على العشى!؟..

كلافَ_لا يماا خلصنه... اترددت اسألها عن بيت خالي وانه مبينه ذيچ انه اسأل عنه هو بس ما سألت لان كلها تعرف طبعي شنو...ف غلست.