رغيفْ بنكهة عشگّ {مكتملة}

البارت السادس والخمسون

هلااا بيهم 👋❤

يگول:
النجمة من گد ما جَميلة..الليل لبسها عَبايه

ضمي روحچ ختلي بأي (قُرآن) آيه

...

#رغيف_بنكهة_عشگ
#بقلمي_بصره_الربيعية
#البارت_56..

...

بغداد...

سَلم_من اجتنه رونقه بهيچ هيئة شكيت بالسالفة مو خالية
حتى مُعمر خاف عليها وضل يتحقق منها اذا احد معترضلها او صاير وياها شي بالمدرسة بس هي نفت كل هذا وطلعت بنتيجة الامتحان مكسرة واجت مهبوطة وعلى هذا هي سادس ومن باب خايفة
بس ماتدري بسلم خفارة ما يعبر عليها هالحچي..

انتظرت نوصل للبيت وهناك الزمها
بس حتى من وصلت مقبلت تحچي شي ونامت رأسن

عبر چم يوم راح عن بالي اسألها ونسيت
نستني نظرات ماجد إلي ما اعرف شلونها نظراته
إلي احسه جاي يلمحلي لفد شي والمصيوبه انه اركز ثانية وادور عيوني عود اسوي روحي ما مهتمه..

خصه من اتذكره ويه هاي بت خالته الملغوثه الجامدة
اتعقد من روحي'

اليوم چان الخميس بعد ما مر تقريبا بالتلث اسابيع على خطوبة اخوي مُعمر

ضحكت من اتذكرت صِدوق شلون ناشب وياه
ذاك اليوم كله خويه جاوبه مُعمر ..نعم
رجع غير صوته صِدوق لنبره تكسر الخاطر
كله..خويــــة صفن عليه مُعمر
رجع كله.. خيعونك ماحاجة تكطع مسافات بس ترفع ايدك تسلم من مكانك يردون عليك السلام..

ماكدرنه نضحك مجرد ابتسمنه لا يزعل ومُعمر دنك بعد ما ادري ضحك لو لا ماينعرف.

كله لم نفسك وعرس وانه هم ماواقصر وياك كله صدوق أن شاءالله وسكت بعدها..
صدك احنه بوقت صعب وحصار كوه يدبرون الفلس تعبو وهلكو أخواني.

شوي وما احس غير بزت قلم فززتني لكيتها روزال
درت متعجبة عليها وشاورتها كتلها ولچ حتى اخوي عاقل منين طالعة عينچ عيبت عليه وكالت
بنفس الهمس والمدرسة غاطة راسها بالمسألة ماتدري بينه هي بنفسها محتارة شلون تحلها..

كالت الي تعالي للسطح اليوم وطلبت مني كتاب من معمر مجرد انطتني عنوانه!..
تعاي ليش ما انتِ طلبيتي منه بنفسچ؟!..
لچ شلون افوت واخذ شي بدون علمه ما سويتها ولا مره

روزال_ فدوة هالمرة لخاطري لچ اقراه وارجعه
سَلم_احاول اجيبه بس تقري گدامي وارجعه وياي!
..كالت تمام.

بالسيارة وحده تباوع على الثانية عبالك فد جريمة راح نرتكب ما عبالك كتاب لو كعدة سطح هي '

هو مُعمر واضح حس عينه على المرايه الامامية وروزال عود خجلت تالي ادنت على جامتها..

وانه كاتلني البرد ايدي على خدي
واباوع على نظراتهم الدافية"