رغيفْ بنكهة عشگّ {مكتملة}

البارت الثاني والثلاثون

"وگضيناها وانگضت بالملامة ،تاليها عبرناها بسلامه"

#بقلمي_بصره_الربيعية
#رغيف_بنكهة_عشگ
#البارت_32...

البصرة..

كلاف_بأخر فترة انه بيها تعبت المن احچي واشكي هو ماموجود وحتى لو اجه اروح اگابله واگله امك هيچ وهيچ! ..

شلوني راح اصير گدامه هو بكل الأحوال شغل وينگضي شلون ما چان بس مو هيچ انه حامل واطلع حرگتها بيه شلون حامل ببنية ، گلتلي سڦانه بس جدام الوجه تتملگ وتمدح بس شالفايده توها حچت اتأخرت بخبرهاا وانه ما اصير مثلها فگلت
لازم اگله بعد مابيها مجال وهسة دنيا مغرب وگاعده مجعمزة واكنس الحوش والدمعه نزلت من عيني

سمعت الباب انفتح حسبالي احد من الولد انتچيت على الحوض ووگفت واجالي صوته بجهامة
درت عليه وجهه ماينگص من العصبية ، لزم ايدي وگال.. صدگ منچ چذب راد يدششني للبيت  وانه بالعتبة مالت الباب وإجتلي لويه منها ما گدرت اوگف على رجليه كتمتها بس زادت صرخت بونه وگعدت بالباب وهو ماعرف شيسوي صاح بالباب على أمه وخالتي هجره اجت هي وحرامها عود چانت اتصلي
ركزت بحچيها وانه متالمه وهي تگله ..

_عود اگلهاا ومانعتها عن الشغل شجاها ياهو سوه سوايتها وكت المغرب يكنسون! ..

كلافَ_سمعتها هيچ گالت وانقهرت وزاد الألم اكثر
راد يكومني لعبت روحي ازيد من أذيتي ذبيت بالعتبة وچن حتى مصاريني ذبيتها ، اهلكت رديت راسي على تچة الباب..

اسمع حِسة يمي ومن رفعني احس بخفة روحي
ومن اجتلي اللويه وهل مره قويه انه على چتفه
عضيته بس بشفافي عن لا اصرخ!.

ما وصلت للمستشفى الا وانه طالعة روحي!
بالسرعة صرت على السديه ..اجن التمن عليه
بهالوكت ردت امي أي اعتازيتها من سمعت وحده منهن گالت راح ارفعلهااا المغذي الخوف حاوطني وهويت وانه بمكاني وراها ما دريت عن شي!...

°°°°

سڦانة_ميته من القهر على سواية امي بكلاف
ادور هااي مدري شمالها لاتحچي لاتگول تعبت زهگت ساكته وانه هم لو حچيت انلطم على حلگي وضاله متانية جية ضرار بالله ارد اگله امي اتسودنت من سمعت بيها بنية لليوم وهي حاطة بيها العلة

حتى انه ما تخليني اسوي شي انوب توصل حچي لعمتي بالمگلوب اتگلها كلافَ متغيرة فرد مرة علينه مو مثل وجهها الاولي انه اضل مصفنه

حتى اليوم من اجونه بيت عمتي وطلعو انهدت بيها والا ادورين اتنضفين وتكنسين الحوش كله وانوب ذيج ذبت حركتها بالشغل وانهاتوسلت بيها انه اطلع ما قبلت وضلت تصيح عليه وحلفت لو حچيت تروح لابوي وتحچيله عليه..
وخلتني احوس وافكر بحيث صدعت وانه اگل لروحي بالله شسويت..شسويت واتذكر ايامي

ورى ما راحت تصلي بسرعة ركضت اطلعلها من باب المطبخ بس وگفت ونبگت عيوني من شفت ضرار بالباب ..