رغيفْ بنكهة عشگّ {مكتملة}

البارت التاسع والخمسون

چا هوَ العشگ مو بالمـزاجـيـات
وموش بكيفك وتختار اليعجبك..

كون تريد گلبك هوَ خل يـخـتـار
وبعد ممنوع واحد يدخل الگلبك.

حـــســـيـن الـنـاصـــري

#رغيف_بنكهة_عشگ
#بقلمي_بصره_الربيعية
#البارت_59..

بغداد...

روزال_رن جرس المدرسة يعلن انتهاء الدرس
اخذت الكتاب رجعته للجنطه ووگفت
انلزمت ايدي افتريت وشفتها سَلم
احس بوضعها مو طبيعي ...تمسكت بأيدي اخذتها
وطلعنه برى الصف وگفنه جوه الشجرة الي دائما نگعد جوه فيها ، طلبت منها تحچي..

سَلم_الكتاب.. مرجعته وياي ومُعمر افتقده من امس
اريد منچ ترجعين ادوري فدوة

روزال_تمام عمري بس انتِ اشو كُلش مو على بعضچ مو معقوله كُلها على الكتاب ميضيع بس ارجع اشوفه اكيد بنفس مكانه

سألتها هيچ دارت وجهها عني وگالت.. لا مابيه شي
بس اني اعرفها واتركها على راحتها هي تحچيلي

برجعتنه من نزلن البنات مُعمر طلب مني انتظر شوي يحاچيني..

كلي بيها مجال نطلع اني وياچ بعد الضهر
چان متردد بسؤاله يعني مثل المتوقع مني الرفض
بس اني حركتله راسي بمعني اي
بس حچيت وگُتله ارجع لماجد واخذ الموافقه منه
مجرد گلي على راحتچ هاهيه تمام
بعدني اريد انزل التفتلي بابتسامة وگال
محليه الحجاب..

ابتسمت لحچايته وگالي على الساعة
أربعة نزلت واني احچي بگلبي..
بعد تفكير دام اسبوع بكلامه قررت البسه تجربة
واشوفه لسلم بس فجأه وين ما اروح اشوفهم
بعدها خجلت انزعه فخليته اتعود عليه
لان بعد كلام سلم والي قريته بالكتاب مااعتقد بعد اذبه من راسي.

بالغده صافنه على صحني من هذاك اليوم الي شفته
ما اكدر احط عيني بعين ماجد كو بعد اطلب منه شي

ف طلبت من ماما تگله ف هو موافق
فتت سبحت وطلعت احتاريت بلبسي
اخيرا اختاريت تنورةسودة عريضة شوي عن كعب رجلي وقميص وردي طويل ستن ابو الكتافيات المعقچة افوته بحزام التنوره
انتهيت بس نسيت شغله من باوعت لنفسي بالمرايه
نزلت ركض لغرفة ماما خلتني اطلع على دولابها واتحير بين ربطاتها إلى أن لگيت الي يرهم ويه ملابسي
خليت ماما تعدله الي
باستني بخدي ودعتها وطلعت للحديقة
چانت الساعة بالاربعة ونص'

احس متوترة شوي من ناحية شلون حصرف شنو
أگول اول طلعة ويه انسان چان غريب عني وهسة خطيبي ومشكلتي بنفسي اني ...
چانت هاذي اول وآخر طلعة تخصنه اني وياه
اتذكر من چان يگولي بوكتها ضربت المحاظرات وعزلت الدكان والدنيا كلها حتى اطلع وياچ
قطع تفكيري كلامه..
مُعمر_هواي خليتچ تنتظرين؟
روزال_ابتسمت وحركة راسي بالنفي
رجع سلم عليه ورديتله السلام
كال نمشي ومشينه لسيارته الي ولا يوم انتبهت لشكلها القديم وحديدها البائد الا اليوم