رواية #القائد بقلم / اسماء جمال جمعه

الحلقه الاولى

الحلقه الاولى
سلسلة #القائد ( الجزء التالت )
بقلم / اسماء جمال جمعه Soma Ahmed
••••••
قبل القراءه رجاءاً فضلا و ليس امرا حطوا لايك و عشر ملصقات ارفعوا البوست خلوه يوصل للكل و يتشاف لان فى ناس لسه متعرفش اننا رجعنا للنشر خاصة ان فترة الاعلان كانت قصيره و مستنيه تعليق بأرائكم و توقعاتكم و نتناقش بعد القراءه،، وحشتونى بجد و قبل الحلقه لازم اقدم شكر خاص لحبايبى اللى مهيصين الجروب من امبارح بمناسبة عيد ميلادى و لبوسى و مى و ليلى و ميار و نهله و ياسمين و الكل و عايزه اقولكم بس ان كل سنه انا طيبه بيكم و بلمتكم جنبى و يارب الجاى يجى حلو و بردوا متجمعين ❤
•••••••
حنين و هديه و معاهم ادم جوه جنب حمزه ف الرعايه و الكل مترقب من جواه و متحفز لأى حاجه هتتقال ..
شويه و قاطعهم الدكتور اللى دخل و بصّلهم بإحراج : انا بعتذر عن مقاطعتكم بس انا جاى عشان التحاليل
حمزه غمض عينيه قوى و الدكتور بصّلهم بتوضيح : انا اسف انا قولت كنا شاكين ان حصل لغبطه ف التحليل .. يعنى نتيجة عينة دم الانسه هديه اتحط عليها اسم الاستاذ ادم و العكس .. بس اما اخدنا عينه تانيه من الاستاذ اتأكدنا انه الحمد لله محصلش ده
الكل سكت تماما و الدكتور بص ف التلات اوراق اللى ف إيده و بص لنتيجة العينه الجديده لادم ف ايده التانيه بحيره : مع انى مش فاهم لسه .. انتوا قولتوا ان المريض و الاتنين الحريم فيكوا هما اللى تبعه !

ادم بصّله قوى و هديه ضيّقت عينيها بعدم فهم : يعنى ايه ؟

الدكتور : يعنى عيناتكم انتى و الست اللى معاكم و هو مش صح
هديه : يعنى ايه مش صح ! اتلغبطت يعنى !
الدكتور : شكينا ف كده ف الاول .. عيناتكم انتى و والدتك و المريض طبياً مش منطقيه لاب و ام و بنتهم
هديه بصتله اوى برجفه و بتلقائيه مسكت إيد ادم اللى طبق عينيه بعنف زى ما إيده طبقت عليها بنفس العنف ..

الدكتور بص ف التحاليل بحيره : بصينا على عينة الدم التالته اللى معاكم للاستاذ و اللى طلعت نفس فصيلة المريض و اللى طلعت بتاعة الاستاذ ادم طلعت ف صورة الدم الكامله متطابقه معاه ف تفاصيلها مش بس ف نوعها .. شكينا ان عينته دى بتاعتك انتى و احنا العينات اتلغبطت مننا

هديه قربت منه بتوهه : يعنى ايه لغبطكم ف عينة ادم مع بابا ؟
الدكتور : يعنى التطابق كان غريب و ملفت لدرجة انها شكينا انها عينتك انتى لانك انتى قولتى انك انتى اللى بنته بس .. لكن التحليل اما عيدناه
هديه بصتله بترقب : حصل ايه ؟

ادم حاول يتدخل و قرب منها لف دراعه حوالين كتفها و ضمها عليه حاول يسحبها لورا ضهره كإنها بيشددها ..

هديه قربت للدكتور بحذر و هو بص من تانى ف الورق : تحاليل استاذ ادم اول مره قالت انه AB و ده نفس فصيلة المريض ف نقلنا الدم منه ع الاساس ده .. بس اما شوفته بعد ما كان اتنقل الدم للمريض اكتشفت ان فى تطابق غريب ف صورة الدم الكامله بتاعته مع كافة تحاليل المريض اللى عملها من وقت ما جه .. و خوفت لا يكون العينه اتبدلت ف المعمل و دى عينة بنته بس اتلغبطوا ف المعمل و حطوا عليها اسم ادم و بالتالى نقلناله من ادم غلط .. ف عملنا DNA على العينه اللى اتنقل منها دم له و اللى عليها اسم ادم مع المريض و اكدت النسب بينهم ! يعنى من صُلبه !