رواية #القائد بقلم / اسماء جمال جمعه

توضيح

هوضح حاجه تعقيب على تعليقاتكم عشان لو كومنت سقط منى معرفتش ارد عليه

_ اولا الروايه عندنا فيها قائدين .. حمزه و ادم .. حمزه ده واحد و ادم واحد تانى خالص .. مشتركين بس ف لقب #القائد لكل واحد ف شغله اللى وضحت طبيعته..

_ ثانيا الحكايه بتاعتنا ف زمنين ..
ادم و ده حكايته بتحصل ف الوقت الحالى للاحداث ..
حمزه و ده ظهر كبير و مراته بتقرا مذكراته و بتجيب الحدوته بتاعتهم من الاول و ده هنفهم سببه قدام كمان حلقه بالظبط ..
الحكايتين هيمشوا ف سير معين للاحداث لحد ما يتقابلوا ف نقطه و يكملوا سوا
_ ثالثا عايزه اقول حاجه مهمه .. كل مشهد جه ف اول له اهميه هتظهر مع الاحداث .. حتى اللى هيظهروا ف مشهد واحد بس و كل كلمه اتقالت هنحتاجها بعدين .. ركزوا بين السطور معلش زى ما عودتكم ..
قولوا ارائكم اه بس محدش يحكم الا اما اقول فيييينش لان اللى هتشوفوه حاليا ظهر عادى ف الاخر هيطلع مهم !

و هقول تانى الروايه دى فوق ال 80% من اجزائها حصل فعلا و هوضح ده و هتلاقوا كتير منها شبهنا او شبه حاجات سمعتوا عنها واقعيا.. انا اخدت كلام من على لسان صحابه سواء صفحاتهم ع السوشيال ميديا او مكالماتهم لشيوخ او فى منهم قابلتهم و الله شخصيا و سمعت منهم .. انا بعتت لواحده مخصوص قريت حكايتها عشان اسمع منها و اسألها ف حته حابه احبك بيها مشكلتها !
حتى هتلاقوا مططلحات و جمل بتسمعوها حواليكوا او بتشوفوها مثلل هنا ع السوشيال لانى طالما كتبت عن ادم اللى بيمثل فئه شبابيه شعبيه عشوائيات يبقى لازم كلامه و مصطلحاته شبهنا عشان ارسم شخصيته صح

اما عن حتة ادم ابن مين او ليه شغال كده او حمزه ليه كده او هيعمل ايه ف محدش يقولى توهنا فيها لان دى حتت لسه مجتش و.هتجى واحده واحده ف الاحداث ف طبيعى تكون مش مفهومه لان مش كل حاجه هتتفهم مره واحده ة من اول ظهور !

اه على فكره امينه اللى سآلت عنها ف اسئلة حلقه امبارح كان فعلا لها مشهد مع.حمزه لكن الحلقه كانت طويله ف البوست مشالهاش و قص مشهدها ف انا نسيت و سيبت سؤالها لكن مشهدها هيجى ف حلقه 2

اى استفسار قولوا بس مش ف اللى جاى
و الروايه نشرها يوميا الساعه سبعه ماعدا الجمعه و السبت و اليوم اللى التفاعل هيعدى بجد هنزل حلقه زياده
#سوووووما