မှိုင်းဟန်မြခေတ် {Hiatus}

အပိုင်း - ၄

သေနတ်အမြဲကိုင်သည့်လက်က အသားမာများပင် တက်နေပြီဖြစ်ကာ မည်သည့်အခြေအနေ၌ဖြစ်နေပါစေ၊ ပွန်းပဲ့နိုင်စရာအကြောင်းမရှိတော့ပေ။

"Mitch..ပါးရဲ့လက်ကို မိန်းမပျိုလေးရဲ့လက်နဲ့များ..မှားနေတာလား?"

"မဟုတ်ပါဘူး..ကျွန်တော်အားထည့်ပြီး သုတ်လိုက်မိရင်..ပါး နာသွားမှာစိုးလို့"

ထိုစကားကြောင့် Pesno၏နှုတ်ခမ်းထောင့်မှာ ပြုံးနေရာကနေ အနည်းငယ် တွန့်သွားရသည်။

"ပါးကလဲ Mitchနဲ့အတူတူ Dominant Alphaတစ်ယောက်ပါပဲကွာ..ဘယ်လိုလုပ် ဒီလိုသုတ်တာလေးကို နာမှာလဲ?..ပါးကို အားနည်းတယ်လို့..ပြောချင်တာလား?"

သူ့စကားအဆုံး မော့ကြည့်လာသော Mitchell၏မျက်လုံးထဲ၌ သဘောမတူဘဲ ငြင်းဆန်သည့်အကြည့်များ ပါဝင်နေ၏။

သူ၏ဘဝတွင် Daddyထက်ပင် ပါးက ပိုစွမ်းအားကြီးသည်ဟု အမြဲတွေးထင်ခဲ့တာဖြစ်သည်။ပါးသည် Dominant Alphaတစ်ယောက်၏အရှိန်အဝါများကို တိုက်ခိုက်သည့်နေရာမှလွဲလျှင် ဘယ်သောအခါမှ ထုတ်သုံးခြင်းမရှိပေ။အမြဲတစေ ပြုံးပြုံးလေးနေတတ်သည့်ပါးက တိုက်ခိုက်မှုဆိုသည်မှာ ဘယ်အရာဟု မသိသည့် လူငယ်လေးတစ်ယောက်နှင့်တူသည်။

သို့သော် ထိုအပြုံးများ၏နောက်ကွယ်တွင် ကောက်ကျစ်လှည့်ဖျားခြင်းများ ရှိနေသည်မှာ အသေအချာပါပင်။

ပါးသည် အသက် ၁၅နှစ်အရွယ်၌ Daddyနှင့်တွေ့ဆုံခဲ့ပြီး အင်္ဂလန်တွင်ရှိသော ဂိုဏ်းအလုပ်များနှင့် ကိစ္စများအားလုံးကို ဘေးဖယ်ကာ Daddyကို ပိုးပန်းရန် အားကြိုးမာန်တက် ကြိုးစားခဲ့သည်ဟု သူ ငယ်စဉ်က ပါးက သဘောတကျ ပြောပြတတ်၏။ထို့အပြင် သူ၏ဘဝအတွေ့အကြုံများကိုပါ နေ့စဥ်‌နေ့တိုင်း တစ်နေ့တစ်မျိုးမရိုးရစေဘဲ ပြောပြတတ်သေးသည်။

ပါးသည် ဗြိတိသျှလူမျိုးဖြစ်ပြီး အသက် ၁၃နှစ်အရွယ်မှာပင် သက်လတ်ပိုင်းလူကြီးများနှင့် ယှဉ်ပြိုင်ပြီး ဂိုဏ်းထဲရှိနေရာအား လုယူနေနိုင်ပြီဖြစ်၏။ဉာဏ်ရည်မှာ ထက်မြက်သည့်အပြင် အမြဲတမ်း ဘာမှမသိသည့် လူငယ်လေးတစ်ယောက်လို ပြုံးပြုံးလေး နေတတ်တာကြောင့် ပြိုင်ဘက်များမှာ ပါး၏အတွေးများကို မခန့်မှန်းနိုင်ကြချေ။