في هويد الليل

الفصل الواحد والعشرون

*بعتذر عن الغياب وقصر الفصل بس ده اللي قدرت اكتبه لان زي ما انتم عارفين حصلت لي حادثه ومرضتتش آجل الفصل ونزلت اللي قدرت اكتبه علشان متاخرش عليكمً...
وشكرا لكل حد سال عليا منحرمش منكم ابداً 💖
...........................................................

* كانت نورسين تغلي من الغضب وهي تتحدث مع والدها علي الهاتف: اهدي ازاي بس يا بابي ، بقولك عرف كل حاجه عن شغل عمه معانا يعني جودت خلاص مش هنعرف نضغط عليه بليل تاني ، ده غير انه هيلغي كل شغله معانا ودي اخر صفقه بينا وبعدها خلاص بح ، وانا هبقي خسرت ليل للابد ...
* هتف والدها بهدوء شديد: يا روح بابي ولا يهمك ، انا مستعد اجيب لك ليل ده راكع تحت رجليكي بس انتي قولي اه وانا هتحرك ، اما جودت ده ما تشغليش بالك ببه خالص هو كده كده بقي كارت محروق وقريب اوي هخلص منه...
* تابعت نورسين بقلق: يا بابي انا عارفه طريقتك كويس ، انا مش عاوزه ليل يبقي مغصوب عليا انا عاوزه يجي لي بارادته ، انا بس بحكي لك اللي حصل وانا هفضل مع جودت للاخر واشوف هو ناوي علي ايه ولو معرفش يحلها ساعتها هخاليك انت تتصرف معاهم ...
* تحدث والدها منهياً النقاش: ماشي حبيبتي اللي تشوفيه ، هسيبك دلوقتي علشان عندي شغل مهم ....
* القت نورسين الهاتف من يدها بغل بعدما اغلق والدها الخط دون ان ينتظر ردها فهو دايماً مشغول عنها : عادي يا بابي هو انتي من امتي كنت فاضي لي!!!!
...................