- يعني والدچ بنظرة هو الزين من الي مو زيـن
بس يا ترى قراراته صح لو لا- صح بدون ما يستشيرنا بس دائماً قراره صائب
الي خطب اختي و رفضه، تزوج وحده و من خلفت بنية طلگها والله شنو ما اريد بنات
و اني شوفت عينچ..صح ما چنت صاحبة القرار بس لو رجع الزمن بيه اخلي القرار بيد ابوية مو لأن بدون شخصية، بس لأن عرف يختار صح
غزوان لا تشوفينه ساكت و قليل كلام و يمكن شكلة بارد
بس انسان ماكو بحنـيته، من تزوجنا قبل سنتين و اني من طبيب لطبيب امراض و حسد و تعب بس عمره ما شكـى منيابتسمت و اني اگوللها
- تحبيـنه
- هذا مـاي عيني شلون ما احبه
- يگلبي، ربي يحفظكم و تولدين بالسلامة و يقرون عينچ بشوفتهـم
- آمـين يا رب و يقر عينچ بشوفة بنتچ
شـذره چانت حبابة كلش تحب تضحك و تسولف كلش
الي يشوفها يحسها فاهيه بس بالحقيقة انسانه حيل فاهمه و ذكيـة
من اشوفها هي و غزوان احسهم متراهمـين
بين شخصيتة الهادئه و شخصيتها العفوية الي ما ان تدخل لمكان حتى تسوي اله جوالعصر اجا غياث اخذني
بالطريق گـال اليوم ما ابات بالشقة، عـدنا عملية تبلش بالـ12 و طول خمس ساعات
فـ گلتله اروح لبيت اهلك
بس بالأول مرينا على الشقة اخذت احتياجاتـي من ملابس و وصلني لأهلههنا احسن من الشـقة، لأن بالشقة ابقى وحدي اغلب اليوم
اذا ما رحت لـ داليا للصالون
و هاي الأيام قليل اروح، اتعب و ما اريد اثقـل على نفسـيمن وصلت چانت الحجـيه تحچي وي اخوهـا بالتلفون
سلمت عليها و هي ترحب بيـه
سألتها على البنات گـالت صفد دتلم ملابسهم من السطح و جودي بـغرفتهاصعدت فوگ و دگيت الباب و فتت
لأن متعوده ادخل گبل لغرفة جودي، چانت تحچي بالتلفون
انحرجت
رجعت ليورا و اني اگوللها- اسفة ما ادري بيچ دتحچـين
- لا ولچ عادي
گامت و اجت ناحيتي سلمت عليه و گـالت
- غياث اجا
- لا بالمستشفى اليوم ابات هنا
- يا هلا بيـچ، صدگ خابرتچ الظهر ما رديتي
- والله ما منتبه
- اكيد نايمة
ضحكت و اني ارد
- لا چنت بيـت انور و ما انتبهت لتـصالچ
يلا اني انـزل اخذي راحتچ- شوية و اجي
طبگت الباب و مع ما التـفتت سدت صفد باب السطح
تركت سلة الملابس و سلمت عليهچانت اجواء عادية
بين ضحكة و سالفة من جودي و مناوشاتها مع مجيـد
YOU ARE READING
| دُجـى في جوف البـغي |
Romanceقصة حقيقيـة ⭕ من انـا؟ ابـنة من كان شيخـاً معتمراً ابنـة من صارت تلهـو في المـلاهي مـن رُميـت على قارعة طـريق و انتـشلتها ايـادي البغـي و الانحـراف اكـلت حتى شبعـت مـن ارغفة الخبز المحـرمة غُمـست بعـالم يسـوده اشبـاه الرجـال و ارخـص النساء انـا الت...
•الفـصل التاسع و الثلاثون•
Start from the beginning