....
تدنيت مره ل وجنتك وافتخر
اول بشر غمس اشفافة بشمس
اتحدى واحد شافك وما ركض
يشبگ عله امه يصيح اريدن عرس
يابو زلف ماخذ مكان الفجر
عازل صباح الخير عن ليل امس
....
#رغيف_بنكهة_عشگ
#بقلمي_بصره_الربيعية
#البارت_51...
...
بغداد...
روزال_ابتسم ابتسامة مخيفة وانطلقت
الكلمات منه وجمدتني!
يگولي..
ماجد_مُعمر اجه خطبچ مني بالإسم!
معناها الي ببالي كُله صحيح هو يريدچ وانتِ تريدي وما استغرب روحاتچ چانت على موده
يعني انتِ وهو على علاقة...........
احچيييي روزززززال!
روزال_اجتي كلماته بعد ما رفع راسه وخله عينه بعيوني بعد مكمل صاحني وفززني
شنو هسة يريد مني جواب !
شنو اجاوب طبعا اكوله لااا منين عنده الدليل اصلا
بس اني سكتت محچيت چانت نبرة صوته فارضه كأنما كاعدين بغرفة تحقيق!
چنت مدنگة راسي من شفته وگف واجه صار مقابيلي
وگال..
ماجد_سكوتچ هذا اعتبره دلاله على عدم رفضچ
اني اصلا چنت مقرر اقتله وما اعترف بلا صداقة ولا جيران...
روزال_ من سمعته هيچ گال رأسن رفعت راسي واله اترجاه كتله...بــــس!
رفع اصبعه بوجهي وكال انتهى وقتچ وهسه اطلعي.
ركضت طلعت شفتها بوجهي صدك مچانت مبتسمة بس واضح بوجهها الشماتة...ليش د يسوون هيچ اني هماتين اختهم شلون يشوفوني بهالشكل!
تلحفت بفراشي وبچيت وتندمت لان مرفضت ولادافعت عن نفسي بسرعة ضيعت حقي بالتبرير لا اصلا هو خوفني ومخلالي مجال احچي...
ما اعرف شنو ما اعرف!!
تعبت بوقتها من البچي وماادري بنفسي دخت ونمت
الصبح گعدت تقريبا بالعشرة بسرعة ركضت لغرفة ماما بدون لا اغسل ولا ابدل..
ماماا....
گلتها هيچ بهضم و طاحت دمعتي؛
شذى_روزي!..شبيچ امي؟..
روزال_گعدت بقربها ..
ماما ماجد ديكول مُعمر طالبني منه!؟
شذى_روزي ماما انتِ بنية حلوة وعليچ العين
وما عايزچ عايز غير بس انچ صغيرة...
ماماتي اني مدايمتلكم للتالي واخوچ لو ميريدلچ الخير چان قبل باي احد اتقدملچ بس هو البارحة كله يفكر وأخيراً قابل بمُعمر
ومُعمر خيرة الشباب اني مطمئنة اله ومتاكدة راح يصونچ ويحتويچ بكل وقت اني د احچي هيچ من جيرتي القديمة الهم ماكو يوم طلع الهم صوت ولا سمعنه احد اشتكى منهم ناس كافين خيرهم شرهم
وبعدين يا امي تدرين هو شنو حاچي لاخوچ
"مستعد تكون خطيبتي إلى أن يرجع الوالد وتتخرج وتكمل دراستها"
وين لاگيتها بعد ياامي!
أنت تقرأ
رغيفْ بنكهة عشگّ {مكتملة}
Romance#العراق #البصرة #بغداد #الناصرية . . تدور القصة عند دائرة تتماسك بالقرابة والجيرة بين حياة الشيخية في الجنوب وحياة بغداد فمنهم الذي يُحب ومنهم العاشق ومنهم إلحاقد منهم من يسعى لرضا الله في الحلال ومنهم من يبغضه بالحلال ومنهم من يتعمد الحلال ومنه...
