- هسا اجيبلچ ثلجه و مـرريها عليها و اذا ما فاد اسأل كرار على عصاره او اي شي يخفف الألم
حـركت ايدها برفض و هي تگول
- لا لا تگولين اله..ما اريده يعرفنـي متأذيه
- ليش؟ تـرا شافچ و احتـرگ دمه على وضـعچ
ما باوعتلي و هي تگول
- ما اريد شفقته لو وگفته
ما اريده يشوفني بهذا الوضع- كرار يحـبچ، ما راح يشفق عليچ لأن يعرفچ قويـة
و بخفوت همست و عينها تغورق بالدمـوع
-لأن يحبني ما اريده يشوفني هيـچ، ما اريده يشوف ضعفـي
قطبت حاجـبي و حطيت ايدي جوه حنچه و خليتها تباوعلي و باستفسار و شـك گلت
- داليا انتِ تحبينه لـ كرار بس تكابريـن مـو؟
مـتوقعت تكون بهذا الشكل
و هي تنزل راسها و تهـمس بضعف- مثل ما تكابريـن بحبچ ناحية غياث
شهگت و اني اگول بصدمة
- يعنـي تحبينه
- يلا طيري روحي گوليله
قرصتها بخفة من ايدها و اني اگول بتأنيب
- شايفتنـي وكالة اخـبار منتكارلو حتى اروح انطي خبر
هي ما ردت و اني ابتسمت و بحماس گلتلها
- من شـوكت
- گومي سويلي غدا جوعانه
- اول شي الساعة بالـ9 ونص وين اكو غدا بهالـوكت
ثاني شي انتِ متحبين تاكلين من ايد احد..ثالث شي ماكو مفـر احچي من شوكت تحبينهتـأففت و هي تباوعلي بملل
قبل لا تگول و هي ترجع بظهرها للحايط- قبل سنتين
فتحت عيوني على وسـعهن و گلت بصوت عالي نسبياً
- و كل هذا ساكته
- ما ردت اعترف حتى ما اخسره حاله حال البقية الي احـبهم
صوتها خفت و اني خففت حماسي كذلك و شد انتـباهي نبرة صـوتها الضـعيفة و هي تحچـي و عيونها تغيب بالفراغ
- كل شخص احبه خسـرته
من ابوية..لأخواني..لـ هشـام و اخرهم اميجهـلت هوية المدعو هشام..و الي اول مرة اسمع اسمه من ثغرها
و بتساؤل گلت- مـنو هشام؟
و بضحكة مقهورة گالت
- حـب المراهقة
و قبل لا احچـي شي امضت بكلامها بتنهيـدة
- چـنت رابع اعـدادي، انسانه منطوية على نفسها و متحب تختـلط وي احد
چانت كل ما تطلع من المدرسة تشوف واحد گاعد يم باب بيتهم..لأن بيتهم قريب كلش للـمدرسة
چنت اتجاهـله و ما اهتم لوجوده
بس مرة ورا مـرة گـمت اباوعله..حسيت نفسي مميزة لأن چان يباوعلي باعجاب
و بيوم اجت اخته الي تدرس وياي بنفس المرحلـة
و گالتـلي اخوية هـشام يحبچ
أنت تقرأ
| دُجـى في جوف البـغي |
Romanceقصة حقيقيـة ⭕ من انـا؟ ابـنة من كان شيخـاً معتمراً ابنـة من صارت تلهـو في المـلاهي مـن رُميـت على قارعة طـريق و انتـشلتها ايـادي البغـي و الانحـراف اكـلت حتى شبعـت مـن ارغفة الخبز المحـرمة غُمـست بعـالم يسـوده اشبـاه الرجـال و ارخـص النساء انـا الت...
•الفـصل الثاني و الثلاثون•
ابدأ من البداية