ကျဲယုက အနီရောင် တိမ်တိုက်လေးကို တွေတွေကြီး စိုက်ကြည့်နေခဲ့ပါတယ်၊ "ဒါ..ဒါက ငါတို့ နဂါးကလန်ရဲ့ စွမ်းအားကြီးတဲ့ မင်္ဂလာတိမ်တိုက်ပဲ! ဒါက မီးလျှံနဂါး ကလန်ဆီကပဲ၊ ဟုတ်ပြီ၊ ယန့်မင်းရွဲ့က သခင့်ကို ဇူရန်မိစ္ဆာမျက်လုံး ပေးထားတာပဲ။ သူက မှော်ရတနာ တစ်ပါးကို ထုလုပ်နေတာပဲ ဖြစ်လိမ့်မယ်"
"ဒါက ဘာကို ဆိုလိုနေသလဲဆိုတော့၊ ငါ့ရဲ့ အကြေးခွံတွေကို မှော်ရတနာ ထုလုပ်တဲ့ နေရာမှာ အသုံးချလိုက်တာပဲ!" ကျဲယုဟာ အခုမှ နေလို့နည်းနည်း ကောင်းသွားခဲ့ပြီး၊ "မှော်ရတနာဆိုတာ အမတန်ကို လျှို့ဝှက်ဆန်းကြယ်တဲ့ ပစ္စည်းပဲ။ ငါ့ရဲ့ အကြေးခွံတွေကို ဒီအတွက် အရိတ်ခံရတာ ဆိုရင်တော့ တန်ပါတယ်ကွာ"
"တကယ့်လို့များ သခင်က အောင်မြင်စွာ ထုလုပ်နိုင်လို့ရှိရင်၊ ငါ့ရဲ့ အကျိုးဆောင်မှုတွေလည်း ပါမှာပဲ"
ရှောင်ယန်တို့ အုပ်စုကလည်း တောင်ထိပ်က လှုပ်ရှားမှုတွေကို သတိပြုမိနေကြပါတယ်။ သူတို့ရဲ့ ကိုယ်ပေါ်က အခြေတည်ဝိညာဉ် အဆင့်က မှော်အိုင်တမ်တွေဟာ၊ ဂိုဏ်းဖွင့်ပွဲတုံးက အသွင်သဏ္ဌာန် ခြောက်မျိုးဓားနဲ့ တွေ့ဆုံခဲ့ရစဉ်က လိုမျိုးပဲ၊ တုန်ခါနေကြပါတယ်။
သူတို့ဟာ အခြေတည်ဝိညာဉ် အဆင့်က မှော်အိုင်တမ်တွေသာ ဖြစ်ကြတာမို့၊ အင်မော်တယ် ဝိညာဉ် အဆင့်က မှော်ရတနာတွေနဲ့ တွေ့ကြုံရတဲ့ အခါမှာ၊ သူတို့ဟာ အဖိနှိပ်ခံရတာက သဘာဝပါပဲ။
ရှောင်ယန်ရဲ့ မျက်ခုံးအစုံဟာ တွန့်သွားခဲ့ကာ ဇူရီကို လှမ်းကြည့်လိုက်ပြီး၊ "ဒါက မှော်ရတနာလား ဆိုတာကို သေချာမသိပေမဲ့ ဆရာ့ရဲ့ စည်းမျဉ်းတွေ အရဆိုရင်၊ အခြေတည်ဝိညာဉ် အဆင့်ကို အရင်ဆုံး ရောက်သွားတဲ့ သူကို မှော်ရတနာတစ်ခု ဆုချမှာပဲ။ ကျန်တဲ့သူတွေကတော့ ပစ္စည်းကောင်းလေး ရဖို့ဆိုရင်၊ ထပ်စောင့်ရမှာပေါ့"
"ဒုတိယ ဂျူနီယာ၊ ဒီမှော်ရတနာ ဘယ်သူအရင်ရမလဲ ဆိုတာကို ယှဉ်ပြိုင်ဖို့ စိတ်ဝင်စားလား?"
ဇူရီက အနည်းငယ် ရယ်လိုက်ပြီး၊ "အငယ်ဆုံး ဂျူနီယာလေးကပဲ အမြဲတမ်း ပထမရမှာတော့ မဟုတ်ပါဘူး"
DU LÄSER
ဂန္တဝင်ဂိုဏ်းချုပ် အတွဲ (၂) Unicode
Äventyrsromaner✓✓✓✓ MC က FAကြီး ✓✓✓✓ ဇာတ်လမ်းအကျဉ်း ------------- လင်းဖုန်းဟာ အချိန်ခရီးသွားခဲ့ပြီး စနစ်တစ်ခုကို ရရှိခဲ့ပေမယ့် သူ့ရဲ့ဖိအားတွေဟာ တောင်လိုပဲကြီးမားပါတယ်။ "စနစ်ရဲ့ အဓိကမစ်ရှင်" လင်းဖုန်းဟာ ဂိုဏ်းတစ်ဂိုဏ်းကို တည်ထောင်ရမှာပါ။ အဲ့ဒီဂိုဏ်းလဲ ဒီကမ္ဘာမ...
အပိုင်း ၂၃၄ : လင်းဖုန်းက မှော်ရတနာတစ်ခုကို ဖန်တီးခြင်း
Börja om från början