“ မမ ”
ဟီယူ “ မမ ” ဟုအမြဲခေါ်ဆိုနေသည့် ယွန်းဟာယောင်းသည် ဟီယူ့အနားသို့အမြန်ရောက်လာပြီး သူမ၏အပေါ်ခြုံထည်အား ဟီယူ၏ပခုံးပေါ်သို့ ခြုံလွှမ်းပေးလိုက်သည် ။
အရပ် 180 cm ရှည်ပြီး အမျိုးသမီးဝတ် suit တို့ကိုသာဝတ်တတ်သည့် ယွန်းဟာယောင်း၏ အပေါ်ခြုံထည်က မွန်ဟီယူကဲ့သို့ ခပ်သေးသေးအိုမီဂါအတွက် ခန္ဓာကိုယ်တစ်ခုလုံးဖုံးအုပ်သွားစေရန်လုံလောက်သည် ။
“ ယူလေး...တဖြည်းဖြည်းနဲ့ အေးလာပြီ...သွားချင်တဲ့နေရာကိုလည်း လိုက်ပို့ပြီးပြီမလား အခုပြန်ကြရအောင်နော် ကလေး ”
ဟီယူက အောက်နှုတ်ခမ်းလေးအားကိုက်လိုက်ကာ အိမ်ပြန်ရန်ငြင်းဆိုချင်ပါသော်လည်း နာခံမှုရှိစွာဖြင့် ခေါင်းငြိမ့်လိုက်သည် ။
“ အွန်း ”
ထို့နောက်တော့ ယွန်ယာယောင်းသည် ဟီယူ၏လက်ကိုကိုင်ဆွဲကာ မွေးနေ့ပွဲမှ ထွက်သွားလေသည် ။ ထယ်ဟီးလေးနှင့်အချိန်ဖြုန်းပေးနေသည့် ဟီဂျင်ကတော့ အမျိုးသမီးတစ်ယောက်နှင့်အတူ မွေးနေ့ပွဲမှထွက်သွားသည့် ဟီယူ၏နောက်ကျောလေးကိုသာမြင်လိုက်ရသည် ။
“ အယ်...ဟီယူရောက်လာတာတောင် မသိလိုက်ပါလား ”
“ ဘယ်သူလဲဟင် ”
ထယ်ဟီးက သိချင်စိတ်အပြည့်နှင့်မေးလာတာကြောင့် ဟီဂျင်လည်း ဖုန်းကွယ်မှုမရှိဘဲ အမှန်အတိုင်းဖြေလိုက်သည် ။
“ အတန်းဖော်တစ်ယောက်ပါ...မွန်ဟီယူတဲ့...ထယ်ယောင်း နဲ့ ဂျောင်ကု ပြိုင်လိုက်နေတဲ့ အိုမီဂါလေးဆိုရင်လည်း မမှားဘူး ”
ထိုစကားကြားတော့ ထယ်ဟီးက နှာခေါင်းရှုံ့လိုက်ကာ
“ ဟွန့်! ကိုကြီးတို့နှစ်ယောက်က အမြဲတမ်းတူညီတဲ့ အိုမီဂါလေးတွေကိုပြိုင်လိုက်တယ် ... ပြီးတော့ တစ်ယောက်မှလည်းရကြတာမဟုတ်ဘူး...ကြာရင် သူတို့အချင်းချင်းပဲပြန်ရကြတော့မလားတောင်မသိဘူး ”
ထယ်ဟီးဆီမှ ဟီယူနှင့်ဆင်တူသည့် စကားထွက်လာတာကြောင့် ဟီဂျင်တစ်ချက်ရယ်လိုက်ကာ ထယ်ဟီးစကားကိုခပ်တိုးတိုးထောက်ခံပေးလိုက်သည် ။
YOU ARE READING
Compatible Pheromones |TK|✓
Fanfictionမုန်းတီးခြင်းဟုယူဆသော်ငြား... လျစ်လျူရှုမှုတို့ကမစွမ်းသာ... မျှောလွှင့်နေတဲ့ တိမ်လေးတွေလို... ခံစားချက်တွေဟာလည်း ဦးတည်ရာမရှိ... သေချာပါသည် ငါလည်းမင်းကိုချစ်နေပြီ... Start - Dec 14 , 2021 End - Oct 14 , 2022 #pic from pin #crd to owner
Chapter 15
Start from the beginning