رغيفْ بنكهة عشگّ {مكتملة}

البارت الواحد والاربعون

شكد حلو الحب
من تحب واحد يحس ...
ومنكم العشاك تتعلم درس
كون بس بعيونكم تتغاولون
وعدكم ازعاج السوالف بالهمس
كون مو تتعب وتعبك بالاخير
يجي غيرك يأخذة بحجة عرس ..

......

#بقلمي_بصره_الربيعية
#رغيف_بنكهة_عشگ
#البارت_41....

البصرة...

_اءشمـــالچ اتباوعين صفح وييه

سلم_صدوق شافني انرگعت وهيچ گال.. گتله ماشفتها گبالي  هيه بكل مكان نخله..

چان يگول...صوچ النخلة ماشافتچ!..
مو بگدچ هيه!!.. هم گصيرونه بس شني
النخلة اترس منچ..

گال تعاي صيري گدامي لاتنرگعين بعد..

مشيت وانه لازمة گصتي صفح احس بيها ورمت شوي

من دخلنه احنه اشرلنه صدوق رايح مناك هو ماادري وين وانه ملزمة بامي أتذكر قليل عن هنا
يمكن چا چنت صغيرة..

ف من دخلت ويه امي يمكن چان هذا المطبخ لان بي كومة نسوان شي بالگاع وشي واگفه يم طباخ تصب چااي.

وگفو من شافونه واتلگونه وانوب دخلونه جوه وكلهم اجو يمنه ، گعدونه يم المبردة چانن گاعدات يمها چم مره وحده منهن  ضيگت عيونها علينه وانوب بلتحتهن
وصاحت ...

_هلااا بيــهم ؛

سّلم_رادت اتگوم امي دنگت عليها وشبگتها لمن گعدت وانه وراها ادنيت اسلم عليها ابوس بالهوى وهي خذتني امننن امنن

زين كضيت روحي  وما ضحكت

كعدت بصفها يم امي صافنه عليها مگعده امي يمهاا واتسولف وياها بهمس  شكلها هيه عدها خدود بس جسمها ضعيف وداگه الحنچ وشاده عصابه

شوي واشوفها صگرت عيونها علي وشامره ايدها جوة الحنچ مستغربة وتحچي وتمد بحچيها..

فتيتة_خية چا اا شبيها كصتچ مدنبلة منييين يايية
من حرب عربان.

سّلم_گتلهااا بمتمته چاا بعدني مامتعلمه عليهم...

هاا عمة مو وانه شسمه جااي امشي و جان النخله ماشافتني قصدي ماشفتها ووانطكيت بعثك السعفة المتين ...طبعاا هناا حچي صدوق ضال ببالي
..احچي بگلبي.

ردت عليه..
فتيتة_چا شمالج عميمة عوبةتمشين مبگگة عيونچ للهوى

سّلم_گتلها خجلانه من الگاعدين چا گالت عوبه..
شبيه عوبة عمه چا بعد انطكيت وماشفتها !

فتيتة_چا اخذيلج طراگ بعد حبوبه !

سّلم_ مو هيچ انه بس....
ماخلتني اكمل حچي..

فتيتة_ بالله زّمي من يمي زّمي....عشتو ما ترضى وترادد

سّلم_ يمه كلتني بگشوري انلصمت بعد ماحچيت