| دُجـى في جوف البـغي |

•الفـصل الرابع عشر•

ابتسم بسخرية و گال

- چان اكلتنـي بسنونهـا فـ سكتت بعدين شي خـاص بيها اني شعليـه

حچـاها و دنگ اخذ العدة و فتـح الـه مجيد السـيارة و خلاهـن

رجـعنا للبـيت و اني كل شوية اباوع لـ دجى
تتصرف طبيعي و كـان كـلام غيـاث ما اثـر بيها

باللـيل اجـونا بيت خـالي
خالـي عنده اربع بنات و ولد من زوجتة الاولى
و تزوج وحـدة قبل سنتين
اباوع و كاتمه ضحكتي و اني اشوف نظرات الـضراير بين بعضهن
عبالك وحدة تريد تاكـل الاخرى

وگفت بالمطـبخ و انـي دارتب الكعك بالصحون
و دجـى تخلي العصير بالگلاصات

دخلت للمطـبخ رند بنت خـالي الچـبيرة

ابتسمت الها و گالت

- تردون مساعدة

- لا گـلبي هسا كملنا

حچـيتها و هي رجعت خصلة من شعـرها الي بالون الكستـنائي خلف اذنها
و بنبرة هادئه گـالت

- جـودي لعد غياث ميجي عليكم

باوعت بطرف عيني لـ دجى الي رفعت بطل العصير عن الگلاص و هي ما زالـت تباوع للگلاصات بس شكلها انـصدمت من سؤال رند

- لا يجـي اليوم طلعنا كـلنا تعشينا برا

- يعني علاقتكـم تحسنت

حچتهـا بانشراح و اني هزيت راسـي مردفه

- اي الحمد الله
يبقى اخونا و عمره الظـفر ما طلع من اللحـم

ابتلعت ريقها و هي تكمل اسئلتها الي المعتادة

- زين ليش ما يسكن هـنا؟ سمعت والدته توفت يجي هنا هـذا بيت ابوه

- غياث رجال مستقـل و ما يحب يتقيد
و هو ساكن وي اخته يعنـي مو وحدة

- ما فكر بالـزواج

- لا و حتى اذا فكـر
راح يتزوج الي يختارها گـلبه و عقلـه

حچيتها و اني ارمـق دجى الي باوعـتلي و بردة فعل ما توقعتها رفعت حاجـبها الي

رجعت باوعت لـ رند لگيـتها تباوع لدجـى كذلك
اجيت احچـي لكن سبقتنـي دجى و هي تگول

- خلينا نقدم الـضيافة

- اي صح تأخرنـا

- عندي كلام وياچ جودي على انفراد
ما احب احـد يتصنت علينا

حچـتها و هي تباوع لـ دجـى
و انـي ابتسمت بتوتر لأن عرفت تقصد دجـى

- ترا دجى وحدة منا و بيـنا

- ها..صدگ هـي ساكنه وياكم
تدرس لو لا بسبب الـشغل

وجهة كلامهـا لـ دجى و اني عـضـيت على باطن شفتي لمن گـالت دجى ببرود