Kidnapped By The Ruthless Criminal (Chavilire Series #2)

Kabanata 17

Kabanata 17

[ Serena's point of view ]

Pag pasok sa bahay ay dumeretsyo na agad ako sa kwarto. Sumilip ako sa malaking bintana na nandun para muling tignan kung saan ko iniwan kanina sila Exodus.

Nandun pa din sila ngunit hindi na sila magkayakap dalawa. Nasa harap niya si Dolores at kahit medyo malayo ako sa kanila ay kita ko ang nakapaskil na ngiti sa labi nito.

Hindi ko siya maintindihan kung bakit ang laki ng ngiti niya sa harap ni Exodus. Malayo ako kaya hindi ko rinig ang usapan nila pero tingin ko ay imposible naman na mag patawa si Exodus para ngumiti siya ng ganyang kalaki.

But anyway wala dapat akong pake sa kanila. Maybe kailangan kong kaibiganin si Dolores at pakiusapan siya na kausapin si Exodus para pakawalan na 'ko.

Tingin ko naman hindi siya matatanggihan ni Exodus since she was his special person right? Natawa ako ng sarkastiko sa special person.

Iniwas ko agad ang tingin sa kanila at humiga na lang sa kama na hindi gaanong malambot dahil manipis lang ang foam. But ok na din ito since nakikituloy lang naman kami.

Marahil ay medyo napagod ang katawan ko sa naging byahe kanina kaya naman nakatulog ako agad. Nagising na lang ulit ako ng mapansin na sobrang dilim na sa kwarto.

Madilim na sa labas kaya naman nakakasiguro akong gabi na. Kinusot ko ang mata ko bago buksan ang ilaw sa kwarto.

Inayos ko din muna ang sarili ko bago ako bumaba para tignan sila Tita Elionore. Nasa hagdanan pa lang ako ay rinig ko na ang mga boses sa kusina kaya naman dun na 'ko dumeretsyo.

Muli akong natigilan matapos bumungad sakin ni Tita Elionore na nag luluto kasama niya si Dolores na ganun din. Nasa lamesa si Exodus at nakaupo na tila nakikipag usap din sa dalawa.

Nakaramdam agad ako ng ilang lalo at napunta sakin ang atensyon nila. Si Dolores agad ang tinignan ko at kita ko ang pagkunot ng kanyang noo habang unti unting napapawi ang ngiti niya.

"Oh Serena gising kana pala, upo ka at malapit ng maluto ang niluluto namin." nilipat ko kay Tita Elionore ang mata ko bago yumuko.

"O-opo." umupo agad ako sa tabi ni Exodus na nanatiling tahimik. Si Dolores naman ay bumaling sa kanya "Exodus sino siya?" taka niyang tanong dito bago ako tignan muli.

Tinignan ko naman si Exodus at nakita kong natigilan siya sa tinanong sa kanya ni Dolores "S-she's...a friend." ako naman ang napatigil.

Nanatili akong nakatitig sa kanya ngunit hindi naman siya bumabaling sakin. "Hello Serena! Ako pala si Dolores, kaibigan din ako ni Exodus." bumaling ako kay Dolores bago maliit na nginitian siya at abutin ang kamay niyang inalok.

"I'm Serena, nice meeting you Dolores." habang nakatingin sa kanya ay ngayon ko lang siya napagmasdan. Morena ang kanyang kutis, bilugan ang mukha, maganda ang ngiti at makinis ang kanyang balat.

Maganda nga siyang babae katulad ng sabi ni Tita Elionore. Binitawan na namin ang isa't isa, tinulungan niya naman agad si Tita Elionore na ihain sa hapag ang pagkain samantalang ako ay nanatiling nakatingin sa kanila habang pinapakiramdaman ang lalaking katabi.

Hinain nila sa hapag ang pininyahang manok. Natigilan naman ako dahil tila ang sarap sarap nun. "Paborito mo 'to Dos kaya naman sinabi ko kay Tita na ito na lang ang lutuin namin." ngiting sabi ni Dolores na ginatungan naman ni Tita Elionore.