* صدح رنين هاتفه ، فاخرجه من جيبه فوجد عمه جودت يتصل به !!!
سحب نفس عميق يستجمع به نفسه واجاب: الو ...
* جاءه صوت جودت متحدثاً بحب حقيقي: ايه ياليل يا حبيبي ، اتاخرت كده ليه ، انا قاعد مستنيك في الشركه من بدري وكلمتك في البيت قالولي انك خرجت مع ماتي ...
* ايوه انا في مشوار معاها ولسه مش هرجع دلوقتي .
* تسأل جودت بخبث وفضول: مش خير يعني ، ولا اوعي تكون ماتي تعبانه وانت مش عاوز تقول ..
* اجابه ليل باقتضاب: لا ماتي كويسه ، هخلص مشواري وارجع ، تكون انت كمان رجعت علشان عاوزك في موضوع مهم ..
* تابع جودت بقلق: موضوع ... موضوع ايه؟؟
* لما ارجع هتعرف .. سلام !!!
ثم اغلق الخط دون انتظار رده وخرج مسرعاً يبحث عن زوجته المجنونه التي تحتاج الي التأديب والعقاب!!!* اغلق جودت الخط وعقله يعمل في جميع الاتجاهات لمعرفه الموضوع المهم الذي يريد ان يحدثه ليل فيه ، فشخص مثل ليل يصعب فهم مايدور في راسه فهو شخص غامض بطبعه!!!
اخرجه من تفكيره صوت نورسين المتلهف : ها قالك هو فين ؟؟ وقالك جاي علي الشركه ولا لاء؟؟
طب قالك هو راح فين مع ماتي ؟؟
ثم هتفت فيه بنبره عاليه ساخطه: ما ترد عليا عماله بكلمك وانت سرحان في ايه؟؟
* اجابها جودت بغضب : ايه في ايه مالك يا نور ما تهدي وتبطلي زن واركزي شويه ، اهي طريقتك دي هي الي هتطفش منك ليل اكتر ما هو طفشان...
* احتفن وجهها بغل وهدرت فيه: انت قاصد تغيظني وتنرفزني صح !!!
ثم تابعت بغرور: وبعدين ليل مش طفشان مني ولا حاجه هو بس اللي تقيل مووت وانا بصراحه بحب الرجل التقيل اللي زيه ، لكن في الاخر هيقع علي بوزه تحت رجلي وساعتها بقي انا اللي همشيه زي ما انا عايزه ...
* نظر لها جودت وتابع باستهزاء: احلمي احلمي ، والله بكره ليل ده يديكي استماره سته ومش هيعبرك وتلاقيه داخل علينا بواحده ويقولك هي دي اللي هتجوزها ، وابقي وريني ساعتها هتعملي ايه...
* اشعلت نورسين سيجاره ونفثت دخانها في الهواء ثم تحدثت بما جعل معده جودت تتلوي من الخوف والقلق: امممم ... وساعتها بقي انت هتعمل ايه؟؟
ياتري هتضحي بالشغل اللي بينا وبيا علشان ما تخسرش ليل ؟؟
ولا هتضحي باليل علشان ما تخسرناش ؟؟
* ضرب جودت علي سطح المكتب بقوه وهدر فيها يغضب محذراً: انا بحذرك يا نورسين ، ليل خط احمر ، اللي بس يفكر يمس شعره صغيره من شعر ليل ، انا امحيه من علي وش الدنيا في ثانيه واقول ما شوفتوش !!!
كله الا ليل انت فاهمه.. كله الا ليل !!!
* اطفأت نورسين سيجارتها في المنفضه الكريستاليه امامها وتابعت بثقه وغرور: جميل احنا كده هدفنا واحد ، ليل ما يبعدش عنك وعني يبقي نحط ايدينا في ايدين بعض علشان محدش فينا يخسره ...
ثم اقتربت بوجهها منه وتابعت بهسيس خطير: لان لو انا خسرت ليل ، مش هخسره لوحدي وعليا وعلي اعدائي والمستور هيتكشف والدفاتر القديمه هتتفتح والمدفون هيطلع وساعتها بقي ....
شوف انت ايه اللي هيحصل وليل هيعمل ايه.....
* شحب وجه جودت حتي حاكي شحوب الموتي وفكره ان نورسين تعرف شيء عن ماضيه تقتله فهو لن يسمح لها بوضع السكين حول عنقه!!!
هتف مستنكراً بغضب : تقصدي ايه بكلامك ده .. انتي بتهدديني؟؟؟
وبعدين انا مش فاهم ايه التخاريف اللي بتتكلمي عنها دي..
* اعتدلت نورسين في جلستها وهتفت بغرور: انا مش بهددك ، انا بس بفكرك انك لو فكرت تيجي عليا علشان خاطر ليل ، ساعتها هيعرف كل حاجه عن شغلك معانا في السلاح والمخدرات ده غير النايت كلاب بتاعك اللي بتشغله في الدعاره وتجاره الاعضاء !!!
* اغمض جودت عينيه براحه فهي لا تعرف سره واستدار اليها متحدثاً بهدوء: اطمني احنا مصلحتنا واحده وهدفنا واحد ......
ثم نهض من جلسته وتناول متعلقاته وتابع : المهم دلوقتي انا لازم ارجع البيت علشان اشوف ليل عاوزني في ايه...
* نهضت نورسين بدورها وتابعت: تمام وانا هاجي معاك..
* هتف جودت معترضاً: لا ، روحي انتي علي بيتك وانا هعرف في ايه وابلغك ، بلاش تحسسي ليل انك بتحاصريه ، خاليه دايماً يحس معاكي انه براحته ومش مقيد علشان ما يبعدش عنك ...
* نظرت له نورسين وهتفت باقتناع: ماشي يا جودت خاليني معاك للاخر ..
YOU ARE READING
في هويد الليل
Romanceًفي هويد الليل ولقيتك ... ما اعرف چيتني ولا چيتك ... ما اعرف غير اني لقيت روحي .... ونچيت من همي ونچيتك... واداري ولا ما اداري...... ده هواها داري ومداري..... اشعار سيد حجاب ......
الفصل السابع عشر
Start from the beginning