အမှတ်ပိုရထားတဲ့ရိပေါ်က မြောက်ကြွကြွဖြစ်နေပြီးအခွင့်အရေးတောင်းဆိုဖို့မစောင့်နိုင်တော့ဘူး။
"ကိုယ့်ပခုံးပေါ်မှီလိုက်ပါလား "
အအေးပိုက်လေးစုပ်နေတဲ့ရှောင်းကျန့်က ရုပ်ရှင်ကို မမြင်မစမ်း မျက်မှောင်ကုပ်ကြည့်နေရာကနေ လက်ညှိုးလေးနဲ့ရှုးခနဲလုပ်ပြလာတယ် ။ အမယ်ရိပေါ်ပြောတာမှတိုးတိုးလေး ။ သူ့ရှုးကပိုကျယ်နေတယ်။
"မှီလေ "
"မမှီဘူး "
"ကိုယ်မှီမယ် "
"မမှီနဲ့ "
ရှယ်ငြင်းပလန်နဲ့ငြင်းချနေတာပဲ ။ ပေါက်ပေါက်စုပ်ကိုနှိုက်လာတဲ့လက်ကချော်တောငေါပြီးရိပေါ်ပြောင်းဖူးတောင့်ကိုလာထိတယ် ။
"ဟေး မှားနေပြီ "
"ဆောရီး "
"ဒါလိင်ပိုင်းဆိုင်ရာ ကျူးလွန်မှုနော် ၊ အသားယူနေတာလား ကောင်လေး "
အမှောင်ထဲမှာတောင်ပါးလေးရဲသွားတာတွေ့တော့ အထိခံရတာလည်း တန်ပါတယ်လေ ။
"တောင်းပန်တဲ့အနေနဲ့ ပခုံးပေါ်မှီအိပ်လိုက်ပါလား လိမ္မာတယ်လေ "
"မလိမ္မာဘူး ၊ အေးဆေးကြည့်ပါရစေ ဘာတွေဖြစ်ကုန်ပြီလဲတောင်မသိတော့ဘူး "
မင်းဘာသာကန်းနေပြီးတော့ ။
ဘေးကဇက်ရိုးကျိုးနေသမျှအတွဲတွေကိုကြည့်ပြီးသူသက်ပြင်းချလိုက်တယ် ။ တစ်ယောက်ခုံနှစ်ခုံထက် အတွဲခုံတစ်စုံက သုံးဆလောက်စျေးမြောက်တယ် ။ ဒီလိုတောင့်တောင့်ကြီးထိုင်နေရမယ်မှန်းသိရင် ဝယ်မနေဘူးဒီနေရာ ။
"ရိပေါ် "
ပေါင်ကိုလက်နဲ့အသာပုတ်ရင်း ဘာကိုထိုးပြချင်နေမှန်းလည်းမသိ ။ သူကတော့ပေါင်ကိုလက်နဲ့တဘတ်ဘတ်လာချနေတာပဲငုံ့ကြည့်ဖြစ်တယ် ။
"ဘာလိုချင်လို့လဲ "
"သန့်စင်ခန်းသွားချင်လို့ "
"သွားလေ ထ "
"ဟင် ဘယ်မှာမှန်းမှမသိတာ မလိုက်ပေးဘူးလား ? နှင်ထုတ်သလိုကြီးလာပြောနေတယ် "
