رغيفْ بنكهة عشگّ {مكتملة}

البارت الثاني والعشرون

لو شفتني گبالك اخذ بيدي واستعجل
تراها دنيتي ماترحم اليعشگ وللعشگ تچتل
وتوكفله وكفه الحراس وتنشله من الجدم للراس
اعرفني أنا ام الخجل لو يمك يصير الأساس
انه بطبعي گويه بس مقابيل الناس
وليمك طبعي ينقاس على المقياس
...

#بقلمي_بصره_الربيعية
#رغيف_بنكهة_عشگ
#البارت_22..

البصرة..

كلاف _امشي بطريقي مصوبه عيوني على الشارع ما ادري شجالي اليوم خايفة يمكن لان اول يوم لو لان هذول شلة الشباب الواكفه مناك يتراوالي واحد منهم يباوعلي لحد ما تقدم واحد منهم يمشي بأتجاهي بنفس الشارع!

انه هم ما وكفت لمن صار بعد قريب من صوبي
وصفت الوانيت يماا احس گلبي هسة ارتاح

مشيت بزودي من نزل شيخي منها ادنيت كلش يمه
عود اراويهم هذا رجالي اخاف واحد منكم يزغلط!

بعد ما درت ولا شفت واحد وراي بس سلمت على ضرار وصعدت وهو هم يتعذر يكول طلعتلي شغلة صفح وتأخرت عليچ..

سألني اذا نمر ناخذ اختچ قصدة تماضر.. گتله هسة وصلت للبيت ترجع گبلي..

اتنهدت بصوت كلش خفيف چان اول يوم بس مُتعب

قبل لا نوصل.. وانه احسه سرعة السيارة مو ذيچ السرعة يعني يمشي بهداوة...التفت الي بعيونه وشوي وگال بعد ما شتت نظراته للطريق..

ضرار_تعبتي من اول يوم ما تفيدين..

كفايه_آخر كلمة حچاها وضحك بس نص ضحكة
ماعرفت قصده بس عكدت گصتي وانه صافنة عليه

رجع دار وهم ضحك بخفة ب "ھیھء"..
حلو ما عنده تكبر بالعكس يبتسم وساعات يضحك
بس هسة عرفته يضحك عليه درت ضايجه وما اعرف اتخردل عندي الوضع.

بحيث وصلني كتله مع السلامة وكبل للبيت لا انزل ولا استريح..

ضل هو يوصلني ويوصل حتى تماضر ما ادري ليش جابر نفسة رغم عنده التزامات

بس ضلت الايام بس رسميات بيناتنه مرات ايبزني بجملة من حچيه على يوم الي شافني يم باب الچينكو

واگول تصرفه هيچ وياي كله عقاب لان ما بررتله بذاك اليوم واكول بس لاحاسبني وكحة".

تمر الأيام والاشهر ومرت سنه و الحمد لله دوامي ملتزمة بي ولأن احبه ف ما عندي صعوبه خصه بعد ما فتحولي المجال اروح للبارگة يم عتابه وگومهاا على كولة ابوي ذولي گومچ ما ترحيلهم تزورينهم مرضى ميتين عدلين... كتله بگلبي مو انتَ چنت ما تخليني اروح.

يوم منهن بالمرحلة الثانية مخلصة محاضراتي والأخير ريست ردت ارجع وكت طلعت للشارع تمشيت بلكي احصلي سيارة تالي ركبت بالباص ورجعت كلش توني وصلت وانه افكر اخاف يجي عليه وميلگاني قبل لا أحد يلچحني نزلت يم بيت خالي ...