Chapter (15-1)_ ခေါင်းလောင်းပန်းတို့ ဝေဝေဆာဆာပွင့်ဖူးချိန်
ရွှယ်ဇီရွမ် သည် အလုပ်များပြီး စိတ်ရှုပ်နေချိန်တွင် ကျိုးယွင်ရှန့် သည် အင်္ဂလန်နိုင်ငံ လန်ဒန်မြို့သို့ ရောက်ရှိလာပြီး မရှိမဖြစ်လိုအပ်သော ပစ္စည်းအချို့ကို ဝယ်ယူပြီးနောက် မန်ချက်စတာမြို့ နှင့် ယော့ခ်မြို့သို့ ဆက်လက်ခရီးနှင်ကာ တည်းခိုရန် သက်တောင့်သက်သာရှိသော တည်းခိုခန်းငယ်လေးကို ရှာဖွေတွေ့ရှိခဲ့သည်။ သူက ရာစုနှစ်တစ်ခုကြာသည်အထိ သက်တမ်းကြာရှည်ဖွင့်လှစ်ခဲ့သည့် လက်ဖက်ရည်ဆိုင်၏ အရသာကို မြည်းစမ်းကာ စိတ်လက်ချမ်းသာစွာ နိုးထလာခဲ့သည်။ ထို့နောက် သူ၏တစ်ဦးတည်းသော ပခုံးပေါ်က ကျောပိုးအိတ်လေးကို ကိုင်ဆောင်ကာ York Cathedral သို့ ခရီးလှည့်လည်ခဲ့သည်။
ကျိုးယွင်ရှန့်က အလွန်လှပသော Gothic ပုံစံ အဆောက်အဦးတွေကို ငေးကြည့်နေသည်။ ထိုအဆောင်ဦးကြီးတွေမှ နေရောင်ကို ရောင်ပြန်ဟပ်နိုင်သော ရောင်စုံမှန်များဖြင့် ဂျီဩမေတြီနည်းကျကျ တည်ဆောက်ထားသည်။ ထိုဘုရားကျောင်းကြီးထဲတွင် လူအချို့က ဆုတောင်းနေကြသည်၊ အချို့က ဓမ္မသီချင်းများသီဆိုကြပြီး၊ အမိုးပေါ်က အလှဆင်ထားသည့် ပန်းချီများကို ငေးမျှော်ကြည့်နေသော ကျိုးယွင်ရှန့် မှလွဲ၍ အခြားသူများမှာ တိတ်ဆိတ်စွာ ခေါင်းငုံ့ထားကြသည်။
(Gothic စတိုင် အဆောက်အဦး - ရောင်ခြယ်ပြတင်းပေါက်ကြီးများ၊ ချွန်ထက်သော အမိုးခုံးများ၊ သူရဲခိုများ၊ ပြတင်းနံရံကို ထောက်ကူထားသည့် ထောက်တိုင်ကြီးများ ပါရှိသည့် တန်ဆာဆင် အလှဆင်ထားသည့် ခမ်းနားကြီးကျယ်သော အဆောက်အဦး)
နောက်ဆုံးတော့ လွတ်လပ်သွားခဲ့ပေမယ့် ရိုးရိုးသားသားပြောရရင် အခု ကျိုးယွင်ရှန့်ရဲ့ ခံစားချက်က မျှော်လင့်ထားသလောက် မချောမွေ့နေခဲ့ဘူး။ သူရုတ်တရက် အလွန်စိတ်ရှုပ်သွားသလို ဘယ်သွားရမှန်းမသိ၊ ဘာလုပ်ရမှန်းလည်းမသိ၊ တစ်ကိုယ်လုံး ဗလာကျင်း၊ အမြစ်မရှိသော သစ်စေ့ကဲ့သို့ ပေါ့ရွှတ်ရွှတ်ဖြစ်နေသည်။
ဘုရားကျောင်းရှိ ငြိမ်သက်တိတ်ဆိတ်သောလေထုက သူ့ရင်ကို မွန်းကျပ်စေကာ ဆယ်မိနစ်လောက်ထိုင်ပြီးနောက် ဆက်လက် မနေနိုင်တော့သဖြင့် တိတ်တဆိတ် မတ်တပ်ရပ်ကာ ပြန်ထွက်လာခဲ့သည်။ ဒီနေ့ ရာသီဥတုက အရမ်းအေးပေမယ့် နေရောင်က အရမ်းတောက်ပလို့ ကားမစီးချင်တော့ဘဲ အဝါရောင် သစ်ရွက်ခြောက်တွေပေါ် ခြေတစ်လှမ်းချင်းလှမ်းပြီး လမ်းလျှောက် ပြန်လာခဲ့သည်။
အင်္ကျီအသစ်က ထူထူလေးဖြစ်ပြီး လည်ပင်းမှာပတ်ထားတဲ့ မာဖလာပဝါက နွေးနေပေမယ့် တစ်ခုခုတော့ ပျောက်နေတယ်လို့ သူ အမြဲတမ်း ခံစားနေရတယ်။ လင်မယားနှစ်ယောက် လက်ချင်းတွဲပြီး ဖြတ်သွားလိုက်တဲ့အချိန်မှာ ထိုအမျိုးသမီးက ဘာပြောလိုက်သလဲ မသိပေမယ့် ယောက်ျားဖြစ်သူက ရယ်မောလိုက်ပြီး သူမရဲ့လက်နှစ်ဖက်ကို ဆုပ်ကိုင်လိုက်တဲ့အချိန် လူရိပ်နှစ်ခုက ပူးကပ်သွားခဲ့သည်။
ကျိုးယွင်ရှန့်က လှမ်းကြည့်လိုက်တော့ သူ ပျောက်ဆုံးနေတဲ့ အရာကို ရုတ်တရက် နားလည်လိုက်တော့သည်၊ နွေးထွေးတဲ့ ပွေ့ဖက်မှုတွေ၊ အားကောင်းတဲ့ သိုင်းဖက်လာတဲ့ လက်တစ်စုံ၊ နားထဲ လေပူတွေ မှုတ်ထည့်နေတဲ့ လူတစ်ဦး၊ လည်ပင်းမှာ သိုင်းဖက်ထားတဲ့ အလေးချိန်ပျောက်ကွယ်သွားခြင်းက လျော့ပါးပျောက်ကွယ်သွားခဲ့သည်။ သူ့ကို အလွန် စိတ်အနှောက်အယှက်ဖြစ်ခဲ့ဖူးသော ညည်းသံများက ယခုအခါ မှတ်ဉာဏ်ထဲတွင် ပြတ်သားစွာ မြင်ယောင်လာခဲ့သည်။
ကျိုးယွင်ရှန့် သည် သူ့ကိုယ်သူ ထိုအတွေးတွေကို မတွေးမိစေရန် လေကြောင့် ထုံကျင်နေသော မျက်နှာကို လက်နှင့် ခပ်ကြမ်းကြမ်း ပွတ်လိုက်သည်။ သူသည် ဟိုတယ်ဘေးရှိ ဂေါက်ကွင်းကို ဖြတ်ကာ အမြန် ခြေလှမ်းအနည်းငယ်လှမ်းကာ ဂေါက်ကစားရန် သင်ပေးမည်ဟု ရွှယ်ဇီရွမ် ပြောခဲ့ဖူးသည့် ဂေါက်ကွင်းပေါ်တွင်တည်ရှိနေသည့် ရွှယ်စံအိမ်မှာ သူ နေထိုင်ရာကို ခဲ့စဉ်အချိန်ကို ပြန် မတွေးပဲ မနေနိုင်တော့ပေ။
သေစမ်း....... သူ ဘယ်လိုလုပ် နေရာအနှံ့မှာ အဲ့လူကို မြင်နေရတာလဲ။ စိတ်ထဲမှာ သူ့ဖာသာ ကျိန်ဆဲလိုက်ပြီး ကျိုးယွင်ရှန့် က မီးခိုးရောင်ဖျော့ဖျော့ သိုးမွေးပဝါကို ဆွဲတင်ကာ ဟိုတယ်ထဲသို့ ဝင်သွားခဲ့သည်။ အခန်းက နွေးထွေးပြီး သူ့ကျောပိုးအိတ်ကို ချလိုက်တယ်။ သူအိပ်ဖို့ ကြုံရာဆိုဖာတစ်လုံးပေါ်လှဲချကာ ကော်ဖီစားပွဲပေါ် ခြေထောက်ကို တင်လိုက်ကာ အိပ်ခန်းတွင်းစီး ဖိနပ်လဲလှယ်ပေးမယ့်လူကို သူ စောင့်နေမိသည်။
အခန်းသည် ထိုလူ၏ စကားသံနှင့် ရယ်မောခြင်းမရှိဘဲ တိတ်ဆိတ်နေပြီး ကျိုးယွင်ရှန့် က သူက အဲ့လူနားက ထွက်လာပြီဖြစ်ကြာင်း အသိဝင်ရန် တစ်မိနစ်ခန့်ကြာနေခဲ့သည်။ ယခုအချိန်မှစ၍ သူ အခန်းထဲကို ဝင်လာသောအခါတွင် ဖိနပ်ပြောင်းစီးပေးမယ့်သူ၊ ပင်ပန်းလာသောအခါ အိပ်ရာထဲသို့ သူ့ကို ပွေ့ချီသယ်ဆောင်သွားရန် ခန္ဓာကိုယ်နှင့် စိတ်ကို သက်သာစေရန်လုပ်ပေးမယ့်သူ၊ ဆာလောင်နေချိန်တွင် စားစရာကို ပြင်ဆင်ပေးမည့်သူ မရှိတော့ပေ။
သူ့နှလုံးသားက လူသူကင်းမဲ့သည့် မြက်ခင်းပြင်ကျယ်ကြီးကဲ့သို့ ခံစားလိုက်ရပြီး စိတ်မသက်မသာ မငြိမ်မသက် ဖြစ်နေတာကြောင့် ကျိုးယွင်ရှန့် ဆိုဖာပေါ်က ထကာ ဖိနပ်ကို ကန်ချွတ်လိုက်ပြီး သတင်းတွေကို ရှာဖွေဖို့ သူ့လက်တော့ပ်ကွန်ပြူတာအသစ်နဲ့ အိပ်ရာပေါ်တက်ခဲ့ တယ်။
ယာဉ်တိုက်မှုမှာ တကယ်မောင်းနှင်ခဲ့သူက ဟွမ်ရီသာဖြစ်ပြီး ဒရိုင်ဘာကျိုးရင်ကို လူစားထိုးကာ လူတွေ ပြစ်တင်တာကို ခံစေခဲ့သည် ဆိုပြီး ရေးသားခဲ့သည့် ပို့စ်ကဖျက်ချခံလိုက်ပြီးဖြစ်သည်။
ဒီထုတ်ပြန်ချက်ထွက်လာတော့ လူအုပ်ကြီးက သူ့ကို ဝိုင်းဝန်းတိုက်ခိုက်ခဲ့တာ၊ ကားပိုင်ရှင်က ခုလို အရမ်းကာရောမောင်းနှင်တာက အသိဉာဏ်မရှိဘူးလို့ လူတိုင်းက ပြောကြတယ်၊
ဒါဆိုရင် ကားမောင်းတဲ့သူက ခြေတဖက်ဖြတ်ပစ်လိုက်ရတာ ဘယ်လိုဖြစ်နိုင်မလဲ။ ဒါ့အပြင် မီးသတ်တပ်ဖွဲ့က ဒဏ်ရာရသူတွေကို ကယ်တင်ခဲ့တဲ့ ဖြစ်စဉ်ကနေ ဘယ်လိုဖြစ်ပြီး အတုအယောင်တွေ ဖြစ်နိုင်မှာတဲ့လဲ။
ရဲတပ်ဖွဲ့သည် ဟွမ်ရီ၏ကားကို ကျိုးရင်က ခိုးယူမောင်းထွက်သွားသည့် ဗီဒီယိုဖိုင်ကို ပထမဆုံး ထုတ်ပြန်ခဲ့ပြီး ဝိုင်းဝန်းတိုက်ခိုက်နေသည့် လူတွေကို ဟွမ်ရီက ယာဉ်တိုက်မှုနှင့် မသက်ဆိုင်ကြောင်း သက်သေပြခဲ့သည်။ ထို့နောက် ချက်ခြင်းပင် ရွှယ်ဇီရွမ် သည် သတင်းစာရှင်းလင်းပွဲပြုလုပ်ပြီး သူ့မိဘများနှင့်ညီမကို လူသတ်မှုတွင် ပါဝင်ခဲ့ကြောင်း ထုတ်ဖော်ပြောကြားကာ လူထုကို တောင်းပန်ခဲ့သည်။ ရွှယ်လွေ့ကို ရွှယ်လုပ်ငန်းစုကြီးတစ်ခုလုံးမှာ ရှိသည့် ရာထူးအားလုံးမှ ထုတ်ပယ်ပြီး သူ့ကိုယ်သူ အစားထိုးခဲ့ကြောင်း ကြေညာခဲ့သည်။ ထိုအချိန်မှစ၍ အမြွှာမောင်နှမနှစ်ယောက်၏ နှလုံးကို ထုတ်ယူကာ အစားထိုးမယ့် ကြောက်မက်ဖွယ်ရာ ကိစ္စက လူသိရှင်ကြားဖြစ်ခဲ့ပြီး နောက်ဆုံးတွင် အမှန်တရားကို ထုတ်ဖော်ပြသနိုင်ခဲံသလို ရွှယ်မိသားစုမှ အဝေးသို့ထွက်ခွာသွားခဲ့ရသူ ဟွမ်ရီကို လူတိုင်းက စာနာသနားလာကြသည်။
ဖန်သားပြင်ပေါ်တွင် ရွှယ်ဇီရွမ် ၏မျက်နှာသည် အလွန်ဖြူဖျော့နေပြီး မတ်တပ်ရပ်ကာ ဦးညွှတ်တောင်းပန်နေစဉ် နှစ်ကြိမ်တိုင်တိုင် ယိမ်းယိုင်ကာ မူးလဲလုနီးပါးဖြစ်ကာ နဖူးကို အုပ်ကိုင်ကာ လက်များကို ဝှေ့ယမ်းကာ သတင်းထောက်များ၏ အော်ဟစ်သံအောက်တွင် တံခါးဆီသို့ ဖျက်ညှစ်အားတင်းကာ ထွက်လာခဲ့သည်။
ကျိုးယွင်ရှန့်က ဒီမြင်ကွင်းကိုတွေ့တော့ တုန်တုန်ယင်ယင်နဲ့ ကူညီချင်လို့ သူ့လက်ကို ဆန့်လိုက်စဉ် ပါးလွှာတဲ့ ဖန်သားပြင်နဲ့ ခြားထားရုံသာမက ကမ္ဘာကြီးရဲ့ အဆုံးတဖက်မှာ သူရောက်ရှိနေကြောင်း အသိဝင်လာခဲ့သည်။
သတင်းထောက်တစ်ယောက်က မိုက်ခရိုဖုန်းကို ပါးစပ်ကနေ မြှောက်ပြီး လေးလေးနက်နက် လှမ်းမေးခဲ့သည်။
"မစ္စတာ ရွှယ်ကို မေးလို့ရမလားခင်ဗျာ။ မင်းရဲ့ မိဘအရင်းနဲ့ မွေးစားညီမကို ဘာမှ သွေးသား မသက်ဆိုင်တဲ့သူတစ်ယောက်အတွက် ရဲကိုတိုင်ကြားခဲ့ရတာ ဘယ်လိုခံစားရလဲ။ ဒါကို ဘယ်လို ဆက်လုပ်မလဲဆိုတာ ပြောပြပါ။ ခင်ဗျား ရှေ့ဆက်လုပ်မယ့် အကြောင်း ကျွန်တော်တို့သိလို့ရမလား။"
"မင်းပြောချင်တာက ငါ ခုလို မှန်ကန်တဲ့အရာကို မလုပ်သင့်ဘူးပေါ့..ဟုတ်လား"
ရွှယ်ဇီရွမ် က ရုတ်တရက်ရပ်လိုက်ပြီး ဒီသတင်းထောက်ကို လှည့်ကြည့်လိုက်တယ်။
"ဒါဆို ငါ ဘာလုပ်သင့်တယ်လို့ ခင်ဗျား ထင်လဲ။ သူတို့လုပ်တဲ့မကောင်းမှုကို မသိချင်ယောင်ဆောင်ပြီး အရာအားလုံးကို ဖုံးကွယ်ထားလိုက်ရမှာလား။ ရှောင်ရီကိုသတ်ပြီး သူ့နှလုံးသားကို ဖောက်ထုတ်ဖို့ မိဘနှစ်ယောက်ရဲ့လုပ်ရပ်ကို ငါက ဒီအတိုင်းကြည့်နေရမှာလား။ ငါကိုယ်တိုင် ဒီမကောင်းမှုမှာ ပါဝင်ပြီး အလောင်းကို ဖျောက်ဖျက်ဖို့ လုပ်ပေးသင့်တာလား။ ဒီလိုမျိုးကို လုပ်သင့်သလား။ ငါ့မှာ အသိတရားမရှိဘူးလို့ တချို့ကပြောကြတယ်၊ ငါ့မိဘတွေတောင် ရဲကို သတင်းပို့တယ်၊ ဥပဒေကို ဖောက်ဖျက်ဖို့၊ သူတို့ လူသတ်ဖို့ ကူညီပေးရမှာလား။ အဲဒါဆိုရင် အရှက်တရား၊ ကိုယ်ကျင့်တရားဆိုတာရော ရှိသေးရဲ့လား။ အဲ့လိုဆိုရင်တော့ မင်းရဲ့ 'အသိစိတ်' လို့ ခေါ်တဲ့ စိတ်က တကယ်ကို ကြောက်စရာကောင်းတာပဲ"
သတင်းထောက်သည် မေးခွန်းကြောင့် အံသြသွားကာ သူက ဦးနှောက်မရှိသော်လည်း ရွှယ်ဇီရွမ် သည် အမှားအယွင်း လုံးဝ မလုပ်ကြောင်းကိုလည်း သူ သိနေသည်။ အသဲနှလုံးကင်းမဲ့ပြီး တရားမျှတမှု မရှိဘူးလို့ ဝေဖန်သူတွေက ပါးစပ် မဖွင့်ရဲကြတော့ဘူး။ အခုချိန် သူတို့နိုင်ငံမှာ ခေါင်းဆောင်သစ် တက်လာပြီး လူမှုရေးအခြေနေကို ပြုပြင်ရန် အပြင်းထန်ဆုံး လုပ်ဆောင်နေသည့် ကာလဖြစ်သည်၊ ဥပဒေကို လက်ကိုင်ပြုရန်၊ တရားမျှတမှုရှိရန် အဓိက ထားလုပ်ဆောင်နေသဖြင့် ဘယ်သူမှ ကျိုးယွင်ရှန့်ရဲ့လုပ်ရပ်က တရားဥပဒေကို ဆန့်ကျင်ပြီး တရားမှုမရှိဘူးလို့ ပွင့်ပွင့်လင်းလင်း မပြောရဲသော သတ္တိမရှိကြပေ။
ရွှယ်ဇီရွမ် ရဲ့လုပ်ရပ်က ကဲ့ရဲ့ရှုတ်ချနိုင်ခြင်းမရှိပဲ ကိုယ်ကျင့်တရားနှင့် အညီလုပ်ဆောင်နေသည်ကို လူတိုင်းသိနေကြသည်။
"မင်းက ဟွမ်ရီ နဲ့ မသင့်လျော်တဲ့ ယောကျ်ားချင်း ဆက်ဆံရေးကို ထိန်းသိမ်းထားတဲ့ ဇာတ်လမ်းတွေကရော၊ အဲဒါက မင်းမိဘတွေကို ရဲဆီ သတင်းပို့ဖို့ တွန်းအားပေးခဲ့တဲ့ အဓိကအကြောင်းအရင်းပဲ မဟုတ်လား။"
ထိုသတင်းထောက် ရွှယ်ဇီရွမ် ကို ရင်ဆိုင်ရန် စိတ်ပိုင်းဖြတ်ထားသည်။
မျက်နှာအမူအရာကင်းမဲ့နေသော ရွှယ်ဇီရွမ် က ရှားရှားပါးပါး ဒေါသအမျက်ထွက်လာသည့်တိုင် လေးနက်သော အသံဖြင့် စကားတစ်ခွန်းဖြင့် ပြောခဲ့သည်-
"မင်းရဲ့ ညစ်ညမ်းနေတဲ့ အတွေးတွေနဲ့ ငါတို့ရဲ့ ဆက်ဆံရေးကို လာမပြောနဲ့။ တစ်စုံတစ်ယောက်က ကောလာဟလတွေ ဖြန့်တာ ဒါမှမဟုတ် ဆဲဆိုရေးသားတာလုပ်မယ်ဆိုရင် ဥပဒေအတိုင်း အရေးယူဆောင်ရွက်မယ်"
ထိုစကားကိုပြောပြီးနောက် ရွှယ်ဇီရွမ် သည် သူ့ကိုယ်ရံတော်များ၏ အကာအကွယ်အောက်တွင် လျင်မြန်စွာ ခန်းမကျယ်ထဲက ထွက်ခွာသွားခဲ့သည်။ တစ်လောကလုံးရှေ့မှာ သူ့ရဲ့ချစ်ခြင်းမေတ္တာကို ကျယ်ကျယ်လောင်လောင် ပြောချင်ပေမယ့် လုပ်လို့မဖြစ်သေးဘူး။ ဆယ်ကျော်သက်ကောင်လေးကို လူတိုင်း လက်ညှိုးထိုးမည့် အခြေနေအောက်ကို သူ တွန်းပို့ဖို့မဖြစ်သေးဘူး။
ကျိုးယွင်ရှန့်သည့် ထိုဗီဒီယိုကို ပြီးသည်အထိ ကြည့်နေပြီးနောက် အချိန်အတော်ကြာအောင် အသိမပြန်မကပ်နိုင်သေးပေ။
သူသည် ရွှယ်လုပ်ငန်းစု၏စတော့ဈေးနှုန်းကိုစစ်ဆေးကြည့်ရာ ကျဆင်းသွားသော်လည်း အများအပြား မဟုတ်ကြောင်း တွေ့လိုက်ရသည်၊ နိုင်ငံခြားလုပ်ငန်းများနှင့် အတူပူးပေါင်းနိုင်ခဲ့ပြီး ရှယ်ယာဝယ်ယူမှုက ပြန်လည်တက်လာခဲ့သည်။ ထိုသို့လုပ်ငန်းချင်း ပေါင်းစည်းမှုနှင့် ဝယ်ယူမှုများစွာကို အချိန်နှင့်တစ်ပြေးညီ ထုတ်ပြန်ခဲ့ပြီး၊ စတော့ရှယ်ယာပိုင်ရှင်အများစုသည် ရွှယ်လုပ်ငန်းစု၏ ဖွံ့ဖြိုးတိုးတက်မယ့် အလားအလာကို ယုံကြည်နေကြသည်၊ အချိန်အတိုင်းအတာတစ်ခု ကြာပြီးနောက် စတော့ဈေးက အရင်ကထက် ပြန်တက်လာနိုင်တယ်။
ကျိုးယွင်ရှန့်သည် ရင်ထဲ စိတ်ညစ်သမျှကို အသက်ပြင်းပြင်းရှုထုတ်လိုက်ပြီး ရွှယ်ဇီရွမ် က ရဲခေါ်ရန်ရွေးချယ်မည်ဟု ဘယ်သောအခါမှ မမျှော်လင့်ထားပေ။ ရွှယ် မိသားစုရဲ့ ဆုံးရှုံးမှုနဲ့ အပျက်သဘောဆောင်တဲ့ မကောင်းတဲ့ သက်ရောက်မှုတွေကို လျော့ပါးအောင် တိတ်တဆိတ် ချောချောမွေ့မွေ့ လုပ်မယ်လို့ သူ ထင်ခဲ့ပေမယ့် ရွှယ်ဇီရွမ် က မလုပ်ခဲ့ပါဘူး။ သူသည် ရွှယ်လွေ့ တို့ သုံးယောက်ကို အမှန်တကယ် ရဲစခန်းကို သတင်းပို့ခဲ့ပြီး အမှုနှင့် ပတ်သတ်သည့် အမှန်တရားကို ကြေညာရန် သတင်းစာရှင်းလင်းပွဲကို လုပ်ဆောင်ခဲ့သည်။
သူ့ကိုယ်သူ ခုခံကာကွယ်ဖို့ အရာအားလုံးကို လုပ်ဆောင်ခဲ့ပြီး မီဒီယာတွေရဲ့ ရိုင်းစိုင်းတဲ့ ထင်မြင်ယူဆချက်တွေကို ရှောင်ရှားဖို့ ကျိုးယွင်ရှန့်အကြောင်းကို လုံးဝထုတ်မပြောခဲ့ပေ။ ကျိုးယွင်ရှန့်က ဒါကိုကြည့်ပြီးနောက် သူ့ရင်ထဲမှာ ဘာခံစားခဲ့ရတယ်ဆိုတာကို မပြောနိုင်ဘဲ မျက်လုံးတွေ အနည်းငယ်နာနေပြီး နှာခေါင်းက စူးလာခဲ့သည်။ ကျိုးယွင်ရှန့်က အခြားသတင်းများကို လိုက်လံကြည့်နေလိုက်သည်။
ကျိုးရင်နဲ့ ဟူတုန်း တို့ဟာ သူမျှော်လင့်ထားတဲ့ ကားမတော်တဆမှုမှာ မသေခဲ့ဘူး။ သူ ထပ်ခါထပ်ခါပြောခဲ့သလိုပဲ ပြိုင်ကားတစ်စီးရဲ့ ဘေးကင်းလုံခြုံရေးလုပ်ဆောင်ချက်အပြင် ဟူတုန်း ရဲ့ Maybach ကားက ပိုင်ရှင်ရဲ့အသက်ကို အမြင့်ဆုံး ကာကွယ်နိုင်သည့်အပြင် ကျည်ဆန်ဒဏ်နဲ့ ပြင်းထန်သည့် ဝင်ဆောင့်မှုကို ခံနိုင်ပါတယ်။ လူနှစ်ဦးက ကားချင်းဆိုင် တိုက်မိပြီးနောက် တစ်ယောက်က ဘယ်ခြေထောက်တစ်ချောင်းနှင့် ကျန်တစ်ယောက်က ညာဘက်ခြေထောက်တစ်ချောင်းကို ဖြတ်လိုက်ရသည်။ ကျိုးယွင်ရှန့်က ခဏစဉ်းစားပြီး ဟူတုန်းက သူ့မိဘများကို သတ်ခဲ့သည့် ဗီဒီယိုဖိုင်ကို ထိုနိုင်ငံသို့ ပြန်ပို့လိုက်ရာ အဆိုပါ ကိစ္စမှာ ရှင်းသွားခဲ့ပြီဖြစ်သည်။ မော်တော်ယဉ်မောင်းစနစ်တွင် ကျန်ရှိနေသော autopilot စနစ်လည်း ပါဝင်သဖြင့် ကားကို မှုခင်းဆေးပညာဌာနကို အနှစ်တစ်ရာလောက်ထားရှိကာ စစ်ဆေးလည်း အထဲမှာ သူ ထည့်ထားတဲ့ ကွန်ပြူတာနဲ့ထိန်းချုပ်တဲ့ စနစ်ကို ဖော်လို့မရနိုင်ပဲ ဒီအရာက သာမန်ဖျော်ဖြေရေးအတွက် ထည့်ထားသည့်အရာလို့ပဲ ထင်လိမ့်မည်။
ယခုအခါ အဆိုပါအမှုတွင် ပါဝင်ပတ်သက်သူ အများအပြားကို ရဲတပ်ဖွဲ့က ဖမ်းဆီးထားပြီး ကွင်းဆက်အထောက်အထား အပြည့်အစုံကို အနှေးနှင့်အမြန်ဆိုသလို ရှာဖွေနိုင်ရန် အသံဖိုင်များရှိကြောင်း သိရသည်။ ရွှယ်လွှေ့ သည် လက်ရှိတွင် သူတို့ လုပ်ခဲ့သည့် လုပ်ရပ်ကို ခုခံကာကွယ်ရန်အတွက် ရှေ့နေများ ခေါ်ယူနေသော်လည်း လူသတ်ရန် လုပ်ဆောင်ခဲ့ပေမယ့် လူမသေသေးဘဲ လူသတ်ရန် ကြံစည်မှုဖြင့် အများဆုံး ထောင်ဒဏ် ၃ နှစ်မှ ငါးနှစ်အထိ ချမှတ်နိုင်ကြောင်း သိလိုက်ရသည်။ ထိုအပြစ်ဒဏ်ကို နှစ်နှစ်ကြာ ဆိုင်းငံ့ထားလို့ရသည့်အပြင် နာမည်ပျက်သွားခဲ့တာလွဲရင် မည့်သည့် ဒဏ်ငွေကိုမှ ပေးဆောင်စရာမလိုပေ။
သူ အရမ်းတွေးနေပေမယ့် ကံမကောင်းစွာပဲ သူက ရွှယ်ကျင်းရီ ရဲ့ အကြံဉာဏ်ကို လိုက်နာပြီး ဟွမ်ရီကို လုပ်ကြံဖို့ ဘိန်းဖြူနှစ်ကီလိုဂရမ်ကို ဝယ်ခဲ့ တယ်။ မူးယစ်ဆေးဝါး ရောင်းဝယ်ဖောက်ကားခြင်းသည် ရာဇဝတ်မှုတစ်ခုဖြစ်ပြီး ပမာဏ အလွန်ကြီးမားပါက တစ်သက်တစ်ကျွန်း သို့မဟုတ် သေဒဏ်အထိချမှတ်နိုင်သည်။
ကုမ္ပဏီ၏ အဓိက ရည်မှန်းချက်မှာ ပြဿနာကို ဖြေရှင်းချက်ပေးရန် ဖြစ်သည်။
တကယ်တော့ ရွှယ်ကျင်းရီ ဟာ သူတို့ အပေါ်ကို အမှား မလုပ်ခဲ့ပါဘူး၊ ရရှိထားတဲ့ အထောက်အထားတွေအရ ရွှယ်ကျင်းရီက တကယ်ပဲ သူမရဲ့ အမြွှာညီအကိုရဲ့ နှလုံးသားကို အရှင်လတ်လတ် ထုတ်ယူဖို့အတွက် လုပ်ကြံဖန်တီးရန် စီစဉ်ထားတဲ့ လူသတ်မှု ကို အသေးစိပ်ဖော်ပြခံခဲ့ပြီး၊ မရိုးသားတဲ့ လုပ်ရပ်အကုန် လုပ်ဆောင်ခဲ့သည်။
ရွှယ်ကျင်းရီက ဟွမ်ရီကို အမှုဆင်နိုင်ဖို့ သူမကိုယ်တိုင် ဝယ်ယူခဲ့သည့် ဘိန်းဖြူကြောင့် ပြင်းထန်သော သေဒဏ်နှင့် အပေါ့ပါးဆုံး ထောင်ဒဏ် 15 နှစ် ကျခံရမည့်အကြောင်း သိလိုက်သောအခါတွင် သူမ တစ်ကိုယ်လုံး တုန်လှုပ်သွားခဲ့သည်။
CCTV မှ သတင်းထောက်သည် တစ်ချိန်က ရွှေထီးဆောင်းပြီး ယခု သံတိုင်နောက်တွင်ရှိနေသည့် အနာဂါတ်ကြယ်ပွင့်အား တွေ့ဆုံမေးမြန်းခဲ့ရာတွင် သူမသည် အချုပ်ခန်းတံခါးကို လှုပ်ယမ်းကာ နာကျင်စွာငိုကြွေးလျက် သူမက မှားယွင်းခဲ့တယ်ဆိုတာ သိပါပြီဟု ပြောခဲ့သည်။
"အစ်ကိုကြီးကို ကျွန်မ တွေ့ချင်တယ်၊ ရှေ့နေလိုချင်တယ်၊ အစ်ကိုကြီးကို လာတွေ့ဖို့ ပြောပေးပြီး အကောင်းဆုံးရှေ့နေကို ခေါ်ပေးဖို့ ကူညီပေးကြပါ။ ဟွမ်ရီက အိမ်ကနေ ထွက်ပြေးသွားတယ်၊ သူ မသေသေးလို့ ဒါက ရာဇဝတ်မှုအမြောက်ပါဘူး မတွက်ဘူး။"
သူမလည်း စိတ်ထဲတွင် ယုံကြည်ထားသည့်အတိုင်း ပေါ့ပေါ့ပါးပါး ငြင်းခုံနေမိသည်။
CCTV သတင်းထောက်များသည် အင်တာဗျူး မဖြေမီတွင် သူမ၏ နှာရည်ယိုစိမ့်ထွက်နေသော အကျည်းတန်ပုံများကို ရိုက်ကူးနေစဉ် အနားတွင် မတ်တပ်ရပ်၍ စောင့်ကြည့်နေကြသော်လည်း ရှေ့နေအများအပြားသည် လက်ဆွဲအိတ်များ ကိုင်ဆောင်ကာ လေးနက်သည့်အမုူယာဖြင့် အမြန်ပြေးလာသည်ကို တွေ့လိုက်ရသည်။
ဒီလူတွေဟာ တရုတ်နိုင်ငံရဲ့ နာမည်ကြီးရှေ့နေတွေဖြစ်ပြီး အကြံပေးတိုင်ပင်ခက ဈေးကြီးတဲ့သူတွေဖြစ်သည်။ သူတို့က ကင်မရာကို မျက်လုံးစိထဲမထည့်ကြဘူးလို့ သတင်းထောက်က ပြောခဲ့တယ်။
"အန်ကယ်လီ၊ အန်ကယ် ဒီကိုရောက်နေပြီ၊ ကျွန်မရဲ့ အစ်ကိုကြီးက ကျွန်မကို ကာကွယ်ဖို့ အန်ကယ်ကို ကူညီခိုင်းပေးတာလား"
ရွှယ်ကျင်းရီသည် ရှေ့နေလီ၏ အင်္ကျီထောင့်ကို ဖမ်းရန် အကျဉ်းခန်းတံခါးကို ဖြတ်ကာ လက်ဆန့်ထုတ်ခဲ့သည်။ သူသည် ရွှယ်လွေ့၏ သူငယ်ချင်းဖြစ်ပြီး ရွှယ်မောင်နှမနှစ်ယောက်ကို ကြီးပြင်းလာသည်ကို မြင်ခဲ့သူဖြစ်ပြီး ထိုသို့သောအဖြစ်အပျက်မျိုးဖြစ်လာရန် မမျှော်လင့်ထားပေ။
သူသည် ရိုးရိုးရှင်းရှင်းနှင့် လူဖြောင့်ကြီး ဖြစ်သောကြောင့် ရွှယ်လွေ့ သည် ကုမ္ပဏီ၏ ဥပဒေရေးရာများကို ကိုင်တွယ်ရန် သူ့ကိုသာ တောင်းဆိုခဲ့ပြီး အချို့သော မကောင်းသည့်အလုပ်များကို အခြားရှေ့နေတစ်ဦးကို ကိုင်တွယ်စေခဲ့သဖြင့် ရွှယ်လွေ့လုပ်ခဲ့သည့်လုပ်ရပ်က သူ့ကို ဆွဲမချနိုင်ခဲ့ပေ။
ရိုးရိုးသားသား ပြောရလျှင် အခင်းဖြစ်ပွားသည့်နေ့တွင် သူသည် အလွန်စိတ်မကောင်းဖြစ်ကာ တုန်လှုပ်သွားခဲ့ရသည်။ သူငယ်ချင်းရွှယ်လွေ့က သူ့မွေးစားသမီးလေး၏ အသက်ကို ဆက်လက်ရှင်အောင်လုပ်ဖို့ အကြံမရှိတော့လို့ အပြစ်ကင်းစင်သော ဆယ်ကျော်သက်တစ်ဦးကို လုပ်ကြံဖို့ လုပ်ခဲ့မိတာ ဖြစ်မည်ဟု ထင်ခဲ့သည်။ ဒါပေမယ့် ရွှယ်ကျင်းရီ ရဲ့ ရက်စက်မှုပါပဲ။ အသံဖိုင်များကို နားထောင်ပြီးနောက် သူသည် ရင်ထဲကနေ အေးစက်သွားကာ ဟွမ်ရီ မည်ကဲ့သို့ ခံစားရသည်ကို သူ စိတ်ကူး မကြည့်နိုင်တော့ပေ။
သူသည် ရွှယ်ကျင်းရီ ၏လက် ဆန့်တန်းလာသည်ကိုမြင်တော့ ရွံ့ရှာနေသော မျက်နှာထားဖြင့် မသိစိတ်ဖြင့် ရှောင်လိုက်ပြီး လက်ဆွဲအိတ်ထဲမှ စာရွက်ကို ဆွဲထုတ်ကာပြောခဲ့သည်။
"ဒါက ရွှယ် မိသားစုနဲ့ မင်းမွေးစားတဲ့ ဆက်ဆံရေးကနေ ဖျက်သိမ်းလိုက်တဲ့ စာရွက်စာတမ်းပဲ၊ ရွှယ်လွေ့နဲ့ရွှယ်လီဒန်နီ က လက်မှတ်ထိုးပြီးသားပဲ။ အဲဒါ မင်းလည်း လက်မှတ်ထိုးဖို့လိုတယ်။"
သတင်းထောက်သည် ထိုအရာက တကယ့်အရေးကြီးသည့် သတင်းဖြစ်တယ်ဆိုတာ သိလို့ ထိုစာရွက်စာတမ်းကို ဓာတ်ပုံရိုက်ရန် ဓာတ်ပုံဆရာကို အဆောတလျင် တောင်းဆိုခဲ့သည်။ ဝေးကွာလှသည့် အင်္ဂလန်တွင်ရှိနေသည့် ကျိုးယွင်ရှန့် သည် စာရွက်စာတမ်းပါ အကြောင်းအရာများကို ရှင်းရှင်းလင်းလင်း ကြည့်ရှုနိုင်ခဲ့ပြီး အဲ့ဒါက အမှန်တကယ်ပင် မွေးစားခြင်းကို ဖျက်သိမ်းသည့် စာရွက်စာတမ်းတစ်ခုဖြစ်ပြီး ဒီထဲမှာ လက်မှတ်ရေးထိုးပြီးနောက် ရွှယ်ကျင်းရီ သည် ရွှယ် မိသားစုနှင့် ပတ်သတ်မှု မရှိနိုင်တော့ပေ။ ကုမ္ပဏီကလည်း ရွှယ်ဇီရွမ်က သူမအတွက် အကောင်းဆုံးရှေ့နေငှားပြီး အာမခံပေးစေမယ်ဆိုတာ အဖြစ်နိုင်တဲ့ အိပ်မက်တစ်ခုလိုပဲ ဆိုတာ သိနေသည်။
တစ်ချိန်က ရွှယ် မိသားစုရဲ့ မြင့်မားပြီး တန်ခိုးကြီးတဲ့ မင်းသမီးလေးဟာ ဒီနေ့ကစပြီး ဘာမှမဟုတ်တော့ဘူး။ ပထမဆုံးလုပ်ရမှာက အသစ်တစ်ခုရဖို့ပါ။
ဒါကိုမြင်တော့ ကျိုးယွင်ရန့် က သက်ပြင်းရှည်ကြီး မှုတ်ထုတ်လိုက်သည်။ villain system ကို မဖယ်ရှားဘူးဆိုရင် ဒီနေ့မှာ ရွှယ်ကျင်းရီ နှိပ်စက်ခံရသလို မနက်ဖြန် သူ့အလှည့်ရောက်လာနိုင်တယ်။ သူမကို ညှဉ်းပန်းနှိပ်စက်မှုကြောင့် သူက ထောင်ကျသွားနိုင်သည်၊ ဒါမှမဟုတ် သူက မတော်တဆမှု တစ်ခုနှင့် သေဆုံးသွားရပြီး သူ့နှလုံးကို ရွှယ်ကျင်းရီဆီကို တရားဝင် ပေးအပ်လိုက်ရနိုင်တယ်။ ဒါမှ သူမက ချစ်ရသူနှင့် ပေါင်းဖက်ပြီး ပျော်ရွှင်သောဘဝဖြင့် နေထိုင်သွားနိုင်မည်ဖြစ်သည်။
ဒါပေမယ့် ဘာအကြောင်းကြောင့်လဲ။ ရွှယ်ကျင်းရီရဲ့ဘဝ ပြည့်စုံစေဖို့ အတွက် သူ့အသက်ကို ဘာကြောင့် ပေးရမှာလဲ။ ကျိုးယွင်ရှန့်သည် မျက်ရိုးကို ပွတ်ရင်း ဖန်သားပြင်ပေါ်တွင် ကြေကွဲငိုကြွေးနေသော မိန်းကလေးငယ်ကို ဂရုမစိုက်ဘဲ စိုက်ကြည့်နေသည်။
ယခုအချိန်တွင် သူမသည် တောက်ပသော ရွှေရောင်ခန်းမ မရှိတော့ပေ၊ စာရွက်စာတမ်းအား မျက်ရည်ယိုစီးလျက် ဆွဲယန်ရန် ကြိုးစားခဲ့သော်လည်း ရှေ့နေက ရှောင်လိုက်သည့်အတွက် မြေပြင်ပေါ်တွင် လူးလိမ့်ကာ ငိုယိုကြွေးလျက် နှလုံးရှိရာ ရင်ဘတ်ကို လက်နှင့်ဖိပြီး နာကျင်မှုကို ရှောင်ရှားရန် နည်းလမ်းပေါင်းစုံကို အသုံးပြုခဲ့သည်။ စာရွက်စာတမ်းတွေနဲ့ မွေးစားမှုကို ပယ်ဖျက်ကြောင်းလုပ်ပေမယ့် နောက်ဆုံးတော့ သူမ ဆန္ဒအရ သူမကို ဆေးရုံပို့ဖို့ အမြန်ပို့ပေးရန် သတိပေးခဲ့ပြီး သတင်းထောက်က လူနာတင်ယာဉ်နောက်ကို ပြေးလိုက်ခဲ့ပေမဲ့ မအောင်မြင်ဘဲ ပြန်လာခဲ့ရတယ်။
ဗီဒီယို ပြီးဆုံးသွားတော့ ကျိုးယွင်ရှန့်က ကီးဘုတ်ကို ခေါက်လိုက်ပြီး ရွှယ်ကျင်းရီက ဘယ်ဆေးရုံကို သွားဖူးလဲ အမြန်ဆုံး သိလိုက်ရတယ်။ သူမ မသေသေးပေမယ့် သူမရဲ့ ပျော့ညံ့တဲ့ ခန္ဓာကိုယ်ကြောင့် စီရင်ချက်ချရင်တောင် တရားရုံးတင်စစ်ဆေးတာကို လက်မခံနိုင်ဘဲ ဆေးစစ်ခွင့် လွတ်ငြိမ်းခွင့်ရဖို့ ဆိုပေမယ့် အခုချိန်မှာတော့ သူမဟာ အိမ်ယာမဲ့ ဖြစ်နေတော့ ထောင်ထဲမှာရောက်နေတာထက်စာရင် တော်သေးတယ်လို့ပြောရမည်။
ထိုစာရွက်စာတမ်းကို သူမ လက်မှတ်ထိုးရန် ဆန္ဒမရှိခဲ့သော်လည်း ရွှယ်ဇီရွမ် သည် သူနှင့်သူမ၏ မောင်နှမ ဆက်ဆံရေးကို ဖျက်သိမ်းကြောင်း တစ်ဖက်သတ်ကြေငြာခဲ့ပြီး တရားစွဲရန်အတွက် တရားရုံးသို့ တိုင်ကြားခဲ့သည်။
သူမ၏ချစ်လှစွာသော မိဘများသည်ယခုအခါ သူမအား မုန်းတီးပြီးသူမကို လာကြည့်ရန် ချင်စိတ်ပင် မရှိတော့သလို သူမ၏အချစ်ဆုံး အစ်ကိုကြီးဖြစ်သူက သူမကို အချစ်တော့သည့်အပြင် ညီမအဖြစ်ပင် မလိုချင်တော့ပေ။
ရွှယ်ကျင်းရီက ဘယ်လို ခံစားနေရလဲ၊ သူမ နောင်တရနေသလား၊ နှလုံးရောဂါနဲ့ သေသွားမလား၊ဆိုတာကို ကျိုးယွင်ရှန့်က လုံးဝ ဂရုမစိုက်ပါဘူး။ မိမိကိုယ်မိမိ နာကျင်အောင်ကြိုးစားသူများသည် သနားစရာကောင်းပြီး လူပျော့ညံ့များသာ ဖြစ်သည်။ ကျိုးယွင်ရှန့်က အင်တာနက်ပေါ်က ရှာဖွေကြည့်ရှုနေခဲ့သည်။
သူ့ကွန်ပြူတာကို ပိတ်ရန် အဆင်သင့်ဖြစ်နေစဉ် ရွှယ်ဇီရွယ်၏အကောင့်ကို လူမသိအောင် follow ထားသည့် အကောင့်တစ်ခုကနေ အချက်ပြသံ ထွက်ပေါ်လာခဲ့သည်။ သူက အချက်လက်အားလုံးကို ပိတ်ထားပြီး ရွှယ်ဇီရွမ်နှင့် ပတ်သတ်သည့် သတင်းတက်လာရင် အချက်ပြဖို့ လုပ်ဆောင်ထားတာဖြစ်သည်။
ယခုအခါ ရွှယ်မိသားစု အတွင်းနှင့် ပြင်ပတွင် ပြဿနာများစွာ ရှုပ်နေပြီး ကျိုးယွင်ရှန့်၏ခံစားချက်က ရှုပ်ထွေးနေဆဲဖြစ်သည်။
စူးစမ်းချင်စိတ်ကြောင့် သူက ခလုတ်ကို နှိပ်လိုက်ရာ ထိုလူသည် စာကြောင်းတစ်ကြောင်းသာ ရေးသားပြီး ဒုတိယဗီဒီယိုကို တင်ထားကြောင်း တွေ့ရှိခဲ့သည်။
" ဘယ်လောက်ကြာနေပါစေ .....မင်း ပြန်လာဖို့ စောင့်နေပါတယ် "
ရိုးရှင်းသောစာကြောင်းတစ်ခုသာရေးသားထားပြီး တီတီတာတာ ချစ်စရာ အသုံးအနှုန်းများ ပါဝင်ခြင်း မရှိပေ။ ထိုစာသားအောက်တွင် ဗီဒီယိုဖိုင်ကို ပူးတွဲဖော်ပြထားသည်။ သွယ်လျဖြူဖွေးသည့် လက်တဖက်က သတ္တုကြက်ဥတစ်လုံးကို ညင်သာစွာ ပုတ်လိုက်စဉ် ကြက်ဥက လှုပ်ခါသွားပြီး အခွံက "ကလစ် " ဆိုသည့်အသံဖြင့် ခြေတိုလက်တိုလေးတွေ ထွက်လာပြီး ကြက်ဥလေးက ဒူးထောက်ပြီး ရယ်စရာကောင်းတဲ့ သတ္တုသံနဲ့ "ငါမှားသွားတယ် သခင်၊ ငါ့ကို ခွင့်လွှတ်ပါ။ အမှားလုပ်မိတာ ခွင့်လွှတ်ပါ သခင်" ဆိုသည့် စကားသံလေး ထွက်ပေါ်လာခဲ့သည်။
ဗီဒီယိုက ဆက်လက်ပွင့်နေပြီး ဗီလိန် system ၏ အမှားကို ဝန်ခံသည့်အသံက နားထဲမှာ ပြည့်လျှံနေစဉ် ကျိုးယွင်ရှန့်သည် ဖန်သားပြင်ကို အကြာကြီး စိုက်ကြည့်ကာ တိတ်ဆိတ်နေသည်။
ကမ္ဘာ့တစ်ဖက်ခြမ်းမှာတော့ ရွှယ်ဇီရွမ် က သူ့ရဲ့ Weibo ပေါ်တွင် ပို့စ်ကို ပြီးသွားခဲ့ပြီး ဖန်သားပြင်ကို စိုက်ကြည့်နေပါတယ်။ အရင်ဘဝက အတွေ့ကြုံနဲ့ သူ့ နားလည်မှုအရ ဆယ်ကျော်သက်ကောင်လေးက အင်တာနက်ပေါ် မွှေနောက်က သတင်းဖတ်ရှုရတာကို နှစ်သက်ကြောင်း၊ အီလက်ထရွန်နစ် ကုန်ပစ္စည်း အမျိုးမျိုးကို စုဆောင်းကာ သတင်း အမျိုးမျိုးကို စုဆောင်းကာ သေးငယ်သည့် ကွန်ပြူတာများကို အသုံးပြု၍ တိတ်တိတ်လေး ချောင်းကြည့်ရတာလည်း နှစ်သက်ကြောင်းကို သူ သိထားပြီးဖြစ်သည်။
ပျော်ရွှင်မှု ကင်းမဲ့သည့် ဘဝကနေ သာယာပျော်ရွှင်တဲ့ဘဝနဲ့ ကောင်လေးက နေထိုင်နိုင်ခဲ့လေပြီ။ အရင်ဘဝတုန်းက ကောင်လေးက ရွှယ်ရန်နှင့် အတူ ဘဝကို ဖြတ်သန်းခဲ့သည်။ ဒါကိုတွေးရင်း ရွှယ်ဇီရွမ် ၏ ရင်ထဲ နာကျင်စွာ ခံစားလိုက်ရပြန်သည်။ ရင်ဘတ်ကို အုပ်ကာ ရှိုက်ကြီးတငင် ငိုချလိုက်မိသည်။ တစ်ချိန်က ရွှယ်ရန် ကို သူ ဘယ်လောက်မုန်းတီးခဲ့ပေမယ့် အခုထိ ရွှယ်ရန်ရဲ့ နေရာကို မယူနိုင်ဘူးဆိုတာ သူ ဘယ်လိုမှ မသိခဲ့ဘူး။ သူက တစ်ချိန်တုန်းက ပျော်ရွှင်မှုနှင့် အလွန်နီးစပ်ခဲ့သည်ကို မသိနိုင်ဘဲ ထိုပျော်ရွှင်မှုကို ဆုပ်ကိုင်ထားနိုင်စေဖို့ ခြေတလှမ်းသာ လိုအပ်ခဲ့သည်။
အခု တစ်ချက်ကြည့်လေးနဲ့ အပြုံးလေးတပွင့်နဲ့ တုနှိုင်းမရအောင် သူ ချစ်ခဲ့ရတဲ့ ဆယ်ကျော်သက်ကောင်လေးကို ပျော်ရွှင်စေနိုင်မှာလား။ အကြောက်တရားဆိုတာ မရှိ၊ ပင်ပန်းနွမ်းနယ်မှု မရှိ၊ အစာကောင်းကောင်း စားဖို့ မရှိ၊ အနွေးထည်ကောင်းကောင်း မရှိလည်း သူရဲ့ ကောင်လေးပျော်ရွှင်နေမလား? သူက ချာတိတ်လေးအတွက် စိတ်ပူနေသည်၊ သူ့ဝိညာဉ်ကို နှစ်ခြမ်းခွဲလို့မလည်း မရနိုင်ဘူးလား။ သူ့စိတ်ဝိဉာဉ်တစ်ဝက်ကို ဆယ်ကျော်သက်လေးရဲ့ နှလုံးသားထဲမှာ ထည့်သွင့်ထားပြီး ကျန် စိတ်ဝိဉာဉ်တစ်ဝက်ကို သူ့ဆီမှာထားကာ နှစ်ယောက်အကြားကို ကြိုးဖြင့် ချည်ထားလိုက်ချင်တော့သည်။
*************-****************
