كرونيك: و_شاءت_الاقدار

47

🎶 الحلقة 47 🎶
-أحلام! !
حلت عينيها ... ضحكت و فرحت بجيتها. .. هزت روحها بالشوية و قعدت عالفرش
-وئام !! وقتاش جيت !!
-توحششششششتك حلومتي والله علخر (حملتها و تبكي )
-ههه حتى انا توحشتك برشا اما علاش البكاء. ..
-فرحانة الي انت لاباس ...
-ماتخافش و رأس اختى تو احسن . أي شعليك فيا انا تو شنوا جوك مع عمر و وقتاش جيت !!
-من وقت ما حكالي زيد الي صار.. جيت لتونس انا و عمر اما مانجمتش نجيك و نشوفك .. خاتر كنت حبلة والطبيب قلي موش باهي للصغير
-يااي كبرت ا فرخة و جبت صغار ... و شنوا جبت و شنوا سميت !!
-هههه عندي جواد (جاوبها عمر و هو داخل و وراه زيد )
-جواااد صحا ليكم و يتربى في عزكم نشاله نحب نجيب bébé حتى انا هههه
-كان ماجاش وضعك صعيب راك نج..... (وئام و سكتت كي شافت زيد يمنع فيها براسو عالكلام)
-أيا نمشيو نجيبو قهوة و نرجعو (زيد )
-وئام !!كمل شنوا كنت باش تقول !!
-شي أحلام. . راهي بش تحكيلك على جواد (زيد )
-زيد تنجم تمشي تجيب قهوة كان تحب ... و وئام قتلك كمل كلامك ...!!
-(غزرت لزيد متأسفة. .. تقلو بعينيها الله غالب مضطرة نقلها ) ماو ... ماو ... انت وقت كنت في غيبوبة ... حبلت ... و تلز الطبيب باش ينحيه خاتر ماتنجمش تقاوم و وضعك حرج ... (وئام)
-(هبطو دموعها و هي تسمع في كلام صاحبتها اما بعد مسحتهم و قوات روحها) احسن ... انا أساسا مانحب شي يفكرني بالحيوان و دوب مانخرج باش نطلق ...(احلام)
-لا كاك تهنا .... قام بالواجب و طلقك وحدو ... (زيد )
-الحمد لله .. (احلام)
-زيد إيجا نخرجو ... نقضيو حاجات ... حلومة توصي حاجة (عمر)
-أي عمروش إيجا (و عملتلو بيديها يعني ايجا و وشوشتلو ) و نحب زادا شكلااااااطة ههه برشا شكلاطة
-ههه حاضر للا أحلام. .. باي
رماتلو بوسة خرجو
-شنوا قتلو ياخي .!!
-نحب نشوف ريماس توحشتها قتلو يحكي مع الطبيب. .. خاتر فيبالي الصغار ممنوع يدخلو
-هاك عالقريب نشاله تخرج انت و تو تشبع منهم
-نشاله ... وئام عيش اختي خوذهم منها و خليهم عندك خير
-شكون! !
-أنغام خطيبة زيد !!
-خطيبتو (مسوغربة) و زيد وقتاش خطب
-نعرفش عليه .. المهم زيد و ريماس هزهم
-تي لا يا بنتي ... موش خاطب .. أنغام بنت خالو كهو .. منين جاك هالتخلويض .. كان خطب راو فيبالي .. كان موش هو قلي راهو عمر !! لا لا مستحيل
-على كل حال مايهمنيش فيه ... مشكلتي أولادي مايبقاوش معاها
-باهي باهي .. ماتعبش روحك