كرونيك: و_شاءت_الاقدار

38

🎶 الحلقة 38 🎶
داخلة للدار فرحانة عاملة جو و تغني ... مشات ديراكت للكوجينة و صبت كأس ما ... مازال ماوصلش لفمها طاح من يدها ... واقفة فمها محلول .... مصدومة ... موش مصدقة الي تشوف فيه قدامها ....
-ا... أسد! ! (نطقتها و هي تبلع في ريتها بالسيف ...)

قبل ما يجاوبها خلاتو واقف و خرجت مالكوجينة تجري ... .و ما فاقت كان بيه خلط عليها و شدها
-كالعادة يا أحلام. . انت اهرب و انا نجيبك
-سيبني أسد. .. سيبني يا هم ... يا صخطة
-(رماها عالكانابي و هبط فوقها .. شدلها يديها ورا ضهرها بيد و كبسلها على وجهها بيدو الأخرى ) و كيف مانسيبكش. ... ... (يغزرلها مالفوق لوطا) اما النيو لوك خرج عليك حبي .... قدامي انا تبدأ تغطي و تستر في روحك ... و قدام الشعب تعري و توري للا أحلام (صوتو علا و ولا يصيح) طرطور عند **** انا يعني ... ماكش عاملتلي حساب !!
-تي سيبني كسرة في يدك نشاله كلب واطي (فكت روحها منو و دزتو ) اخطاني. . قيلني يا مخلوق ... موش قتلي عيش حياتك انا خرجت منها ... موش قتلي ماعادش بش تشوف وجهي .. جاي علاش ..!! علاش ( تصيح ) حررتني من لعنتك و بعد ما لقيت روحي و كونت حياتي راجع باش تعاود تستعبدني. .. نسيت روحك كي قتلي انت حرة يا أحلام. . انا خارج من حياتك كيما خرج منها معاذ ... نسيت كيف قتلي عيش حياتك و تلها بريماس. .. راجع علاش !! داخل لحياتي مرة أخرى علاش !
-ههه و انت صدقت .!!! صدقت اني ممكن نتخلى عليك ... من قبل ما يخطبك معاذ و انا نحبك ... طلبت من امي و بابا يخطبوك ليا .. تعرف شنوا قالولي ... قالولي لا عيب .. أحلام هاكي اختك ... خطيبة خوه. . مايجيش الي تقول فيه (يخض فيها و يصيح ) شنوا الي مايجيش !!!شنوا قلي !! اني حبيتك مايجيش ... اني ندفع عمري على خاطرك مايجيش!! اني نعطي الي ورايا والي قدامي المهم نكون معاك !!هاذا الي مايجيش !! انا على خاطرك ..!!وليت مجرم !! تفهم شنوا معناها مجرم !!! ااااه يا أحلام كان تعرف انا شنوا عملت باش نكون معاك !! كرهت خويا الي من لحمي و دمي على خاطرو حبك !!لمجرد انو خمم ياخذك مني ... كرهبتو و نقمت عليه ... و رتحت منو كي مات ... انت تو ليا انا . ملكي وحدي
-لا يا سي أسد غالط في حساباتك .. و ياسر زادا ... انا مانيش ملكك و عمري مانكون ملكك موش كرسي باش تملكني. .. انا انسانة و ليا اختياراتي. ... و كي تكون آخر راجل في الدنيا عمري مانوافق عليك ...
-ههه وراس حلومتي غدوة الصباح تكون مرتي .... . نعرف كل شي صار في غيابي راو ... و نعرف الي انت تحب السيد زيد
-(جمدت في بلاصتها و تصدمت ) كيفاش عرفت !! و الله يا أسد جرب روحك ضرو بحاجة ...
-هههه حتى تسمع كلامي ساعة .... تو مانعملو شي
-تهدد فيا يعني !!
-اممم تحب تعتبرو تهديد اومورك ... انا نراها نصيحة ... أي حقا نسيت ماقتلكش ... بنتي تو في كندا تستنا في أمها و بوها ... نجيك غدوة الصباح .. باااي! !!
خرج و خلاها واقفة تخمم ريماس !! وقتاش وصلت لكندا. .. و كيفاش !! اووف هاكا علاش الروضة ماكملتهاش تروح بيها ... و هي من فرحتها بزيد نسات بنتها !!! شنوا باش تعمل تو !!!
حياتي كتاب عنوانه شخص بلا حظ !! فكلما اعتقدت أنني تخلصت من الآلام. ... يبتليني الله بما هو أشد. ... كلما ظننت أنني بلغت سعادتي ..... أدرك أن هذا ما يسمى الهدوء قبل العاصفة. ..
منذ نعومة اظافري لم احض إلا بالألم و المعاناة ... بالحزن و القهر ..
فمتى يا الله ستدخل السعادة و الفرح إلى قلبي !!! متى يا الله سأحضى بنصيبي من المتعة في هذه الحياة !!!!
رجوتك يا خالق ولا زلت أترجاك. .... بث في قلبي سكينة و طمأنينة قد حرمت منها !
رجوتك يا خالقي ولا زلت أترجاك. .. أنعم عليا بالراحة ... و اجعل حياتي كتابا دون عنوان
فهذا على الأقل. ... أفضل من أن أكون شخص بلا حظ
__________________________ صباح كامل يلوج عليها مافماش ريحتها ... لا في الفاك لا في دارها و لا في حتى بلاصة ممكن انو يلقاها فيها ... فص ملح و ذاب ... حتى وئام مالقاهاش .. ... فقد الأمل. ... متكي على كرهبتو شاد بوكي ورد ... سارح يخمم فيها وين ممكن تكون ... خايف عليها علخر .... تحطت يد على كتفو ... دار مربوث
-أحلام! !
يلقاها وئام ... تغزرلو دموعها على خدها ..... عينيها مليانة حسرة ... مليانة وجيعة و قهر سببها مجهول
-وئام !!أحلام وين .... مالصباح نلوج ... مفجوع عليها !!!
ماغير ما تتكلم حطتلو ورقة في يدو و مشات ....
قعد يغزرلها مرة .... و للفرقة مرة ... قلبو مقبوض. .. حاسس الي هالورقة مافيهاش خير حل يقرأ فيها ... مالصدمة بوكي الورد طاح من يدو 《حبيبي زيد ... انت أحلى حاجة صارتلي و ممكن أنها تصيرلي في حياتي ... ربي بعثة ليا باش تعيشني أيام تقعدلي ذكرى .... أيام يعوضوني عالهم و الحزن الي عشتو و الي باش نعيشو بعدك ... كنت نتمنى حبنا يوفا بعرس و صغار يملاو علينا حياتنا اما مكتوب . ... انساني زيد
انا انسانة انانية و نخمم كان في روحي ... اكرهني و احميني من حياتك .... انا تو مرا معرسة