كرونيك: و_شاءت_الاقدار

29

🎶 الحلقة 29 🎶
طريق كامل في الكرهبة ... مازالت حتى حرف تغزر مالشباك و تبكي بالساكتة و هو كل شويا يسرق نظرة منها ... حس الي هو كثرلها و ضغط عليها ... و قرر يهزها لأكثر بلاصة تحبها و ترتاح فيها
ماحستش بالثنية جملا ولا كيفاش تعدى الوقت فاقت من تخمامها على صوتو و المرة هاذي موش متغشش و متنرفز. .. موش يكفر و يعيط .. صوتو هادي حنين .. لدرجة أنها تبقى باهتة فيه هالإنسان كيفاش مخلوق ... مزدوج الشخصية متقلب المزاج ... و كل مرة بحاله
-أحلام وصلنا
دارت تلقى روحها في البحر ... المكان الوحيد الي ترتاح فيه و تفرغ فيه قلبها ...
سكتت مازالت شي ...
-عندي قضية فيسع و نجيك ... اقعد في الكرهبة . ماتمشي لحتى بلاصة
-عملتلو برأسها باهي
-تحب حاجة نجيبهالك
-عملتلو برأسها لا
... تستنا فيه ربع ساعة و لتو لا جا ... قلقت وحدها و ماتنجمش تصبر أنها تكون في البحر و رجليها ما يلامسوش رملو و ماه ... هبطت مالكرهبة و نحات صباتها. .. و تمشي عالرمل. .. تلعب بساقيها فرحانة و الدنيا موش سايعتها. .. تعشق حاجة اسمها بحر ... وقفت تتفرج في الموج .. بحر هايج و موجو يضرب في بعضو كيما حالتها و احاسيسها وقتها ... قلبها معبي و قريب يتفجر. .. سارحة تتأمل و موش فايقة بشي .. بطبيعته البحر فارغ تزيد ترتاح فيه وحدها ...
-قطوسة ... شبيك وحدك !! إيجا معانا نتونسو
-.........
-و حقارة زادا ... ميسالش نمشيو معاك في الخط ...
عدا يديه يلعب بشعرها ... وقتها فاقت على روحها و موش مستوعبة وضعها ... وين كانت !! و زوز رجال معاها يتحرش بيها !! سارحة !!لهدرجة ماكانتش في الواقع .. كانت عايشة في عالمها ...
-(هبطتلو يدو ) سيبني عيش خويا
-هههه خويا ... هيا معايا. . نبيتك عروسة (شدها من يدها هو و صاحبو و يكركرو فيها و هي تفك في روحها و تصيح)
و ماتفيق كان ببونيا طيحت الأول و خلط عليه الثاني ... جمدت في بلاصتها موش فاهمة شي ... أسد ركح في الزوز رجال بونيات و ضرب ... قتلهم أصل
-أسد سيبهم أمان. . فك عليك مالمشاكل
-..... يضرب فيهم و موش معبرها
-أسد عيشك هيا نمشيو سيبهم يزي (هبطتلو تجبد فيه )
-(دزها و دارلها عطاها كف ... و هو كف !! رهوجها أصل. .. راسها وجعها و لعبت عليها الدوخة ... عطاها كف بكل مافيه من قوة و جهد فرغ فيها غلو عليها ... يصيح و العصب ماكنو من ساسو لراسو ) انت سكر ** فمك حسابك هاو جاي و تو نوريك ... الا ما مانربيك ملول و جديد و نعلمك تسمع الكلام ...
دار للرجال يلقاهم هربوا. . و الناس تلمت تتفرج عالعركة
-شبي ***** تتفرجو على فيلم هنا .. أيا كل واحد يقلب منظرو لا نكمل على **** واحد واحد (دارلها و شدها من شعرها ) و انت شقتلك !!موش قلت ل**** استنا *** في الكرهبة و ماتهبطش. .. قتلك ولا. .. !اتكلم ... أنطق. . حل *** فمك
-عملتلو برأسها أي و تحاول تنحيلو يدو
-و *** شعملت .!!سمعت كلامي !! لا عملت الي في راسك ... باهي يا أحلام. .. باهي (كركرها للكرهبة و رماها فيها و طلع ) و الله كان مازلت نقلك حاجة و ماتعملهاش نقتلك .. تفهم شنوا نقتلك ... نباصي عليك عقاب عمري
حد مايمسك غيري ... حتى يد ط** ما تتحط عليك مادام انا مازلت حي انت متاعي. .. فاهمة ولا انت ليا انا برك ... مانمسك كان انا ... و الي يحاول يقربلك نقتلو ... و حكاية معاذ تو نتفاهمو فيها ....
تسمع و ساكتة ... تبكي كهو ... اصلا الكف الي كلاتو يكفي انو يسكتها .. مالقات القدرة باش تحل فمها و تتكلم .. موش حاسة الي عندها فم اصلا ......
......
هبطها قدام دارها و مشا