🎶 الحلقة 33 🎶
شهور تعداو و علاقة عمر و وئام تتدهور كيفكيف علاقة خليل و زينب بعد ما كونو كوبل. .. في المقابل زيد و احلام تعمقت علاقتهم و هوما كل يوم مع بعضهم يحاولون يلقاو حلول لأصحابهم ... تقربوا ياسر لبعضهم كل واحد فيهم عرف الآخر أكثر. .. شنوا يحب شنوا يكره طبيعته..... لكن في إطار ماسماوه هوما "صداقة" يكذبو على رواحهم كان قالو رانا أصحاب كهو ... ألي بيناتهم عمرو ماكان صحبة عادية. .. جمعتهم حاجة أقوى .... تولد بيناتهم حب ماعندوش حدود ... حد ماصارح الآخر اما كل شي واضح من تصرفاتهم .... من معاملتهم لبعضهم من نظراتهم لبعضهم ... من غيرتهم على بعضهم .. كي تشوفو يحكي مع غيرها نار و تلهب في قلبها تتمنى تقتلها و تشرب من دمها ... تقلها زيد متاعي وحدي و مانسمح لحتى لفعة تقربو ... اما بأي حق !!. ما بيناتهم شي كان صداقة و ااه من هالكلمة الي كبلتهم و قيدتهم! !! الزمتهم بحدود ممنوع يتجاوزوها! ! و هو كي يشوفها مع غيرو تمكنو رغبة انو يعطيها طريحة باش ماعاد تحكي مع حد ... يحبسها في قفص ... و يمنعها مالتحرر و الخروج حياتها الكل ... يتمنى يسكنها في قلبو و يسكر عليها .... هاذا الكل كان إحساس كهو ... حتى واحد فيهم ما نجم يقدم خطوة .. علاش !!كل واحد فيهم خايف لا الآخر يرفضو ... هي تقول راهو صبر عليا ياسر لين فد .. ماعادش حاشتو بيا .. و هو يقول صارحتك قبل و هي قتلي خليها على ربي ... يعني ماتحبنيش ...
الزوز قعدو يكابرو و يخبيو في مشاعرهم ... و هوما كل يوم يزيدو يقواو... مشاعر قوية ياسر جمعتهم .... في ظروف اصحابهم الخايبة. ... كل عركة بين اصحابهم مايسيبوهم إلا متصالحين ... زعما هوما يلقاو شكون يجمعهم ببعضهم .. !!! كاتبلهم ربي يكونو مع بعضهم !!!!ولا باش يقعدو عايشين كل واحد يستنا في الآخر يتكلم و يعمل الخطوة الأولى ولا خلاوها على ربي !!!!
-فديت انا برجولية عنا ياسر ماخرجناش. .. تلهينا في مشاكل وئام و عمر و نسينا رواحنا (مريم)
-مادامنا أصحاب لازم نعاونو بعضنا عزيزتي (احلام)
-أي اكيد اما لازمها نخرجو اليوم نبدلو الجو ... بما انهم تسامحو تو .... (مريم)
-أي وانت شنوا تقترح (احلام) ...
هوما يحكيو و جاو زيد و وئام و زينب و عمر و خليل
-هانا جينا فاش تحكيو (عمر)
-نشوفو في برنامج خرجة اليوم (احلام)
-أي والله حتى احنا عنا مدة على هبلة (وئام)
-وئام قررتو! ! (زينب)
-لا نستناو فيكم (احلام)
-انتوما البنات تفاهمو وئام احنا حاضرين (خليل)
سكتو شويا يخممو و بعد تكلمت زينب
-شقولكم. .. نمشيو نعملو طرح بلياردو و نسهرو في بار. .. شاهية نجربو والله
-ههه انا موافقك حبيبتي (خليل)
-انا مانعرفش نلعبها😦😧 (احلام)
-تي عادي على أساس انا نعرف ... انت تو يعلمك زيد و انا عمر يعلمني و زينب مادام فكرتها راهي تعرف (وئام )
-أي فكرة والله عادي نعلمو بعضنا .. انا تو نتلها بيك حلومة ماتخافش . في دقيقة نعلمك (زيد
-ااامم باهي . و انت مريم تعرف !!(احلام)
-أي تهنا عليا ... هيا تو كل واحد لدارو ... ساعة و نتقابلو في بلاصتنا و نمشيو (مريم)
أحلام سبقتهم و زيد وراها ... دار غمز الجماعة .. و كل واحد مشى على روحو
ESTÁS LEYENDO
كرونيك: و_شاءت_الاقدار
Fanficهاي بنات جبتلكم كرو كامله قصيره كرونيك فتوق بلحق حكاية عالمية بعنوان #وشاءت_الاقدار ابطالها #منقولة 🌻 زيد و احلام 🌻 ❌🔇😍👌 🎶 الحلقة 1 🎶 كانت تجري .... و تتلفت وراها ... هاربة منهم ... كان يشدوها حياتها تتدمر و تخسر كل شي ... تجري و موش هاممه...
