كرونيك: و_شاءت_الاقدار

26

🎶 الحلقة 26 🎶
لحمو موش تحلم ... قداش عندها ماشافتوش. .. شهور ... 3 ولا 4 شهور ... اصلا تراه مرتين ولا 3 في العام ... موش مصدقة الي هو قدامها ...
أصحابها الكل كيفها يغزرولو و موش عارفين شكون السيد الي قدامهم ... مرة يغزرولها ليها و مرة ليه .. كانو الزوز يثبتوا في بعضهم هو يتأمل فيها و يتبسم متوحشها. .. يستنا فيها تفيق من سرحتها و هي تغزرلو حاله فمها موش مصدقة الي هو قدامها ...
و فجأة تنطرت من بلاصتها. .
-معاذ !! (و مشاتلو تجري ترمات في حضنو و هو حملها و بقا يدور بيها )
زيد يغزرلهم و قلبو قاعد يموت ... حاصر دموعو بالسيف
قعد محملها و عايش اللحظة و هي كيفكيف نساو الي هوما موش وحدهم و معاهم ناس آخرين
من جهة أصحابها وئام ،عمر ؛مريم؛زينب؛خليل و من جهة زيد ... شكون زيد واحد من أصحابها ولا حاجة اخرى !! و من جهة ثالثة أسد 😨😨😨 أسد الي هو في الوقت هاكا بالحق أسد. .. متمني ينقض على معاذ يقتلو و يفكها منو ... يغزرلهم بنظرة الكلها شر .... حقد و كره . خبث و غيرة ...
-هاي يا قوم نحن هنا ... راعيو مشاعرنا بربي ههه (خليل)
وقتها فاقو على وضعهم و بعدو على بعضهم هي وجهها حمار بالحشمة و هو عدى يدو على شعرو كيما كل مرة يتوتر و يدخل بعضو فيها
-إيجا نعرفكم (جبدتو من يدو ناحيتهم ) هاذم خليل زيد عمر مريم و زينب اصحابي يقراو معايا ... يا جماعة معاذ خطيبي ...
-نتشرفو.
-و بيك اكثر ...
-لحظة ياجماعة و نرجعهالكم (شدها من يدها و مشا بيها للكوجينة )
-معاذ مايجيش هكا ... قعدو وحدهم .. عيب راو
-اسكت شويا أحلام ياسر تحكي !! (لصقها للحيط و حصرها بيديه) توحشتك Meri dil ki rani (ملكة قلبي ) توحشتك ياسر
-(حطت يديها على صدرو) حتى انا توحشتك... . ماعادش تبقا ياسر بعيد
-(هزلها يديها باسهملها و بعد حط جبينو على جبينها ) نشاله هاذي آخر مرة ... خدمة أكيدة و بعد نقعد معاك للأبد
-مانحبكش تبعد عليا ...
-تهنا معاك لين نموت ... نحبك (باسها من راسها )
سكتت مالقات ما تقول .. تقولو حتى انا نحبك!!و هي تكذب .. اكيد لا ما تعملهاش ....
-هيا نمشيو الجماعة قعدو وحدهم
قبل ما يخرجو تخبا ... زيد كان يشوف فيهم و سمع الي حكاووه الكل ... فرحان خاطر ماقتلوش نحبك و متقزز من فكرة انو مسها. .. اقل ما يقال عليه لحظتها انو متدمر. .. متحطم. .. . عمل روحو كان في التوالات و رجع قعد معاهم عادي كاينو ماصار شي ..
معاذ جا مع أسد باش يهزو ملازم ريماس باش تقعد عندهم ايامات ...
نظرات أسد ليها يخوفو. .. يهدد فيها بعينيه و يرعب فيها كاينو يحذر فيها ملي جاي و يقلها حظر روحك يستنا فيك عذاب ... وصلتهم للباب ... ودعتهم و رجعت لأصحابها ... وقفت بعيدة شويا عليهم و نادات لزيد ....
-زيد تنجم تجي دقيقة حاجتي بيك