كرونيك: و_شاءت_الاقدار

28

🎶 الحلقة 28 🎶
كملو الcours .. خارجين يحكيو و عاملين جو
-أحلام الشوفير جاك اليوم .. شوف (وئام ) (وئام وراها بسببها ناحية الكرهبة )
-هيا معايا نوصلك
-لا عيشك اعطيني كرهبتك نروح بيها
-باهي هاك ..إمشي لداري يأت معايا الليله و نشاله نروح بكري ...
-باهي ... ربي معاك
-أي باي يا جماعة ألكرهبة جاتني
.....
شقت الكياس وصلت للكرهبة حلت الباب و باش تركب
-عسلامة للا أحلام
-(مجرد أنها سمعت صوتو تفجعت و مكنها الرعب) صار هو انت .. وين الشوفير ولا معاذ ...!!
- اليوم مافماش شوبير و انا معاذ
-مانيش مروحة باي
سكرت الباب و دارت ماشية .. هبط يجري وراها كركرها من يدها ... ركزها عالكرهبة
-شبي *** راسك ولا ياسر كاسح اطلع تحرك
-موش طالعة. .. نحب نروح وحدي
-باش تطلع وحدك ولا نعطي ل*** كف نكسرلك بيه فمك الي تحكي بيه
-لا
-(ضرب الكرهبة بيدو فجعها) وراسك يا أحلام كان ما تطلعش. .. نطلعك انا بطريحة تقعد حياتك كاملة تتذكرها و نعملك فضيحة هنا في الفاك تقعدلك تاريخ ...
-..... (تبكي و مانجمتش تتكلم)
-نقص من جديد والديك البكاء. . مانحبكش تبكي (مسحلها دموعها) اطلع .. كلمة برك
خلاها واقفة و ركب... حلت الباب و ركبت منتالي ... هبطلها ينفخ و يكفر في ربي و يعاود هبطها و دزها ركبها من قدام و مشاو ...
و هاذا الكل و زيد كان يتفرج فيه كيفاش يتعامل فيها ... و بكاها. . كان باش يمشيلو يكسرلو يديه الي تهزت عليها ... اما كالعادة وئام خلطت عليه و منعتو
-زيد .. مايهمكش فيها .. حياتها ماتتدخلش فيها.. خاتر حتى و انت ماكش قاصد راك باش تعمللها مشاكل
-اما مشاكل متاعك ماكش تشوف فيه كيفاش يتصرف ... ياخي ماي مخطوبة .. هو شدخلو فيها ... كان خو خطيبها يعاملها هاكا مالا هو
-معاذ موش كيف أسد جملا ... و أسد يعمل في هاذا الكل خاتر. .. يحبها ...
-يحبها!! و هي خطيبة خوه !! هاو باهي
-المهم ماتتدخلش عيشك .. مهما صار حتى كي تراه ضربها و لا حتى حتى قتلها ... اعمل روحك ماريت شي . انت ماتعرف شي .. انا نعرف .. لذا خليك بعيد ... و ننصحك أنساها مادام أسد في حياتها موش باش يسيبها حتى لمعاذ ...
كملت كلامها و خلاتو و مشات ... قعد يخمم فلي كانت تحكي فيه ... انسان مريض هالأسد. .. مضطرب نفسي و لازمو يداوي روحو ...
حاير موش عارف شنوا يعمل ... يحب يعاونها اما كاك يضرها و لازمو ينساها اما ماينجمش
شنوا باش يعمل !! مايعرفش!!!