كرونيك: و_شاءت_الاقدار

13

🎶 الحلقة 13 🎶
قامت الصباح بالسيف .. الوجه اصفر شاحب عينيها حمر مالبكا حظرت روحها و ريماس ... هزتها للروضة و تعدات هي هي للفاك. ... و زيد كيفكيف قام راسو باش يطرشق بالوجيعة. .. ركح روحو و شرب دوا ... جات على بالو أحلام حل الفايسبوك و بعثلها invit معمل لازمو يحكي معاها و يفهم حكايتها. .. لازمو يفهم ولا يهبل ...
تقابلو في الفاك كالعادة كاينو ماصار شي ... قعدو مع بعضهم ضحك و جو ...و وقت المرواح كل واحد مشى على روحو ... وئام روح بيها خوها و الباقي كل واحد و كرهبتو .. مشات أحلام للباركينغ و ركبت في كرهبتها ... خدمتها ... ماحبتش... مرة و 2 و 3
-ااااوف يا ربي ناقصة انا تو ...
هبطت مالكرهبة تتكلم في التاليفون
--------------------
-الو .... تجي تروح بيا
-.........
-الكرهبة حبست en pane !!
-.......
- ماتنجمش تجي تروح بيا !!
-.......
-ما تبعثلي حد قتلك ليك انت انا
-....
-خدمة !! ديما خدمة خدمة باهي اتلها بخدمتك مالا و انا نشاله حتى نبات في الشارع
-......
-و انا قتلك ما تبعثلي حد (بدأت تصيح و تعلي في صوتها بعد الي كانت هادية) قتلك نحبك انت تروح بيا ... اما انت لاهي بالخدمة. ... خدمة خدمة خدمة ... 😢😢 أهم مني خدمتك
-.....
-علاش تعمل معايا هكا علاش😢😢😢😢 موش حاسبني موجودة في حياتك جملا .... ماعنديش أهمية كيفي كيف أي حاجة ملكك ... ظمنتها ليك .. سايي رميتها في تركينة ... تستعملها وقت يجي لبالك. ..
أمنيتي تعطيني قيمتي كيف الناس الكل ... اهتم بيا ... حسسني الي انا موجودة في حياتك ... و الي انا مهمة بالنسبة ليك
-......
- نعرفك تحبني !! هههه أي نعرفك تحبني 😢😢😢 اما انا ماحاشتيش بالحب .... اكرهني ... عادي ... اما اهتم بيا .... اعتبرني جزء من حياتك ... كان علاقتك بيا مقلقتك سيبني ... حررني خليني نعيش حياتي و انت عيش حياتك .. ماتخلينيش مربوطة بإنسان مانعنيلو شي ... يتفكرني كان ... ههه بالله قلي وقتاش آخر مرة تفكرتني خاطر انا نسيت ....ااه أي أي تفكرت آخر مرة تقابلنا عندها شهر ... وقت مرضت ريماس ... تعرفها شكون ريماس ولا نسيتها !!
-.......
-ههه مانسكتش مانسكتش نحب نتكلم يا معاذ نحب نفرغ قلبي ... تعبت ... باهي إنساني انا ... ريماس ... علاش شهر كامل ما طليتش عليها علاش ... ديما تسأل فيا عليك ... و انا كل مرة بكذبة. ... انا يتيمة و نعرف شمعناها واحد ماعندوش بو نعرف شنوا يحس ... و مانحبش بنتي تجربو الشعور و تموت بيه كيفي نحبها تحس بوجودك في حياتها ... تبوسها تلعب معاها تهزها للروضة تخرجها.... هي كهو ... انا نتحمل موش مشكل ... اما هي لا .. عيشك معاذ ... امان ... حسسها انك تحبها .. حسسها انك بوها بالحق .... امان ... و انا موش لازم لا تجيني و لا تبعثلي حد و ما تعملي شي
كملت كلامها ... و هي تبكي بالشهقة. .. ماستناتوش يجاوبها و علقت عليه ....
كان متخبي ورا كرهبتو و سمع كلامها الكل ... قلبو يبكي عليها .... موجوع لوجيعتها .... شكون هاذا معاذ الي عامل فيها هاذا الكل ... يوصل يبكيها ... يغزرلها كيفاش تبكي .... و يتمنى يمشي يمسحلها دموعها ... يواسيها و ينسيها همها و احزانها. ....
-أحلام! !
كانت تبكي دوب ماسمعتو يناديلها تفجعت ... مسحت دموعها فيسع و دارتلو
-ز..... زيد .... شتعمل هنا ... و من وقتاش !!
-شبيك تبكي !!
-ااه لا شي ... موش نبكي
-ماتكذبش !! ضاهره تبكي !قلي شبيك .. (قدملها و وقف قدامها )
-ااه ماو ... ماو (طبست راسها و قعدت توكوك) شا... شاروخان ... باش يمثل فيلم جديد مع كاترينا ... و انا مانحبهاش
-صااار هاذي الحكاية هههه مهبولة زايد (سايرها في الحكاية و هو عارف الي هي تكذب ... ماحبش يشد فيها صحيح و يحرجها ) أيا مروحة !!
-أي. . هاني مروحة ... (حلت باب الكرهبة و جبدت ساكها و عاودت سكرتها) أي باي
-استنا نوصلك !
-لا عيشك ... نحب نروح على رجليا
-باهي ... نمشي معاك على رجلينا. ..
-باهي ....
و مشاو ...ساكتين حتى واحد ما نطق حرف لين قص عليهم سكوتهم تاليفونها .... شافت شكون ... علقت و رجعتو الساك
-شكون كلمك (سألها ماغير مايشعر )
-(غزرتلو مستغربة من سؤالو ) وئام
عمل روحو صدقها و كملو ثنيتهم .... عاود تاليفونها نوقز .... شافت شكون .. علقت و سكرتو
يمشيو ساكتين و هو مرة مرة يغزرلها بالسرقة يلقاها تبكي ... مايحبش يسألها باش مايزيدش عليها .... لين وصلو بعيد شويا عالدار
-عيشك زيد
-ماغير مزية
-باي
-باي
قعد يعس عليها لين دخلت و سكرت الباب .. وقتها مشا و يا ريتو ما مشا ... يا ريتو قعد معاها ....
و هي دخلت و يا ريتها مادخلت الحيوان المريض يستنا فيها