كرونيك: و_شاءت_الاقدار

37

🎶 الحلقة 37 🎶
ملمومين الشلة الكل في بلاصتهم كالعادة ... تفدليك و ضحك و جو و ساعات ضربات حب و رومنسيه ... و المطر بدأت تنكت بالشويا ...
-يااا مطر مطر يا وئام ... جو جو ... (احلام)
-هههه أيا برا كالعادة ... اهبل (وئام)
-أي محسوب نستنا فيك ... (و قامت نحات الفاست متاعها) هاني ماشية (طلعتلها لسانها )
-إيجا هنا وين عندك ماشية (زيد)
-هنا .. هنا ... فقط ساغمض عيني و استمتع بقطرات المطر... و لن يمنعني شي لذا افلتني يا حبيبي ههههه
وقفت تحت المطر حلت يديها ... هزت راسها للسما. .. مستمتعة بكل قطرة تلمس وجهها .. فرحانة ... سعادتها المطر ... و احسن طقس تحبو هو الطقس الممطر تعشقو. . قعدت تدور و تنقز تحت المطر و الضحكة مزينتلها وجهها ... ماهمهاش حتى شي لحظتها ... النشوة الي تحسها و هي تحت المطر تنسيها في روحها أصل. .. شي ماعندو قيمة وقتها موش مستعدة تحرم روحها من هالمتعة الي بفلوس الدنيا ماتتشراش ... ماهمهاش في أصحابها الي شاخو عليها ضحك و استغربو تصرفها في نفس الوقت .... ماهمهاش احتمال أنها تمرض بعدها و يصير فيها ... ....
قعدت واقفة و يديها محلولة .. مغمضة عينيها عايشه في أحلامها الوردية الي احتمال تحققها 0.001% ... تتخيل في روحها معاه تحت المطر ... محملها و يدور بيها ... يطيرو مع بعضهم في بوسة ملحمية.... اما هي وين و هو وين .... هي كان تشوفو من بعيد ممكن مالفرحة قلبها يوقف و تموت ... خلي عاد يحملها و يبوسها ههه أهم أحلامها أنها تعيش معاه لحظة و لو حتى مدتها ثواني ... المهم تمسو تتحسس وجودو ....
تي في شكون تخمم هالطفلة! !اكيد موش زيد !!
جاها منتالي دور يديه على حزامها و جبدها ليه .. حط وجهو في رقبتها و باسها
-حبيبتي تو تمرض كان تزيد تقعد هكا !!(زيد)
-(وقتها حلت عينيها )شاروخان!! (حطت يدها تعدي فيها على لحيتو ماغير ماتلفتتلو)
-زيد للا أحلام. .. تفسد في اللحظات الرومنسية و تدخل في شاروخان بيناتنا
-ههه زيدوني سامحني ... كنت نخمم فيه
-و انا ماتخممش فيا ... اسمع من تو لازم نتفاهمو فيها حكاية سي خان هاذا ... بديت نكرهو و نغير منو راو !
-(دارتلو و حطت يديها ورا رقبتو) ههه تو هكا زيد تغير من ممثل ... تي هو في الهند ... بعيد عليا ياسر ... هو نحبو كممثل .. اما انت لا ... انت حبيبي و راجلي و بو صغاري و عمري و روحي و حياتي و كل شي ... المطر تفكرني فيه كهو ... أيا عاد زيدونتي أكا الضحكة العسل نحب نشوفها ....
-(يكركر فيها وراها) مادام المطر تفكرك فيه ماعادش فيها قعاد تو .. أيا حالا نروح بيك ..
-هههه حاضر مغياري المزيان. ..
وقف بيها قدام دارها .. خذا بوسة العادة و خلاها و مشا ...
موش عارف الي هو في الوقت هاكا رماها في النار ... علاش خلاها وحدها !!علاش مابقاش معاها !!! رماها للأسد و مشى !! أسد محظر روحو الفريسة متاعو و يستنا فيها !! أسد مستعد ينقض على الفريسة .. يستنا فيها تقرب برك ..!أسد! !! انسان كيانو حيواني !!! حيوان في هيئة انسان!! مزيج!! طيب !!أناني! !همجي متوحش!! حنين !! ... المهم أسد !!!
ليتك كنت معي .. ليتك كنت معي نواجه الصعاب سويا .. نتغلب عليها بقوة حبنا ... قوة حبنا التي مهما تعرضت لعواصف لا يدمرها شيء .. ليتنا نستطيع أن نكتب اقدارنا! !هل نحن من نشاء أم شاءت الأقدار! !!