كرونيك: و_شاءت_الاقدار

41

🎶 الحلقة 41 🎶
حظر طاولة الفطور و طالع لبيتها باش يفيقها ياكلو مع بعضهم ... استانس تكون موجودة معاه عالطاولة ماينجمش ياكل وحدو ... تو عندو 3 سنين عايش معاها في دارها بعد ما بوه طردو و حرموا من كل شي ... أنغام هي الي وقفت معاه ... عاونتو. .. عطاتو بلاصة في حياتها و في دارها ... حطتو من ضمن أولوياتها. ... حنان الأم الي يسمع بيه سمع حسو معاها .... تعامل فيه على انو ولدها ... رغم أنها أصغر منو ... بنت خالو ههه لقا بنت خالو و بوه لا ... حتى مرة ماحاول يسأل عليه حتى مرة م قال عندي طفل نعرف اخبارو ولا هاذا الي كان يضنو زيد ... هي الي تساند فيه من 5 سنين توجه.... تنصح.... تتلها. .. و زادت لهوتها بيه ال5 أيام الي فاتوا. . مقابلته لأحلام زادت فرعستلو كيانو و خربت خدمة سنين ...
أول ما طلع درجتين وقفو صوت دقان الباب ...رجع حلو و وقف صنبة في بلاصتو ... كل مايقول بدأ يرتاح و جروحو تبرأ تعاود تجي أحلام و بكل بساطة تحل الغرز الكل و تبربش الجرح و تزيد تحفر و تعمق فيه اكثر
-صباح الخير (قالت أحلام و على وجهها تبسيمة صفرا )
-صباح الخير (خرجت من فمو بالسيف ماغير مايتحرك )
-(قعدت تغزرلو مكتفة يديها و بعد تبسمت بتمقعير ) ناوي تدخلني ولا مطولين في هالوضع ...
بعد من قدام الباب ماغير ما يتكلم و هي دخلت تدور بعينيها و تقلب في الدار ....
-اما مزيانة دارك ... ذوقك حلو ... (دارتلو) ااه لاا سامحني حلوة دار خطيبتك (نطقتها الكلمة بغزول ) ذوقها عالي ...
-(واقف بعيد عليها مكتف يديه) و انت منين عرفتها الدار من اصل! !
-ااوووه زيد ! عيب عليك !!تو هاذا سؤال ... تراه اغزر و ثبت فيا (دارت قدامو ) عندك شك في قدراتي! !ههه ماو كلمة منا و بوسة من غادي نقضي شوري !! و هاك تشوف عرفتك وين تسكن .. و نعرف عليك كل شي .. من نهار 13/2/2012 !! تتفكرو ماو !!النهار الي خليتك فيه و مشيت !!اكيد قعدلك تاريخ يا حبيبي زيدون ...
-شنوة تحب انت تو أحلام (تكلم بهدوء عكس البركان الي شاعل داخلو ) علاش جيت !!
-توحشتك ! (عينيها دمعت )
-ههه توحشتني.. بعد 5 سنين جاية تقلي توحشتك ... يا للا لا يوريك مايوحشك يعيشك و بارك الله فيك .. كي تنازلت و تفكرتني ..
-على كل حال ... جيت باش نقلك هالكلمة و نمشي على روحي ... ( تعدات من جنبو رجعها ... كبسلها على يدها بقوة ... الهدوء الي كان يتظاهر بيه تحول و صوتو الهادي ولا صياح)
-موش على كيفك يا أحلام. .. لا ... عملتها قبل و مشيت ماغير ماتفهمني شي ورحمة امي اليوم ماك خارجة من هنا إلا ما تفهمني ... علاش عملت فيا كاك علااااش !!!؟؟ (ضرب يدو عالطاولة ) ليلة كاملة ساهر ... فرحان ...طاير... زاهي نحظرلك في مفاجأة ياخي لقيتك انت سبقتني هههه و محلاها مفاجأة ... تعرف وقتها ليلة كاملة من بلاصة لبلاصة. .. ... (خلاها واقفة مذهولة منو دخل لبيت و رجع) قتلك مانيش شاعر ههه و على خاطرك كتبت قصيدة (رمالها ورقة على وجهها ) اقرأ. .. و شوف ... كلام ماتصورتش روحي اني نجم نقولو (ماخلالهاش الفرصة تقرأ ) شوف الورد هاذا ... شوفو كيفاش ذابل. .. كي حالي ... شريتهولك نهارتها ... نعرفك تحب الجوري ... (و زاد رماهولها على وجهها) و هاذا (مد صندوق صغير و حلو فيه خاتم ) أنسى الشعر و الورد ... الخاتم هاذا كنت باش نلبسهولك... كنت باش نطلب منك تكون مرتي و شريكة حياتي .. و انت شعملت بدلتني و عرست بواحد اخر ... خسرت عليا ورقة كتبتلي فيها سامحني ... على شنوا باش نسامحك ... اااه قلي على شنوا ...!! سؤال برك نحب جواب عليه علاش عملت هكا !! جاوبني علاش كنت انانية و ماخممتش فيا !!
-انا و حياتي و مشاعري و أحاسيسي مايعنيولي شي ... ندفنهم. .أمانة جواد عندي كل شي .. ريماس ... بنتي .. فكرة أنها تبعد عليا و نتحرم منها ممنوع اني نفكر فيها ... ننسى كل شي .. نضحي بروحي و سعادتي و حياتي ... حتى انت يا زيد نضحي بيك... عرفت تو علاش عملت كاك ... هددني يفكهالي... déjà هو نهارتها بعثها لكندا ... كان ممكن اني ماعادش نشوفها حياتي كل ... كان بقيت راني تحرمت من بنتي ... ماكانش عندي خيار آخر. .. و نعاود نقلك سامحني
-موش ساهلة نسامحك يا أحلام موش كلمة تتقال كهو ... ماتعرفش قلبي شنوا حاسس ... ماتعرفش قداش متعذب. .. !! تعرف !! اكيد لا !!
-و انت عندك فكرة كيفاش عديتهم ال5 سنين !!! اكيد لا !! جربتو إحساس انك تعيش مع انسان هو الي كان سبب في عذابك و معاناتك! ! هو الي كان سبب في حرمانك من عايلتك !!! ااه !!! تنجم تعيش معايا نهار و انت تعرف الي انا قتلتلك امك !!بوك !!خوك! !! أي حد من عايلتك عزيز عليك !!! اكيد ماتنجمش !! انا على خاطر ريماس تحملت نعيش مع أسد السنين هاذي الكل ... مع الإنسان إلي حرم بنت اختو من بوها و حرمني انا من خويا !!
-(عينيه وساعت مالخبر الي سمعو )
-ماتستغرش ياسر ههه أي أسد هو الي قتل جواد ... لعبلو بالكرهبة و مات على أساس اكسيديدون. .. تعرفش علاش!! على خاتر جواد يكرهو و ديما ينبه فيه يبعد عليا ...