🎶 الحلقة 44 🎶
-ا... أسد. .. (هبطت دمعة من عينيها ماغير ماحست ) (دارت لزيد تلقاه يقحر لأسد. .. و عاودت تلفتت لأسد تلقاه كيفكيف ) قعدت واقفة في وصتهم ... تستنا في الي باش يصير ... تو اللحظة الحاسمة ... لحظة المواجهة ... الكارثة ... العاصفة ماعرفتش شنوا تسميها ... الحاجة الوحيدة الي تعرفها انو هاذي النهاية
-أهلا أهلا أهلا (قلها أسد و هو يسكر في الباب بالقفل ) شرفنا و نورنا السيد زيد ... زارتنا البركة ..
-اسد (احلام) (قبل ماتكمل كلامها يجيها كف طيحها في القاعة )
-سكر فمك انت !!!صوتك مانسمعوش (اسد يصيح )
-كلب **** توري في رجوليتك عليها (قص عليه زيد و عطاه بونية لين خرج الدم من خشمو ..)
-زيد أمان ماتتدخلش بيني انا و راجلي ... برا امشي روح (احلام و هي تقوم مالقاعة)
-(دارلو يمسح في خشمو ... ) كان لزم نقتلها .. مرتي نعمل فيها الي نحب (رجعلو البونية ما أقوى )
-زيد !! (صاحت مفجوعة و مشاتلو تشوف فيه )
-لاباس أحلام ماتخافش ...(زيد)
-(دارت لأسد تلقاه جاي باش يكملوا يتعاركو .. مشاتلو ترمات عليه حملتو باش ماعادش ينجم يضربو ) أسد. .. امان نرجعو لكندا ... و زيد خليه يمشي. .. عيشك .. نعمل الي تحب عليه والله الي تقلي عليه نعملو
دموعها الي هبطو على كتفو قشعرولو بدنو 5 سنين حتى مرة ماشافها تبكي رغم الي عملو فيها الكل و تو دموعها شلال خاتر حبيبها تضرب .... شدها من شعرها بعدها عليه ...
- ايجا نخرجو نحكيو وحدنا شويا (اسد)
صدقتو و مشات قامو للباب ... هي حطت يدها عالكوبة باش تحلو و سمعت صوت .. خلاها تشهق و دارت مفجوعة ... أسد ضرب زيد برصاصتين
-زييييييييد (صاحت بأعلى صوت و مشاتلو تجري )
شدها أسد ما خلاهاش تتحرك ... ترا في زيد مرمي عالقاعة شادد جرحتو يديه الكلها دم
-سيبني أسد أمان خليني نمشيلو (تبكي و تترجا فيه )...
سيبلها يدها .... قبل ما توصلو وقفت ... نار دخلت بين ضلوعها قسمتهم ... دارتلو و في عينيها خيبة أمل فيه ... ماتصورتش انو يعملها ... كان واقف و موجهلها السلاح و عينيه تقدح نار
-أسد. .. (أسمو خرج من حلقها بالسيف صوت موجوع .. مصدوم )
و زاد صدمها كي سمعت حس رصاصة أخرى. .. هاجمتها. .. اخترقتها. ... و قربتلها نهايتها .... تسندت عالكرسي الي بجنبها و طاحت هي وياه
-أحلام. .. يا روحي لاباس ... !!! جاوبني !!! (زيد)
-هاي روحك و روحها باش يتلاقاو (اسد و هو يعفسلو على الضربة )
و على غفلة دار و شدلها يدها الي كانت فيها سكينة باش تدغرو بيها ... و غرسها فيها و دزها طاحت عالقاعة
-تو هكا أحلام. . تحب تقتل راجلك ... هاك باش تموت انت و حبيب القلب و تعيشو مع بعضكم في الجنة عاد .. شنوا تحب أكثر من هكا ...
-أحلام. ... (يحبو عالقاعة يحب يوصللها و شادد جرحو مالوجيعة الي يحس فيها ) تسمع فيا أحلام جاوبني عيشك !!! (زيد)
-(قعد يغزرلهم كيفاش يحبو يقربو من بعضهم )بوهالي انا عندك يا أحلام. .. ترا فيا بوهالي باش تلفني و تقلي خايفة ملي باش يصير بيناتنا الليلة ... !! ااه !!جايتني وجهك مقلوب و ترعش .. حتى من نبرة صوتك متبدلة ... جايبتو لداري ... يا واطية يا **** طلعت أذكى منك انا ... تحب تعرف كيفاش فقت بيك !! أولا تصرفاتك. غريبة ... مستانسة انت تقلي رد بالك على روحك ولا تخليني نقربلك !!! المرة هاذي تخمم جملا ... و ثانيا ... فما ريحة برفان رجال موش متاعي .. و ثالثا و الي زاد اكدلي شكوكي الكاميرا ... (و وجه صبعو لبلاصة الكاميرا) تفقدتها و ريتك معاه (سكت شويا و بعد قام مشالهم و بدأوا يكركر في أحلام )
-سيبها يا حيوان .. وين هاززها (زيد و هو يحاول يقوم يفكها منو اما مانجمش )
- أمم حاشتي بمرتي. . ميسالش ماو .. عندي عليها حقوق و باش ناخذهم
-يا كلب ... والله كان ماغدرتنيش راني وريتك الرجال شتعمل ...
-انت ظاهر فيك باش تعبني (ضربو بالفرد على راسو داخ ) هاذي باش تتعلم تتدخل بين راجل و مرتو ...
هزها عمل فيها الي حب و هي موش منجمة تتحرك أصل. .. و بعد رجع رماها جنب زيد ... ألي مازال دايخ ... .. صباح عليهم الماء و قلهم
تو نخليكم اشبعو ببعضكم في آخر لحظاتكم... استمتعوا. ..
و خلاهم و خرج ..
-أحلام. .. قوي روحك عيش حبيبتي ... (حطلها راسها على ساقيه ) على خاطري و خاطر بنتنا ... لازمك تكون قوية ...
-(هزت يدها و حطتها على خدو ) ا .. انا ... باش ..ن...ن.... نمو...ت. . كهو هنا ... سام...حني زيد
يدها سيبت خدو و عينيها تغمضو. ... و وفا كل شي ... لحظتها ......
أنت تقرأ
كرونيك: و_شاءت_الاقدار
Fanfictionهاي بنات جبتلكم كرو كامله قصيره كرونيك فتوق بلحق حكاية عالمية بعنوان #وشاءت_الاقدار ابطالها #منقولة 🌻 زيد و احلام 🌻 ❌🔇😍👌 🎶 الحلقة 1 🎶 كانت تجري .... و تتلفت وراها ... هاربة منهم ... كان يشدوها حياتها تتدمر و تخسر كل شي ... تجري و موش هاممه...
