🎶 الحلقة 36 🎶
-صحا ليك والله صحا ليك
-ههه أي صحا ليا عندي راجل عسل كيفك
عداو نهار هبال أسعد نهار عاشتو في حياتها ... زعما تدوم الفرحة ولا تتحول حزن و معاناة !! زعما ربي كاتبلهم يكونو لبعضهم ولا باش يفرقهم! !الظروف تكون معاهم ولا ضدهم
أكثر من شهرين و هوما عايشين حياتهم بالطول و العرض ... كل يوم حب و تمعشيق. .. خرجات و دلال و احلى جو و احلى عيشة ولا واحد فيهم عارف شنوا يستنا فيه .. اصلا شكون ينجم يعرف قضاء الله و قدره !! حتى حد ... و كيما يقولوها المكتوب عالجبين لازم تشوفو العين ... و زيد و احلام! !! مكتوبلهم الحزن ولا السعادة ولا مزيج منهم الاثنين !! و الله أعلم
_________________________________________
-يا بنتي وين هازتني. .. !!
-تي اسكت لحظة زيد (وقفت و دارتلو بعد الي كانت تكركر فيه وراها ) باش نمشيو لبلاصتنا فيسع و نرجعو ... تبعني و اسكت
-حاضر للا هاني سكت ...
كملو مشاو لين وصلو ... حطتلو ورقة في يدو ...
-الورقة هاذي أقرأها
هي ما كملتش كلامها و هو حلها .. مازال ما قرأ شي فكتهالو
-موش تو ... كي نمشي أقرأها. .. و تو غمض عينيك
-يا بنتي شفما ياخي !!!
-غمض عينيك و اسكت ... و أمان ماتحلهمش جملا كان كي نقلك
غمض عينيه و هي زادت حطت يدها فوقهم. .. خايفة لا يجبد بيها و يحلهم. ... قربتلو علخر و طلعت على اطرف ساقيها ... قربت بوجهها لوجهو لين تخلطت انفاسهم. .. ترددت شويا و بعد حطت شفايفها فوق شفايفو و باستو ..... نحات يديها من فوق عينيه و بعدت تلقاه مازال مغمض عينيه ... مالحشمة حطت يديها على وجهها غطاتو. .. مدة قصيرة و نحات يديها تلقاه يغزرلها ... هو جا باش يتكلم و هي هربت تجري .... قعد يضحك عليها .. و بعد تفكر الورقة ... قرأها
《 أمان زيد ... ماتضحكش عليا ... عندي برشا شاهية نعملها و اليوم وين تجرأت و نجمت. .. انساها و اعتبرها ماصارتش ... ماتحشمنيش عيشك》يقرأ فيها و يضحك على هبالها ... موش مسيبها على هالعملة و بش يعمل عليها جو
خلط عليها يشوف فيها وين يلقاها في للباركينغ جاها منتالي وحملها ...
-زيد .. فجعتني يا هم. ..
-هم .. !!! قبل دقيقتين كنت تبوس فيا تو وليت هم ... !!
-أبعد خليني نمشي ... !!( هي جات ماشية و هو رجعها .. و شدلها يديها ورا ظهرها )
-انا تو شاهي حاجة و باش نعملها ...
-زيد أبعد عيشك .. الجماعة جايين راو ... كي يشوفونا هكا ... و قتلك انساها الحكاية .. (هبطت راسها و وجهها حمار)
-مانجمش ننساها. .. باش تقعدلي تاريخ
-باهي عيشك سيبني ... لا نموت من دقة قلبي الزايدة .. و يولي نهار تاريخي بالحق ...
-باهي هههه على خاطرك .. حبيبتي الحشامة اما السؤال المطروح ... و كيما قال نزار قباني كيف عصفت بوجداني يا أحلام !!!
-هههه عمتلك البخوخو زيدون ... أي أبعد خليني نمشي ... .
-سحرتني و الله .. تفضل للا هاني سيبتك
هي جات باش تمشي و هو كالعجاجة خطفها من يدها و دورها ليه ... غدرها و خطف بوسة فيسع و هرب
-خذيتها حلومتي ههههه باي نتقابلو العشية هنا ..
أنت تقرأ
كرونيك: و_شاءت_الاقدار
Fanfictionهاي بنات جبتلكم كرو كامله قصيره كرونيك فتوق بلحق حكاية عالمية بعنوان #وشاءت_الاقدار ابطالها #منقولة 🌻 زيد و احلام 🌻 ❌🔇😍👌 🎶 الحلقة 1 🎶 كانت تجري .... و تتلفت وراها ... هاربة منهم ... كان يشدوها حياتها تتدمر و تخسر كل شي ... تجري و موش هاممه...
