في هويد الليل

الفصل السادس

*عاد من ذكرياته علي تعالي اصوات ضحكاتهم في الاسفل، فاليوم هو يوم العطله والتي يحرص فيه الحج ليل علي تجميع اولاده وفارس وليلي معاً يقضون اليوم في جو آسري خاصه بعد وفاه والد عم حسين والد فارس....
* قبض علي يده بقوه وتوحشت نظراته عندما لمح فارس وليلي قادمين من بعيد والسعاده واضحه علي وجوهم وصوت ضحكاتها يمليء المكان وفارس يعلمها كيفيه ركوب الخيل وخاصه فرسه العنيد  "ادهم" ..!!!!!
* لمح والده يشير اليه حتي ينزل وينضم اليهم ، فأومأ له موافقاً ، مزيفاً ابتسامة علي محياه ، خافياً خلفها ليس فقط تشوه وجهه بل ايضاً تشوه روحه !!!

...............................................................
"رواية في هويد الليل بقلمي لولا نور"
الرواية مسجلة حصري باسمي وممنوع منعاً باتاً النقل او الاقتباس او النشر علي اي موقع او مدونه او جروب من دون اذن ومن يفعل يعرض نفسه للمسألة القانونية.
...............................................................

* يا ابني ارحم نفسك شويه وارحم الغلبانه اللي عمال تزغط فيها زي البطه الي هتدبح علي العيد ... هتف بها فارس مشاكساً جواد الذي يطعم زوجته ، بعدما سحب من امامه طبق الفاكهه واخذ ياكل منه ويطعم ليلي بيده....
* وانت مالك انت ، ولا هو حلال ليك وحرام عليا، وبعدين انا مراتي بتاكل لاتنين هي وولي العهد ، قالها وهو يربط علي بطن زوجته الكبير المنتفخ ...!!!
ثم تابع مضيفاً بمزاح: لكن انت بقي بتاكل مراتك ليه ، طفاسه ولا مُحن!!!
ما انت لو تبطل نشفان دماغك ده، كان زمانك بتاكلها لاتنين زيي، والعيال يكبروا ويتربوا سوا ....
* رد فارس معقباً وهو ينظر الي عين حوريته بعشق وهو يطعمها حبات الفراوله الطازجه التي تشبه شفتيها الرقيقه التي لا يشبع من تقبيلها ابداً: مالكش دعوه ، مصلحه ليلي عندي اهم ، تخلص جامعتها الاول وبعدين نبقي نشوف موضوع الخلفه ده، انا مش عاوز حاجه تشغلها عن دراستها .. هندسه صعبه ما انت عارف..