စုမင်ခန့်မှန်းမိ၏ .."မင်းအပြင်ထွက်ရင်တော့ တစ်ခုခုမကောင်းတာဖြစ်လာနိုင်တယ်"
နတ်ဆိုးအတွက် တံခါးကိုဖွင့်လိုက်လျှင် သင့်အား တိုက်ရိုက်သတ်နိုင်သလို ဒါမှမဟုတ် ခေါ်ဆောင်သွားလိမ့်မည်ဟူသော ဒဏ္ဍာရီတစ်ခုရှိခဲ့ဖူးသည်။
တံခါးဖွင့်ဖို့ လှည့်စားမယ့်အရာက တံခါးဖွင့်လိုက်တာနဲ့ သူတို့ခန္ဓာကိုယ်ကိုတောင် သိမ်းပိုက်သွားနိုင်တယ်။
"အပြင်မထွက်မိတာ ငါကံကောင်းလို့" လီချီယွီတစ်ယောက် သူတော်တော်ကံကောင်းတယ်လို့ ခံစားမိသည်။ .."လဲ့လင်း မင်းဒီကိုမလာသင့်ဘူး"
လဲ့လင်းအမူအယာကင်းမဲ့စွာဖြင့် .."ဘာမှမဖြစ်ဘူး"
စုမင်သည် ဤထိတ်လန့်ရုပ်ရှင်တွင် လဲ့လင်း၏ဇာတ်ကောင်ပင်ကိုစရိုက်ကို သိချင်သော်လည်း ဖော်ထုတ်ရန် အခွင့်မသာသေးပေ။ အဆုံးမှာဖော်ထုတ်ပြသပြီး ဇာတ်သိမ်းခန်းတွင် ပါဝင်နိုင်ခြေရှိသည်။
သူတို့ပြောသမျှဟာ မှန်းဆချက်မျှသာဖြစ်ပြီး အမှန်တရားကို လက်လှမ်းမမီနိုင်ဘူး။ နောက်ဆုံး၌ သူတို့ ကောက်ချက်တစ်ခုသာချလိုက်ကြသည်။ —— - အပြင်မထွက်နဲ့...
ကျောင်းထောင်ကျီးတုံ့ဆိုင်းလျက် .."မိုးမချုပ်သေးဘူးဆိုတော့ အမြန်တစ်ခုခုသွားစားကြရအောင်"
စုမင်က .."အတူတူသွားကြစို့ ... ဒီနေရာကနည်းနည်းမလုံခြုံဘူးဆိုတော့ ငါတို့လေးယောက်လုံးအတူတူသွားကြတာအကောင်းဆုံးပဲ"
သူတို့ပထမထပ်ကိုရောက်စဉ် ကျယ်လောင်သောရုတ်ရုတ်သဲသဲအသံတွေ ကြားလိုက်ရတယ်။
ကော်ရစ်ဒါမှအထွက် လူတစ်စုက ဟိုတယ်ကို ဒေါသနဲ့ဝေဖန်ပြီး ဝန်ထမ်းတွေနဲ့ ပွဲစီစဉ်သူတွေကို ကျိန်ဆဲနေတာကို တွေ့လိုက်ရတယ်။
အစက လူနည်းစုသာဆိုပေမဲ့ နောက်ပိုင်းလူအုပ်စုတွေ ပါဝင်လာကြသည်။
သူတို့ပြောဆိုနေတာကို စုမင်နားထောင်ကြည့်တော့ သူတို့ရဲ့ဒေါသထွက်ရသည့်အကြောင်းရင်းက သူတို့နဲ့အတူလိုက်ပါလာသောအဖော်တွေ ပျောက်ဆုံးသွားပြီး ဟိုတယ်မှာရှာမတွေ့လို့ဖြစ်သည်။
YOU ARE READING
To be a Heartthrob in a Horror Movie(Myanmar Translation)
Mystery / ThrillerOriginal Author - Jiang Zhi Yu(姜之鱼) English Translator - Naeda / Kk translates [Zawgyi/Unicode] Holographicကြည့်ရှူသည့်နည်းပညာသည် ပရိသတ်များအား ရုပ်ရှင်ထဲဝင်ခွင့်ရပြီး ကိုယ်တိုင်ကိုယ်ကျအတွေ့အကြုံခံစားနိုင်တယ်။ သဘာဝအားဖြင့် အချစ်ဇာတ်လမ်းများက ပေါ်ပြ...
Chapter 48
Start from the beginning