أريد أن أحبك يا سيّدتي
وأغير التّقاويم وأعيد تسمية الشّهور والأيام
وأضبط ساعات العالم..
على إيقاع خطواتك ورائحة عطرك..
التي تدخل إلى المقهى.. قبل دخولك..
إني أحبّك يا سيّدتي
دفاعاً عن حقّ الفرس.. في أن تصهل كما تشاء..
وحقّ المرأة.. في أن تختار فارسها كما تشاء..
وحق الشّجرة في أن تغيّر أوراقها
وحق الشّعوب في أن تغيّر حكّامها
متى تشاء....
_مفيش حاجة عايزة تقوليها كده؟
هتف بها ياسين متسائلا وهو يتأمل أن تفصح له مليكة عن حبها.
أجابته قائلة بخجل:
_ياسين احنا وصلنا اسكندرية اهدى بقى.
_والله ظلم بقالي 3 ساعات في الطريق بحاول أقنعك وأنتي مبتتكلميش، ارحميني بقى جبتيلي جفاف عاطفي.
نظرت إليه وهي تضحك ثم اقتربت له هامسة بأذنه:
_وأنا بحبك من أول يوم شفتك فيه يا ياسين.
فور أن أنهت جملتها نزلت من السيارة مسرعة والخجل بادي على وجهها.
_الواد ياسين ده طلع فظيع.
هتف بها كريم وهو يترجل من سيارته بمزاح.
فأردف ياسين محذرا:
_ولا ملكش دعوة بيها واحترم نفسك.
_أنت تؤمر يا دنجوان عصرك حاضر.
همس ياسين بصوت منخفض:
_بقولك إيه مين اللي معاك في العربية دي؟
أجابه بتهكم:
_ملك المهدي يا سيدي اللي جدك بلاني بيها في آخر أيامي.
_آخر أيامك! هو أنا بتكلم مع واحد عنده 90 سنة.
قطع حديثهما وصول الجميع وصوت ناردين المرتفع نسبيا وهي تقول بحنق:
_خلاص يا يوسف خلي الواد يطلع بفراولاية في قفاه بقى.
أردف يزيد متعجبا:
_ابن أخويا هيبقى عنده فراولة في قفاه.
سأل نديم بتعجب قائلا:
_هو في إيه وفراولة إيه؟
أردفت ناردين بحنق:
_نفسي في الفراولة والأستاذ مش هاين عليه يدورلي عليها.
خرج يوسف عن صمته قائلا:
_يا جدعان أدور على فراولة فين أنا دلوقتي واحنا في شهر ٨.
هتفت نور وهي تقف بجانب ناردين:
_ما تتصرف يا أخي أما أمركم عجيب أوي يا رجالة، عايزين تخلفوا وتبقوا أب وفي الآخر حتى الفراولة مش هاين عليك تجيبها.
أردفت روجين بدلال وهي تمسك يد نديم:
_نديم ممكن تجبلي رمان.
نظر نديم نحو يوسف قائلا:
_الله يخربيتك يا يوسف الكلب، يا حبيبتي رمان إيه في الصيف أجيبه منين أنا؟
تصنعت الحزن قائلة:
_يعني عايز البيبي يطلع على وشه رمانة.
أردف بتهكم:
_لأ طبعا يطلع عليه رمانة ليه؟ يلا يا أستاذ يوسف ندور على الرمان والفراولة.
جذب يوسف إياد قائلا له:
_أنت جاي معانا رجلك على رجلنا.
هتف اياد بضيق:
_يعني الزفت زياد يتجوز وأنا أدور على رمان وفراولة.
بعدما ذهبوا بلحظات قصيرة انفجر الجميع ضاحكين فسألهم ياسين:
_هو أنتو بتتوحموا بجد ولا ده استهبال.
هتفت الفتاتان بنفس الصوت:
_استهبال طبعا.
استطردت روجين قائلة:
_بصراحة حبينا نغلس شوية ونشوف هيعرفوا يجيبوا حاجة ولا لأ.
نكزته ناردين بذراعه قائلة بصوت منخفض:
_ياسين مين دي ها؟ هي دي البت اللي أنت بتحبها؟
أومأ برأسه فأردفت هي مرة أخرى:
_تصدق حلوة وأنا قلت تلاقيك مدهول وجايب واحدة وحشة.
تجاهلها قائلا وهو يغمز لنور وروجين:
_يا جماعة دي مليكة ها، اتعرفوا عليها بقى وأنا هروح مع زياد.
هتفت ملك وهي تطالع كريم بنظرات تهكم:
_وأنا ملك يا جماعة بس كريم طبعا مش هيعرفنا على بعض عشان مش طايقني.
أردف سليمان مازحا:
_المهم أنا طايقك يا ستي ولا أنا مش مكفيكي.
قالت ببسمة:
_لأ طبعا يا عمو حضرتك تكفي وزيادة.
احتضنتها نور قائلة:
_أنتي في حد يقدر ميبقاش طايقك وأنا موجودة، تعالي أنا هعرفك عليهم كلهم.
بعد وقت قليل توجه الشباب صوب غرفة زياد والبنات إلى غرفة نارفين.
YOU ARE READING
شمس الحياة (مكتملة)
Romanceرواية:رومانسي، اجتماعي، كوميدي، حزينة، عائلي، غموض، تقدروا توصفوها ان هي شبه الحياة كل وقت ليه مشاعر خاصة بيه. سرد فصحى، حوار عامي من أجواء العمل: عندما تكون حياتك مظلمة ومليئة بالأسرار، وفجأة يقتحم حياتك شخص منير كالشمس، يعرض عليك أن ينير لك حياتك...
