"ကျွန်မဆို ပေါက်ပေါက်ဆုပ်တောင်မစားလိုက်ရဘူး ... အကုန်လုံးကိုချေမွမိသွားတယ်………"
နောက်ဆုံးကွန်းမန့်ကို စုမင်မြင်တော့ repliesတွေကို နှိပ်လိုက်သည်။ အတွင်းစိတ်မှာ သူမပေါက်ပေါက်ဆုပ်တွေအတွက်စိတ်မကောင်းပေ။
ကျန်တာတွေမဖတ်ခင် သူအဆောင်ဆီရောက်လာတယ်။
လီဝမ်ရှင်းနဲ့ဝမ်ဒီတို့က အိပ်ယာနိုးနေလေကာ တစ်ယောက်ကဂိမ်းကစားနေပြီး ကျန်တစ်ယောက်က ထမင်းအိုးကိုသုံးပြီး အသင့်စားခေါက်ဆွဲပြုတ်နေသည်။
ခေါက်ဆွဲပြုတ်ရနံ့သည် တစ်ခန်းလုံးပြည့်နှံ့နေသည်။
ကျောင်းက လျှပ်စစ်ဓာတ်အားမြင့်အသုံးအဆောင်တွေ အသုံးပြုဖို့ခွင့်မပြုသော်လည်း များပြားလှေသာသေးငယ်တဲ့ပုံစံတွေသည် အွန်လိုင်းတွင်ရောင်းချနေပြီ။ ဤထမင်းချက်အိုးလေးသည် သေးပြီး တစ်ကြိမ်ကိုနှစ်ယောက် ၊ သုံးယောက်စာသာ ချက်နိုင်သည်။ခေါက်ဆွဲပြုတ်ရနံ့က လီဝမ်ရှင်းကိုဆွဲဆောင်စေပြီး သူပြန်လာတာတွေ့တော့ မေးလေသည်။
"မင်းရော စားအုန်းမလား? မင်းစားမယ်ဆို ငါနောက်တစ်ထုပ်ထည့်လိုက်မယ်?"ခေါက်ဆွဲချက်ပြုတ်ခြင်းသည် ရေပူထည့်ရုံနဲ့ လုံးဝကွာခြားသည်။
ဒီတစ်ခါ လီဝမ်ရှင်းက ဟင်းခတ်အမွှေးအကြိုင်မျိုးစုံဝယ်ထားပြီး အများကြီးထည့်ထား၍ အရသာပိုပြင်းတယ်။
စုမင်ခေါင်းခါယမ်းကာ .."ငါစားပြီးပြီ"
သူကြားချင်သည့် တုန့်ပြန်သံကြောင့် သူ့စားစရာကိုဘယ်သူမှလိုချင်သူမရှိတော့တာမို့ လီဝမ်ရှင်းပျော်ရွှင်သွားကာ ပန်းကန်လုံးထဲအပြည့်ထည့်ပြီး မေး၏ .."ဇာတ်လမ်းဘယ်လိုလဲ?"
စုမင်.."အဆင်ပြေပါတယ်"
"ဘယ်အဆင်ပြေတာကို အဆင်ပြေတာလဲ" လီဝမ်ရှင်းညည်းညူတယ် .."ငါရုပ်ရှင်မကြည့်ဘူး ... ဒါပေမဲ့ ဘာဖြစ်လဲဆိုတာတော့ အခြေခံအားဖြင့် ငါသိပြီးသား"
ဝမ်ဒီလည်း ဝင်မေးလေတယ် .."ချန်စုကဘယ်သူလဲ?"
"ငါလည်းမသိဘူး" စုမင်ပြန်ဖြေလိုက်တယ်။
YOU ARE READING
To be a Heartthrob in a Horror Movie(Myanmar Translation)
Mystery / ThrillerOriginal Author - Jiang Zhi Yu(姜之鱼) Chapters - 149+7 extras English Translator - Naeda / Kk translates [Zawgyi/Unicode] Holographicကြည့်ရှူသည့်နည်းပညာသည် ပရိသတ်များအား ရုပ်ရှင်ထဲဝင်ခွင့်ရပြီး ကိုယ်တိုင်ကိုယ်ကျအတွေ့အကြုံခံစားနိုင်တယ်။ သဘာဝအားဖြင့် အ...
Chapter 38
Start from the beginning